ئێک ژ دیاردە یێن ڤی سەردەمەی ریە یان ردین بەردانە کو ل سەر دەمەکێ دویر وەرە نیشانێ باشی و چاکیێ و مرۆڤپەروەریێ و تەناھی و پشتڕاستیێ و زانین و زانستی بوو, بەری یا ئایینان و ھەیا نھا ژی، ل ئێرە و ل وێرێ، مخابن ئەو ردینێن ڤێ گاڤێ خەلکەک خەلکی پێ دخاپینن و مرۆڤان پێ سەرژێدکەن، و کەل و پەل و جل و بەرگان لسەر گران دکەن و دەنگێن وان ددزن و بەرژەوەندی یێن خۆ ب تنێ پێ دپارێزن، مخابن کو ھندەکان ردین بۆ خۆ کرییە پەردەیەک، داکو خەلکێ سادە و خۆش باوەر پێ ب خاپینن، مخابن کو شێوە و سیما بووینە پیڤەرێن باشیێ و چاکیێ و جوانیێ نە ناخ و رەفتار و کریارێن تشت و مرۆڤان.لسەر ڤی بابەتەی دخازم بۆ وە چێرۆکەکێ ڤەگێڕم، کو "چیڕۆکا باڵندەی و ڕدینێ" دبێژن ئەڤ چیڕۆکە ل سەر دەمێ سولەیمان پەیامبەر سڵاڤ لسەر بن ھاتییە رویدان.
دبێژن جارەکێ باڵندەک ھاتییە داکو ئاڤێ ل کانیەکێ ڤەخوتن، لێ ھندەک زارۆک ل نێزیک کانیێ دیتینە، چاڤەڕێکر ھەیا کو زارۆک چووین و دویرکەفتین، ب تەقەزایی زەَلامەکێ ب ردین دھێتە سەر کانیێ, باڵندە لگەل خۆ د ئاخڤیت و دبێژیت، ئەڤە زەَلامەکێ گران و ب ئاقلە و چ ئیشان ب من ناگەھینیت، ڤێجا باڵندە ھاتە سەر کانیێ، داکو ئاڤێ ڤەخوت، زەڵامێ ب ردین، بەرەک تێوەرکر و چاڤێ وی پەقاند، باڵندە ب سکاڵاڤە فڕی و قەستا سولەیمان پەیامبەرێ خودێ کر, سولەیمان پەیامبەری ھنارتە دویڤ وی زەڵامی و گووتێ: ما تە چ پێدڤی .. ب ڤی باڵندەی یێ تە بەر ھاڤێتیێ، ھەنە، گووت: نا, پەیامبەری فەرمان ب چاڤ پەقاندنا زەڵامی کر، لێ باڵندەی خۆ نەرازیکر و گووت: چاڤێ زەڵامی ئێش نەگەھاندییە من، لێ بەلێ ردینێ ئەز ب سەردا برم و خاپاندم، لەوا داخاز دکەم کو ردینا وی ب تراشن وەکو سزا، داکو چ کەسەکێ دی وەکو من ب سەردانەچیت و نە ھێتە خاپاندن.
ئەرێ ھەکە ئەڤ باڵندە ل ڤی سەردەمێ مە بھێتن, دێ داخازا بڕینا چەند ردینان کەت؟؟؟ لدوماھیێ ھەموو رێز و خۆشڤیانا من بۆ کەسێن کو ردین نە ژ بۆ خاپاندنا مرۆڤان بەردای.