پشتی حەفت مەھێن چاڤەرێبونا ھاولاتیێن کوردستانی ژ دوو دلی و ئازارێن گران ، چاڤەرێ بوون ژ دوو پارتێن سیاسی یێن مەزن یێن کو بێ ھەبونا وان حکومەت یا مەحال بوویە ، پشتی ئیمزاکرنا رێکەفتناما دوماھیکێ دناڤبەرا پارتی دیموکراتی کوردستان و ئێکەتیا نیشتمانی یا کوردستانی ل ٥ ی گولانا ٢٠١٩ خەبەرەکێ دلخوشکەر بوویە بو تەڤایا کوردستانیان ، ھەتا ئاستەکێ مەزن دوو دلی و ئازار لدەڤ ھاولاتیان کێم کریە ، زێدەباری رێکەفتناما دناڤبەرا پارتی دیموکراتی کودستان و بزاڤا گوران کو ئەو ژی فاکتەرەکێ گرنگ بوویە ژبو پێکئینانا پروسەیا سیاسی یا نوی ل ھەرێما کوردستانێ ، ئێکەتیا نیشتیمانی یا کوردستانی ھەر روژ ب بیانویەکا نوی کار بو گیروکرنا پروسێسا سیاسی یا نوی ل ھەرێما کوردستانی دکەت ژبەر کو پارتەک باوەری ب دیموکراسیێ ھەبیت و خودانا ٢١ کورسیان بیت نەک ب ئوپوزسیون بونێ رازی دبیت نەک ب بەشداریکرن دحکومەتێ دا رازی دبیت لەوران ئێکەتیا نیشتیمانی یا کوردستانی ئەگەرێ سەرەکی یێ گیروکرنا حکومەتا نوی یە ، سەرەرای دروست بونا رێکەفتناما دناڤبەرا پارتی دیموکراتی کوردستان و ئیکەتیا نیشتیمانی یا کوردستانی ل ٥ ی گولانا ٢٠١٩ پشتی بورینا دوو روژان ل ٧ ی گولانا ٢٠١٩ گەفێن گیروکرنا حکومەتێ کر ئەگەر ھات و سەروکاتیا ھەرێما کوردستانێ دوو جێگر نەبن ، ب دیتنا من جارێ ئەڤە دەست پێکە و ل داھاتی دا ل کارێ حکومەتا نوی دا دڤێت پارتی دیموکراتی کوردستان بێھن فرەھیا ئەیوبی ھەبیت دگەل ئێکەتیا نیشتیمانی یا کوردستانی و سەرەرای رولێ دادڤانیێ بگێریت ل ھەمبەر کێشە و ناکوکیێن دناڤبەرا ئێکەتیا نیشتیمانی یا کوردستانی و بزاڤا گوران دپلە و پوستەیێن حکومی دا ، کەواتە ئەرکێ پارتی دیموکراتی کوردستان دێ گران تر بیت ، لڤێرە دا پارتی دیموکراتی کوردستان ھەر ژ دەستپێکا دان و ستاندنان دگەل لایەنێن سیاسی یێن سەرکەفتی د ھەلبژارتنان دا کوم بوو ژبو گفتوگوکرن لسەر چەوانیا پێکئینانا کابینەیا حکومەتا نوی یا ھەرێما کوردستانێ ، شیایە چەندین ئاستەنگ و قوناغان دەربازبکەت ب ھونەرەکێ جوان و تایبەت گشت لایەنێن سیاسی یێن سەرەکی رازی بکەت کو پێکڤە خزمەتا ھاوەلاتیێن کوردستانی بکەن ، لڤێرێ رولێ جێگرێ سەروکێ پارتی دیموکراتی کوردستان (نێچیرڤان بارزانی) رولەکێ ئێکجار مەزن و کاریگەر گێرایە تا گەھاندن ب قوناغا ئەڤروکە ، کو بەردەوام دووپاتیێ ل ئێک دوو قەبویلکرن و برایەتیێ کریە .