د هەر وەلاتەکی دا ب تایبەت ل وان وەلاتان یێن ب درێژیا دیرۆکێ دناڤا شەران دا ژیاین و هاتینە تەپەسەرکرن و هیڤیێن ئاڤەدانیێ دناڤا وی وەلاتیدا مراندین، دگەل بوورینا دەمی کەسەک بوویە سومبول و رزگارکەرێ وەلاتی ژ تاریاتیێ بۆ ئاڤادانیێ و پیشکەفتنێ، تا هەتایێ ناڤێ وی کەسی د دیرۆکا وی ملەتی دا زیندی دمینیت.
هەرێما کوردستانێ ب ئاخا خوە و خەلکێ خوە ب درێژیا دیروکێ قوربانی دایە ل دەستێ حکومەتێن ئێک ل دۆڤ ئێکن ئیراقێ ب تایبەت رژێما بەعس، لەورا چ ئاڤەدانی ل کوردستانێ نەدهاتە کرن، پشتی سەرهلدانا گەلێ کورد ژی ژ بەر نەبوونا چ داهاتەکی و چ پلانێن ستراتیژی ئاڤەدانی و خوشگوزەرانیێ قەستا مە نەکربوو، دگەل وەرگرتنا سەرۆکاتیا کابینەیێن حکومەتێ ل سەر دەستێ نێچێرڤان بارزانی، بزاڤەکا خورت بۆ ئاڤەدانکرنا وەلاتی د دەمەکێ کێم دا هاتە دیتن دگەل بزاڤا بازرگانی و وەبەرهێنانێ، ئارامیا وەلاتی ژی بپۆ ئەگەرەک کو بەرێ کۆمپانیێن بیانی بکەڤیتە هەرێمێ ئەڤە بۆ دەرگەهەک کو وەلات د دەمەکێ کێم دا ئاڤەدان ببیت و چاڤێ هەموو جیهانێ بکەڤیتە سەر بۆ وەبەرهێنان و بازرگانیکرنێ.
هەلبژارتنا نێچێرڤان بارزانی وەک بهێزترین کەساتیێ سیاسی ل وەلاتێ مسرێ ل سەر سەرکردەیێن چواردە وەلاتێن عەرەبی هاتە دەستنیشانکرن، ئەڤ بریارە ژ چ هات؟
1. گهورینا هەرێما کوردستانێ ژ هەرێمەکا ب تنێ ناڤ بۆ هەرێمەکێ مینا وەلاتەکێ بهێز بۆ ئالۆگورا بازرگانی و کرنا وەبەرهێنانێ و ئاڤەدانیێ و چاڤێ جیهانێ هەمیێ بکەڤیتە سەر و کۆمپانییێن زلهێزێن جیهانێ قەستبکەنێ
2. خوشکرنا ژیانا وەلاتیان و بهێزکرنا ژێرخانەیا ئابوری یا وەلاتی ل سەر دەستەلاتا نێچیرڤان بارزانی
3. د سەخترین دەمێن وەلات تێدا دەربازبووی بگرە ژ شەری و قەیرانا سیاسی و داراییا هەرێم کەتیە تێدا لێ ب سەرکەفتیانە شیا حکومەتا خوە رزگاربکەت
4. ل دەمێ دورپێچ ژ لایێ حکومەتا عەبادی ڤە کەتیە سەر هەرێمێ نێچێرڤان بارزانی شیا ب سیاسەتا خوە یا دۆپلۆماسی وێ دورپێچێ بشكینیت.
5. درستکرنا پەیوەندیان دگەل وەلاتێن جیهان ئەگەرەکێ دییێ سەرەکی بوو بۆ هەلبژارتنا نێچێرڤان بارزانی

هەلبژارتنا سەرۆک وەزیران یێ ب رەگەز کورد ل سەر ئاستێ چاردە وەلاتێن عەرەبی شانازیەکا مەزنە کو سەرکردەیێ گەنج شیاسیە گەمیا وەلاتی ل سەر لێڤێن کەتنێ ب پاریزیت.