پشتی کو ل ٤ی ئادارا ئەڤ سالە دا پارتی دیموکراتی کوردستان و ئێکەتیا نیشتیمانی یا کوردستانی شیان رێکەفتنێ دناڤبەرا ھەڤدوو دا بکەن ل سەر پێکئیانانا حکومەتا نوی یا ھەرێما کوردستانێ ، ھەر چەندە ناڤەروکا رێکەفتناما ھەر دوولایەنان یا ئاشکرا نەبوویە ، لێ ھیڤیەکا دیتر ب ھاولاتیێن کوردستانێ ھاتەدان و خەبەرەکێ دلخوشکەر بوویە ژبەرکو ھاولاتیێن کوردستانی چاڤەرێ کارێن حکومەتا داھاتی نە ، ھەردیسان ناکوکی یێن دناڤبەرا بالێن جودا جودا یێن ئێکەتیا نیشتیمانی یا کوردستانی باوەریا دروست ب ئەڤێ رێکەفتنامێ پێشکێشی مە ناکەن ، پشتی کومبونا مەکتەبا سیاسی یا ئێکەتیا نیشتیمانی یا کوردستانی ل ١٦ ی ئادارا ئەڤ سالە دا کو د پرێس کونفراسێ خوە دا ئەنجامێن کومبونا خوە راگەھاندی کو داخازا ھەڤپشکیا راستەقینە ژ پارتی دیموکراتی کوردستان دکەت ، لڤێرە دا بومە دیاردبیت کو بالێن جودا جودا یێن ئێکەتیا نیشتیمانی یا کوردستانی دنافخویا خو دا رێکنەکەفتینە لسەر ئەوان خالێن د رێکەفتناما ٤ی ئادارا ئەڤ سالە دا ھاتیە ئیمزاکرن دناڤبەرا پارتی دیموکراتی کوردستان و ئێکەتیا نیشتیمانی یا کوردستانی ، قەدەرا ئێکەتیا نیشتیمانی یا کوردستانی گەھشتیە ئاستەکی ئەگەر بچیتە کومبونەکێ پێدڤی ب پاسەکا کرێ نە یان ژی فروکەیەکا کرێ ھەتا کو ھەمی بالێن وان بشێن پشکدار ببن ، ھەروەسان ب ئەڤێ راگەھاندنا ئێکەتیا نیشتیمانی یا کوردستانی بو مە دیار دبیت کو ئێکەتیا نیشتیمانی یا کوردستانی ھیچ باوەری ب دیموکراسەیەت و دەنگدانێ نینە ژبەرکو زێدەتر ژ مافێن خوە داخازدکەت و ئەڤ چەندە زەنگەکا مەترسیدارە ژبەرکو رێزگرتن و بەرژەوەندیێن ھاولاتیان چ گرنگیا خوە لدەڤ وان نینە ، ھەردیسان د چ یاسایان دا ٢١ کورسی یەکسان نابیت ب ٤٥ کورسیان ھەتا کو ئێکەتیا نیشتیمانی یا کوردستانی داخازا ھەڤپشکیێ ژ پارتی دیموکراتی کوردستان بکەت ، خالەکا دیتر کو د پرێس کونفراسێ ئێکەتیا نیشتیمانی یا کوردستانی دا ھاتیە باسکرن کو داخاز ژ پارتی دیموکراتی کوردستان دکەت کو پێگیریێ ب یاسایا بودجەیا عیراقێ بکەت پێخەمەت بەرژەوەندیا گشتی ، د راستی دا ھەلویستەکێ گەلەک کومیدی یە ژبەرکو ھەر ئێکەتیا نیشتیمانی کوردستانی بوویە کو د وەختێ خوە دا داخاز ژ حکومەتا عیراقا فیدرال کربوو کو بودجەیا ھەرێما کوردستانێ ببریت ، ب دیتنا من ئێکەتیا نیشتیمانی یا کوردستانی بتنێ یاریا دەم کوشتنێ دکەت ھەر کومبونەکێ دا داخازێن نوی پێشکێشی پارتی دیموکراتی کوردستان دکەت ، گەلو مادەم ئێکەتیا نیشتیمانی یا کوردستانی داخازا ھەڤپشکیا راستەقینە دکەت ئەرێ ھەلبژارتن بو چ ھاتنە کرن ؟ ئەگەر ئَێکەتیا نیشتیمانی یا کوردستانە دەتە دیارکرن کو ٥٠ ب ٥٠ نەمایە گەلو ھەڤپشکیا راستەقینە ب چ رامان دھێت ؟
داخازیێن ئێکەتیا نیشتیمانی ژ پارتی دیموکراتی کوردستان ژبو پوستەیان گەھشتیە ئاستەکی کو پێدڤیە پارتی دیموکراتی کوردستان ھندەک پوستان ژ دەرڤەی ھەرێمێ بھینیت ژ پێخەمەت رازیکرنا گشت بالێن ئێکەتیا نیشتیمانی یا کوردستانی ، باشترین بژاردە بو دوخێ نوکە کا چەوان پارتی دیموکراتی کوردستان دەستەیا پەرلەمانێ کوردستانێ ھەلبژارت و کا چەوان لژنەیێن پەرلەمانێ کوردستانێ دیارکرن بێ ئێکەتیا نیشتیمانی یا کوردستانی پێدڤیە ب ھەمان شێواز یاسایا سەروکاتیا ھەرێما کوردستانێ ھەموار بکەن و سەروکێ ھەرێما کوردستانێ ژی ب ھەلبژێرن ، پێدڤیە پارتی دیموکراتی کوردستان رێزێ ل دەنگێن دەنگدەرێن خوە بگریت و زێدەتر چاڤەرێ ئێکەتیا یا نیشتیمانی یا کوردسانی نەبیت ، بزویترین دەم حکومەتا نوی دەست ب کاربیت .