بەریا چەند رۆژان نێچیرڤان بارزانی سەرۆکوەزیرێن هەرێما کوردستانێ نامەی ژ بۆ نەتەوەیێن ئێگرتی هنارت و چەند پێشنیار بۆ ئاراستەکرینە، ئاراستەکرنا ڤان پێشنیارا د دەمەکی دا کو یا پێدڤیە ئەڤ پیشنیارە بهێنە جێبەجێکرن، ژ لایەکێ دیڤە ژی دێ بنە ئەگەرەک بۆ پتر گرەنتیکرنا پێگەهێ هەرێما کوردستانێ ل نەتەوەیێن ئێکگرتی.
هەر ژ دەما ژناڤچوونا رژێما بەعس و نڤیسەنا دەستورێ نوو یێ ئیراقێ و تا نها ب چ رەنگان کێشەیا دەڤەرێن کوردستانی نەهاتیە چارەکرن و خەمساری ژ لایێ بەغدا ڤەیە، پشنیار کرنا جێبەجێکرنا مادەیا ١٤٠ یا دەستورێ ئیراقێ ب ناڤبەینکاریا هنارتیێ نەتەوەیێن ئێکگرتی دێ بیتە دەرگەهەک بۆ نەهێلانا شینوارێن دوبەرەکیێ دناڤبەرا کورد و عەرەبان دا ب تایبەت پشتی روودانێن شازدەی ئۆکتوبەرێ و رەوشا نها یا کەرکووک و دەڤەرێن دی یێن کوردستانی، پێشنیارکرنا دەستنیشانکرنا هنارتیەکێ تایبەت بۆ هەرێمێ ژ پێدڤیاتیانە ژ بەرکو پترین ئاوارە و پەنابەر ل هەرێما کوردستانێ نە وئەڤە دێ وەکەت ئاریشەیێن وان ب رێیا نەتەوەیێن ئێکگرتی و رێکخراوێن بیانی بهةە چارەکرن و پێدڤیاتیێن وان بهێنە دابینکرن، ئینانا بارەگەهێ نەتەوەیێن ئێکگرتی ژ بەغدا بۆ هەولێرێ دبیت د ئارمانجەکا نزیک دا بیت ژ بەرکو بارودوخێ بەغدا یێ بەرچاڤە و مانا وان ل بەغدا ب هەمی رەنگان بارگرانی و ترسەکا زێدەیە ب تایبەت پشتی راکرنا کۆنکریتێن ل دەڤەرا کەسک یا بەغدا..
پێشنیارکرنا ڤان خالان د دەمەکی دانە کو ژ پێدڤیاتیانە و دڤێت نەتەوەیێن ئێکگرتیژی ب دییراسەت خالێن ڤێ نامێ مفای ژێ وەرگرن .