پشتی ١٨ سالێن سەروکاتیا حکومەتێ، ل ٢٨ێ ئەڤێ مەھێ رێزدار نێچیرڤان بارزانی ب ئاوایەکێ یاسایی و دیموکراسی ب زۆرینەیا دەنگان، سەرەرای نەئامادەبوونا ھند ھێزێن کو خۆ ب پارێزەرێن ھەڤسەنگیا سیاسیا ھەرێمێ دزانن ھات ھەلبژارتن. ئەڤ چەندەژی وێ یەکێ دسەلمینیت کو متمانە و باوەریا خودێ پارتی یە ب پشت بەستن ب کەسایەتیا پر ھێزا دبلوماتکاریا کاندیدێ خۆ بۆ پوستێ سەرۆکاتیا ھەرێمێ. کو بڤێ ھەلبژارتنێ ئێدی ھەرێمێ کەتە دکەتوار و قوناغەکا دیترا ھەمژمونا حکومرانیا سیاسی دا. بتایبەت بۆ خودێ سەرۆکێ ھەرێمێ رێزدار نێچیرڤان بارزانی کو ھەرچەندە د ماوێ حکومرانیا خودا بەری ببیتە سەرۆکێ ھەرێمێ ناڤبری درێغی نەکریە د ئەداکرنا ئەرکێ خودا ل سەر ئاستێ ناڤخویی و دەرەکیدا.
لەورا ب دیدا من ئێدی ناڤبری دێ ژ مینبەرا سەرۆکاتیا ھەرێمێ خزمەتەکا دیترا دەولەمەند پێشکەشی خەلکێ کوردستانێ کەت ب ھەمی رەھەندێن خووڤە. ب رەنگەکێ دیتر بێژین دێ ئەڤ پوستێ نویێ وی بیتە چەترا ل ھەڤجەمیانا تەماما خەلکێ کوردستانێ بۆ پێکڤە ژیانێ و ئاڤاکرنا کوردستانەک بھێز. ئەڤە زێدەباری چارەسەرکرنا کێشە و ململانیێن ناڤخویێن ھەرێمێ بخوژی ئەوێن نھا ھەرێم تێدا دەربازدبیت، وە ژلایەکێ دیڤە دێ برێکا ئەڤی پوستی پەیوەندیێن ھەرێمێ دگەل بەغدا بەتە د قوناغەکا دیتردا؛ چونکێ ناڤبری ئەندازیارەکێ چالاکە دوارێ زیندیکرن و خورتکرن و بەرەڤ پێشبرنا پەیوەندیێن سیاسی ل سەر ئاستێ ناڤخویی و دەرەکی.
ھەروەسا ناڤبری دێ شێت ریفورمەکا دی دوارێ برێڤەبرنا ھەرێمێ دا پێشکەش کەت و ھند چاکسازیێن گرنگ کەت ب تایبەت د مەلەفێن ئەمنی و سیاسی و چاکسازیا ئیداریدا. دیسا ناڤبری دێ شێت ھەولێرێ بکەتە ناڤەندەکا مەزنتر بۆ سەرنج راکێشان ھێزێن ناڤخویی و دەوروبەر ھەم بۆ خەلکێ ھەرێمێ و ھەمژی بۆ ھەمی کوردان ئەوێن ل پارچێن دیترێن کوردستانێ کو زێدەتری ٤٠ ملیون کوردانە. کو پشتا خۆ ب ھەرێما کورستانێ گەرم بکەن. ئەڤە زێدەباری وێ یەکێ کو دوارێ دبلوماسیدا دێ شێت لسەر ئاستێ پەیوەندەنیێن نێڤدەولەتیدا پێگەھێ ھەرێما کوردستانێ پارێزیت و بھێزتر لێ بکەت.
دیسان ژلایێ ئەولەھیێ ژیڤە ناڤبری ب حوکمێ وێ چەندێ کو سەرۆکێ ھێزێن چەکدارێن ھەرێما کوردستانێ یە، دکاریت ب یەکخستنا ھێزێن پێشمەرگیچن کوردستانێ رابیت ژلایێ لوجستی و چەکداریڤە، ھێزەکا نشتیمانی یا مودێرن ئاڤا بکەت. ھێزەک کو ب بیتە قەلغانەکێ بھێز بۆ پاراستنا قەوارێ سیاسیێ ھەرێمی و خەلکێ وێ ب ھەمی پێکھاتێن وێڤە. ب واتایەکا دیتر مینبەرا سەرۆکاتیا ھەرێمێ ب دەستھەلاتداریا نێچیرڤان بارزانی دێ وەرچەرخانەکا دیرۆکی بیت بۆ تەماما کوردان و خەلکێ کوردستانێ ب ھەمی ئالیێن وێڤە، وە ئەگەر ئەڤ چەند مە ل سەری دایە دیارکرن ب جدی کار لسەر بھێتەکرن. کو گومانژی تێدا نینە ناڤبری ب ئەزمونداری و لێزانیا خو دێ ئەڤێ چەندێ کەتە نمونەیەکا زیندی د دیرۆکا حکومرانیا دەڤەرێ و ھەرێمێ دا ناڤێ خۆ تومارکەت. ھەروەکی چەوا بەریا نھا نمرێن پێڤای د وارێ برێڤەبرنا کابینەیێن بوریدا یێن حکومەتا ھەرێما کوردستانێ. ب ھەمی سێکەتەرێن: ئابوری، پێشەسازی، ئاڤەدانی، جڤاکی، یاسایی، چاکسازی، سیاسی، ئەولەھی، خزمەتگوزاری...ھتد. تومارکرین.