ل ڕۆژا ٨ ئەڤێ مەھێ سەرۆکێ حکومەتا ھەرێما کوردستانێ بریارا ھەلگرتنا پاشەکەوتێ موچەی ل سەر موچە خورێن ھەرێما کوردستانێ دا. ھەڤ وەلاتیێن ھەرێمێ ب گشتی ئەوێن موچە خور و بێ موچە ب گەرمی پێشوازی ل ئەڤێ بریارا سەرۆکێ حکومەتێ رێزدار نێچرڤان بارزانی کر. تا رادەیەکێ گەش بینیەک لدەڤ ھەڤ وەلاتیان پەیدابوو. چونکی ئەڤە بۆ دەمێ زێدەتری سێ سالانە موچەخورێن ھەرێمێ چارێکە موچە وەردگرن، ژ بەر ئەوێ قەیرانا ب سەر ھەرێمدا ھاتی، ئەوان نەدشیا وەکو پێویست خواستەک و پێتڤیێن خێزانا خۆ دابین بکەن. پشتی ئەو بریارا سەرۆکێ حکومەتێ چوویە دوارێ جێ بەجێکرنێدا. جورە ڤەژاندنەک بزاڤەکا باش کەتە دبازاریدا، بەلێ جھێ داخێ یە کو زۆر ژ ھەڤ وەلاتیان ئەڤ بریارە د بەرژەوەندیا خویا کەسیدا بکارئینا و ب دەرڤەتەکا مەزن و نێچیرکا زێرین دیت ب تایبەت دناڤ بارزاریدا. ئەوان دویر ژ پرەنسپێن جڤاکی وئولی و مرۆڤایەتی و وەلاتپارێزیێ و بازرگانیێ،...ھتد. دەست ب گرانکرنا بھایێن کەل و پەلێن دناڤا بازاریدا کرن ب رەنگەکێ گشتی ژ کەل و پەلێن خوارنێ بگرە تا دگەھیتە خانی و زەڤی و زاران. ئانکو ب واتایەکا دی زۆر ژ ئەوان دەست ب قورغکرنا بازاری کر. ڕاستە بازارێ ھەرێما کوردستانێ بازارەکێ ئازادە، خەلک ب کەیڤا خۆ بھایان دادنێن. بھایێن کەل و پەلان ل جھەکێ بۆ جھەکێ دی و ل باژێرەکێ بۆ باژێرەکێ دی یان ل دوکانەکێ بۆ ئێکا دی یا جودایە. لێ دڤێت حکومەت دیڤچونەکا باش ل سەر ئەڤی بابەتی بکەت و ب تایبەت حکومەتا نویا ھەرێما کوردستانێ کو سەر ژ نوی پێداچونێ ل یاسایێن کەڤنێن ب بازارکرنێ بکەت و سەر ڕاستکرنێ بۆ ھندەک ژ وان یاسایان بکەت و ھندەک یاسایێن نویتر دەربکەت بۆ ئەوان کەسان یێن کو بریارێن حکومەتێ ب دەرڤەت دبینن بارێ ھەڤ وەلاتیێن خوجھێن حکومەتێ گران بکەت. ب رەنگەێ دی بێژین ئەو ھەم بریارێن حکومەتێ و ھەم ژی ھەڤ وەلاتی و موچە خوران بکەتە ئامرازەک یان پێخارنەک بۆ ب دەست ئێخستنا سەروەرت و سامانەکێ زۆر. لەورا دڤێت لیژنێن تایبەت بۆ ئەڤێ مەبەستێ بھێنە پێکئینان ل سەرجەم سنورێ دەستھەلاتداریا حکومەتا ھەرێمێ. دیسان دڤێت سزایێن توند ب سەر ئەوان کەساندا بھێنە سەپاندن و روب رویێ دادگەھێ بکەت. چونکی ئەو کارێ ئەو دکەن دژی حکومەتێ و بەرژەوەندیا گشتییا مللەتییە. بدیتنا من ب ھاڤێتنا ئەڤان پێنگاڤان و جێ بەجێکرنا وان حکومەتا ھەرێمێ دێ شێت کونترۆلا بازاری کەت. ئێدی خەلک و حکومەت دێ بنە دوو رویێن ئێک دیناری دێ ب ھەڤرا روب رویێ کەسان و بازرگانێن قورغکاربن. ھەروەسا دێ بڤێ چەندێ ئاسایشا بازاری ژی ھێتە ھەبوونێ. ئێدی ھەلکێشان و داکێشانا بازاری دێ یا خوجە بیت. یان ئەگەر گۆھوڕین ژی پەیدابوون دێ د چاڤەرێکری بن تا ئاستەکێ باش. ھەڤ وەلاتی باجەکا زۆر نادەن ل سەر ئەوێ ھەلکێشان و داکێشانا بازاری. ب واتایەکا دی بێژین ھەڤ وەلاتی نابنە قوربانیێ بریارێن حکومەتێ و پیلانێن قورغکارێن بازاری، ئەوێن کو ھندەک کەس پێ رادبن دویر ژ ئەوان پرەسیپێن مە ل سەری دیارکرین.
ديندار مستەفا
