سیاسەتی ھەلەی پەکەکە وە دەست وەردانی لە ناوچەکە بەشێوەیەکی نا تەندروست شکستی گەورە و کۆسپی بۆ ھەدەپە دروست کرد ئەو پارتەی کە توانی بووی سود لە کەشی تا رادەیەک دیموکراسی تورکیا وەربگرێت وە دۆزی رەوای کورد بەرەو دەرچەیەکی باش ببات وە توانی چ لە رووی ھەرێمی چ لە رووی نێودەولەتی پشتگیری و پشتیوانی بۆ دروست ببێت تا ئەو رادەی کە لە ناوخۆی تورکیاش پشتیوانی باشی ھەبوو بۆ ئەوەی بتوانرێت قۆناغێکی نوێ بێتە کایەوە لە سایەی ئەم پارتە کوردیە وە بە تایبەت کە پر بوو لە کەسانی بە توانا وە خاوەن بیرێکی رۆشن و نیشتیمانپەروەر وە ھەنگاوی باشی نا وە پارتی دەسەلاتداری تورکیا ئاکەپە قبولی بوو کە کوردیش خاوەن ھێزی سیاست بێت وە بەم شێوەیە بۆ ئەوەیش ئاسانتر بوو بۆ رێکەوتن لەگەل کورد ئیدی ھەدەپە سەردەمی گەشانەوەی گرنگی بە خۆی بینی تا دەھات لە ھەموو لایەک پشتیوانی بۆ زیاد دەبوو بە تایبەت لەسەرجەم پارچەکانی کوردستان وە لەوەش تایبەتر پشتیوانی بێ سنوری جەنابی سەرۆک بارزانی کە لە رێگای پەیوەندیەکانی خۆی لەگەل تورکیا توانی رۆلی ھەدەپە بەھێزتر بکات وە دەست پێکردنەوە بە پرۆسەی ئاشتی لە تورکیا بە دەسکەوتی ھەدەپە دادەنرێت بە نێوەند گیری سەرۆک بارزانی ھەنگاوی گرنگی بری نزیک بوو لەوەی تورکیا بەرەو کرانەوەی زیاتر بروات وە بگاتە ئاستێکی باش وە تێگەیشتنی بۆ کێشەی کورد ھەبێت وە لەم قالبەی رەگەز پەرستیە تورکیا دەر بھێندرێت بەلام ئەوەی جێی داخە جارێکی تر تێکدان و لێک ھەلوەشانەوەی ھەموو ئەم ھەنگاوانە بوو لە لایەن پەکەکە ئەمەش بەھۆی ئەوەی دلنیابوون ئیدی رۆلی گرنگیان نابیت بە پێچەوانە ھەدەپە ئیدی خاوەنی کوردە لە باکور،وە بەچەند کردەیەکی نا شارستانی ئاواژەگێری تەواوی ریسەکەیان کردە خوری ئاخر حەقە خەلکی باکور بپرسێ کوشتنی دوو جەندرمە و سوتاندنی ئۆتۆمبێلی سەربازی و فریاکەوتن چ سودێکی ھەیە گەر بۆ تێکدانی دۆخەکە نەبیت؟
وە لەم ھەلانا بەردەوام بوو تاوەکو بەیەکجار بوونە ھۆی راگرتنی پرۆسەی ئاشتی لە تورکیا گەراندنەوەی کیشەکان بۆ خالی سفر بەداخەوە کە لە سایەی ئەم سیاسەتە ھەلەیە بیانوو درا بە دەولەتی تورکیا تاوەکو ئەوەی خراپە و لە دەستی دێت بیکات وە کردی بووە ھۆی ئاوارە بوون وە بە سەربازیکردن زۆربەی ناوچە کوردنیشانەکان کە ھاولاتیانی کورد بوونە سوتەمەنی ئەم سیاسەتە،دەرفەتەکان ھەمیشە دێنەوە پیش بەلام کە تۆ سودی لیوەرنگری ئیدی دەبێت چاوەرێی بەرامبەرەکەت بکەی تا بزانی چیت پێ دەکات کاتێک لە ھەلبژاردنی پەرلەمانی تورکیا ھەدەپە توانی سەرکەوتنێکی گەورە بە دەست بێنێت وە پارتی دەسەلاتدار ئاکەپە نەیتوانی زۆرینە بەدەست بھینێت وە ئەمە دەرفەتێکی گرنگ بوو بۆ ھەدەپە تاوەکو بە رێکەوتن لەگەل ئاک پارتی کە ئامادەی سازشی زۆر بوون دەسکەوتی گرنگ بەدەست بھێنت بەلام دیسان بە ھاندانی خەلکی دەرەوە ھەدەپە گەورەترین ھەلەی سیاسی ئەنجامدا وە ئەم دەرفەتەشی لەدەستدا،وە دوای سێ مانگ ھەلبژاردن دووبارە کرایەوە وە ئەمجارە ئاک پارتی زۆرینەی بەدەستھینا ئەوەی مەبەستی بوو کردی ھەدەپە ژمارەیەکی بەرچاو لە دەنگەکانی کەمیکرد وە سەرەنجام حکومەت و پارتی دەسەلاتدار کەوتنە رەشبگیری و گرتنی سەرۆک و دەیان کەس لە ئەندامانی ھەدەپە، وە پرسیاری گرنگ ئەوەیە ھەدەپە لەم ھەلبژاردنە ئایا براوەیە؟
بە روانین لە جەھەپە تێدەگەین کە دەکرێت بلێین ھەدەپە ھەلەیەکی تری بۆ ھەلەکانی زیاد کرد ئەم پارتە رەگەز پەرسترین پارتی تورکیایە وە ھیچ پرۆژەیەکی نیە بۆ چارەسەری کیشەی کورد وە دامەزرێنەرەکەی مستەفا کەمال ئەتا تورکە کە ھیچ تێگەیشتن و بروایەکی بە دۆزی کورد نەبوو دەکرێت بلێین جەھەپە و ئاک پارتی براوەن وە ھەدەپە بەداخەوە دۆراو وە پەندێکی کوردی ھەیە دەلێت دەبێت بلێین رەحمەت لە کفن دز.