یەکێتی بە هۆی کێشە ناوخۆییەکانی و نەبوونی ستراتیجێکی روون و پەلەی کوڕ و برازاکانی مام جەلال بۆ کۆنترۆڵ کردن و دەست گرتن بەسەر کۆی جومگە گرنگ و هەستیارەکانی ناو یەکێتی و وەلانانی نەیارەکانیان هیزی خۆی لەدەست داوە، ئێستا بە دوای دۆزینەوەی هێزی خۆیدا دەگەڕێ و کێشەش ئەوەیە سەرانی تازە پێگەیشتووی یەکێتی دۆزینەوەی ئەو هێزە حزبییە لە بێهێزی کورد و حکومەتی هەرێم لە بەرامبەر بەغدادا دەبێنن، بۆیە هەرکاتێ کورد بەهێز دەرکەوتبێ ئەوان بۆ بێهێز کردنی پەنایان بۆ وژمنان و دەگیرکارانی کوردستان بردووە, بەو دوو نموونەی خوارەوەش هیچ گومانێک لەسەر ئەو راستییەی سەرەوە نامێنێ.
١ــ مێژووە سەلماندویەتی کە هێزی کورد لە کۆدەنگی و یەکهەڵوێستی دایە, لە سەروبەندی بانگەشەی ریفراندۆم و ئەنجامدانی پرۆسەکە کورد لە چەرخی زێڕینی هێزدا بوو، بەڵگەش ئەوەیە کورد لە ریفراندۆمدا بە دەنگی ٩٣% بەڵێ بۆ سەربەخۆیی پەیامی بەهێزی و یەکهەڵوێستی خۆی بە دۆست و دوژمن گەیاند، یەکێتی ئەو پەیامەی لەسەر بوون و هێزی خۆی بە مەترسی زانی، بۆیە لە ١٦ی ئۆکتۆبەر و بە رێککەوتن لەگەڵ سوپای پاسداران و حەشدی شەعبی و رادەست کردنی کەرکوک و مەترسی خستنە سەر هەولێر و تەوای کوردستان، کوردی بە جۆرێک گەڕاندەوە دواوە ئەگەر لێبڕاوی و بەرگریەکانی پارتی هاوپەیمانەکانی نەبووایە شتێک نەدەما بەناوی حکومەتی هەرێم و دەستکەوتەکانی راپەڕین.
٢ــ حکومەتی هەرێم دوای رێکخستنەوەی پەیوەندیەکانی لەگەڵ جیهانی دەرەوە و سەردانەکەی سەرۆک بارزانی بۆ بەغدا و چارەسەر کردنی قەیرانی دارایی و نەهێشتنی پاشەکەوتی مووچە کورد هێزی پەیدا کردەوە، یەکێتی دووبارە ئەو بەهێز بوونەوەى کوردی لەسەر هێزی حزبی خۆی بە مەترسی دەزانێ، بۆیە لە دوو کەناڵەوە بۆ بێهێز کردنەوەی کورد کەوتۆتە خۆ، یەکەمیان خاوەخاوە لە درووست کردنی کابینەی نۆیەمی حکومەتی هەرێم و دووەمیش لە رێگای بەغداوە هەوڵەکانیان لەسەر دووبارە نەناردنی مووچەی فەرمانبەران و درووست کردنەوەی قەیرانی دارایی چڕ کردوونەوە، بۆیە پێویستە حزب و لایەنە سیاسیەکانی کوردستان بۆ پێشگرتن بەو جموجۆڵە حزبییەی یەکێتی، کار لەسەر بەهێزی کورد بکەن و هەموویان هیزی حزبی خۆیان لە بەهێزی کورد و حکومەتی هەرێمدا ببینن.