بلا قوتابیێن مە دوان ھەول گاڤاندابن دوارێن جودا جودا یێن زانستی دا کو ببنە کوچەر چما کوچەر؟ کوچەری ژ پێخەمەت بدەست خستنا زانست و زانینێ و بەرز و بلندکرنا سەرێ مللەتێ خۆ مینا کوچەر بیرکاری کو پار سال خەلاتێ فیلدز کو وەکو خەلاتێ نوبل یێ بیرکاریێ دھێتە نیاسین وەرگرت و بویە جھێ شانازیا کوردان ل سەرانسەری کوردستانێ و جیھانێ، وەکو دیار د ئەڤ سالەدا ژی ل ٢٧ / ٣ /٢٠١٩ زانینگەھا سەلاحەدین درێورسمەکی دا ل ھەولێرا پایتەخت باوەرناما دکتورایا فەخری پێشکێشی زانایێ کورد کوچەر بیرکاری کر .
د وان رێورسماندا ژی زانایێ ناڤدارێ کورد پروڤیسور ( کوجەر بیرکار ) دادیارکرن :" خاندنا بەردەوام دێ تە ب ئامانج گەھینیت ." ئەڤ گوتنا ڤی بیرمەند و داھێنەرێ کورد بیرا من ژ گوتنێن دوو بلیمەتان ئینا لدۆر فێربوون و زانینێ ئەوژی ( ژان ژاک روسو )دەمێ دبێژیت :" مروڤێ زانا کەسەکە ھەمی گاڤا حەز فێربونێ دکەت". ھەروەھا (سوقرات ) دبێژیت :" ھەتاکوخاندن نەبیتە بەشەک ژ ژیانا کومەلگەھی، کومەلگەھەکێ سەرکەفتی و خودان شیان دروست نابیت".
لەورا ژی بخواندنا بەردەوام دەسکەڤتێن بلند و بھادار بدەست دھێن و گەل و وەلات بەر ب پێشڤەچوونێ دچن، و خویا و ئاشکرایە بەردەوام حکومەتا ھەرێما کوردستانێ پیتەو گرنگییەکا ھەری باش ب زانست و زانینێ و ڤەکرنا زانینگەھان دایە کو خوشبەختانە ھەژمارەکا زۆرا زانینگەھان لبن سێھوانا حکومەتا ھەرێما کوردستانێ ھاتینە ڤەکرن و ل رێورسمێن خەلاتکرنا پروفیسور کوچەر بیرکار ، نێچیرڤان بارزانی سەروک وەزیرێن ھەرێما کوردستانێ کو پشتەڤانەکێ بەردەوام و سەرەکی یە ل ھەرێمێ دادیارکرن:" پشتەڤانیکرنا زانکویان ژ کارێن مەیێن بنگەھینە ." جھێ دلخوشی و خوشبەختیا ھەر تاکەکی یە کو کەسانێن کورد دبیاڤێن جودا دا ئەکادیمی و پسپوربن و بروانامێن زانستی و بلند بدەست بێخن لێ بلا بروانامێن بلند بتنێ نە بن یا گرنگتر و فەرتر ئەوە کو دگەل وان بروانامان دا ژی داھێنانان بکەنە ئارمانجا خۆ یا سەرەکی دپسپوریێن جودا جودا یێن خۆدا ب ڤان گاڤێن داھێنانێ ژی کورد ژبۆ جیھانێ پتر تێنە نیاسین، کو تاکێن کوردان ب چ ئاواھیان ل کەسان و تاکێن جیھانێ کێمترنینە ب خەلاتێن بڤی ئاوایی خورتێن کوردان دململانێ یێ دانە دگەل داھێنەرێن جیھانێ، ئەو دەسکەڤت و سەرکەڤتن ژی ھاندان و پالپشتییەکا بھێزە ژبۆی کو خواندەڤانێ کورد خۆ پتر پێ بگەھینیت و خۆ ئاڤابکەت و ئافراندنان ئەنجام بدەت بگەھیتە گوپیتکا زانست و زانستبوونێ کو مینا کوچەر بیرکاری لسەر ئاستێ جیھانێ وەکو زانا و بلیمەت بھێتە نیاسین و خەلاتکرن و ببیتە جھێ شانازیا گەل و وەلاتێ خۆ ئەڤەژی ب باوەرا من راستە رێیا پێشڤەچوونا ھەمی جڤاک و مللەتایە بەر ب بونیاتنانا پێشە رۆژەکا ھەری پرشنگدار و ئاڤاکار