دوای ئەوەی قەڵەمە گوماناویەکانی وەک مەریوان و ئاراس فەتاح و هاوبیر و هاوبیچمەکانیان, لە تۆمەت هەڵەستن و چەواشە کردنی خەڵک دەستیان لە بنی هەنبانەی چەواشەکاری و هۆنینەوەی درۆ دەرچوو, ئیستا بە دامەزراندنی بارەگای (بارزانی)یانەوە گرتووە, دیارە هەموو حزبێک ئازادە لەوەی چ ناوێک بۆ بارەگاکانی دادەنێ و هیچ کەس و لایەنێکی دەرەوەی ئەو حزبەش بۆی نییە تانە و تەشەری لێبدات, هەر قسەیەک لەو بارەوە بکرێ گەوجی و وڕێنە کردنە و بەس.
لە سەرێکیشەوە ناهەقی ئەو قەڵەمە گوماناویانە ناگرم کاتێ بەناو هێنانی بارەگای بارزانی دەهری دەبن و گوێیان لە کوڵاوی دەردەچێ، چونکە بەناو هێنانی بارەگای بارزانی مێژووی سەروەریەکانی بارەگای بارزانی نەمریان دێتەوە یاد, کە ببووە مەرجەعی هەموو کورد و هەموو کوردی لەژێر چەتری کوردایەتی کۆ کردبۆوە, ئەوانیش نانیان لەوەدایە کارێکی وا بکەن ئەو چەترە نەمێنێ و بارانی غەزەبی دوژمنان بەسەر کێڵگەی کوردبوون و کوردایەتیدا ببارێنن, چونکە ئەو قەڵەمانە لەلایەن داگیرکارانی کوردستانەوە ئەرکی پەرتەوازە کردنی ناوماڵی کوردیان پێ سپێردراوە و دەزانن بە درووست کردنی ئەو بارەگایە لە راپەڕاندنی ئەو ئەرکە و بەدەستهێنانی رەزامەندی دوژمنان شکست دەخۆن، بە شکست خواردنیشیان ئەو نان و قوتەیان دەبڕدری کە لە پاداشتی خراپ بەکارهێنانی قەڵەمەکەیان پێیان دەدرێ.