ئوپوزوسیون و ژیانی سیاسی ل ھەرێما کوردستانێ

ئوپوزوسیون و ژیانی سیاسی ل ھەرێما کوردستانێ
وەکو ئەم دبینین ئوپوزوسیون دیاردەیەکێ دی یە ل ژیانی سیاسی ل کوردستان، لێ ئەڤە ژی تشتەکێ نوی نیە، ل پەرلەمانێ دا، ھەم حزبی سیاسی ھەبویە و ھەم ئوپوزوسیون ژی، ئوپوزوسیون دیاردەیەکێ ساخلەمە ل وەلاتەکێ دیموکراسی دا، ژبەرھندێ دەسەلات ھەیە و ئوپوزوسیون ژی ھەیە. ئوپوزوسیون و دەوسەلات تەمام کەری ئێکترن نەک دوژمنی ئێک. ئەگەر ئەم ھزر بکەین کو دەسەلات گەلەک یا رێک و پێکە و چ کێماسیەک نیە ئەم زور خەلەتین و ئەگەر ئوپوزوسیون ژی ھوسا بیر بکەتەوە کو ھەر کارەکێ دەسەلات دکەت ھەمی رەشەیە و چ کارەکێ باش ناکەت، ئەڤە ژی بوچونەکێ راست نیە، ژبەرھندێ ئوپوزوسیون و دەسەلات تەمام کەرێن ئێکترن. ئەگەر ئەو شێوازە ل کوردستان بچەسپیت و بەردەوام ببیت ھوسا دبینێم ئەڤە پتەو کرنا بناغەی دیموکراسیە ل کوردستان دا، و ھوسا ئەم دێ زورتر کار دکەین بۆ ئەڤەی ھەر دوو لا (ئوپوزوسیون و دەسەلات) بەرپرسیارانە رەفتار بکەن.
نێچیرڤان بارزانی، سەروک وەزیرانی ھەرێمی کوردستان، ھەمی دەمێ ھەول ددەت دگەل ھەموو لایەنا، ھەروەسا ئوپوزوسیونش و ئەوانە ژی کو ل حکومەت بەژدارن، پەیوەندیەکی سروشتی و ئاسایی ھەبیت و ئەڤە سیاسەتەکی زور باشە دگەل ھەموو لایەنێن سیاسی.
ھەروەسا رێککەڤتن مەسەلەیەکێ دی یە کو ھەردەم نێچیرڤان بارزانی ب زەرورەت زانیڤە دگەل احزابێن سیاسی یێن دی و ھەروەسا رێککەڤتن بو گەلێ مە زور گرنگە و دڤێت وەک پێدڤیەک بەرێ خو بکەینێ و دڤێت بەردەوام ژی بین و ھەردەم پشتگیریەکێ ئێگجار زور ل حکومەت دکەت بو ھندێ کو ل کارێن خو دا سەرکەڤتوو بیت. سیاسەتی پارتی ھاریکاری کرن و پالپشتی کرنا حکومەتی ھەرێمی کوردستانە، بو ھندێ سەر بکەڤیت.
ئەگەر باش بەرێ خو بکەینە سیاسەتێ ناڤەروکا سیاسەتێ سیفەتەکێ پیرانەی ھەیە و ل ھەمی یاسایێن ژیانێ دا دبینین. زمانێ توند دبینین، زمانێ نەرم دبینین چ ژلایێ ئوپوزوسیون بیت یان ژی ژلایێ دەسەلات. لی ھەر چاوا بیت لێک تێگەھێشتن فەرە و ب قەست ئاستەنگا ل رێکێن باش و دروست کو دبیتە سەبەبێ ھندێ کو ژیارا خەلکی باش دبیت و ئاریشێن ژیارا وان کێمتر دبن، نەدانێن.
ھەمی دەمێ نێچیرڤان بارزانی بو سیستەمێ دیموکراسیەتێ کار کریە، بیروبوچونێن ھەمو لایەنەک بو گرنگە، چ احزابێن کو کورسیێن پەرلەمانێ زور ب دەست خوڤە ئینا بن، چ ئەوان حزبانە کو کورسیێن پەرلەمانێ ب رێژەیەکا کێم دەست خوڤە ئینا بن، چ لایەنێن ئوپوزوسیون. ھەر بوچونەک کو دبیتە سەبەبێ چاکیێ و باشیا خەلکێ ھەرێمێ تێدا ھەیە گوھداریا وان دکەت. گەلەک جاران ئەم ل راگەھاندنان ژی دبینین سەرەدانا کومەل کریە یان یەکگرتوو یان یەکێتی و جودا جودا دگەل ھەموو لایەنەکان گفتوگو دکەت و رەئیا وان وەردگریت و پێنگاڤان دھاڤژیت و بوچونێن وان و رەئیێن وان ب نرخ دزانیت.
Top