پشتی کو ل ٣٠ ی ئەیلولا سالا ٢٠١٨ ھەلبژارتنێن خولا پێنجێ یا پەرلەمانێ کوردستانێ ھاتینە ئەنجامدان و ل ٢٠ چریا ئێکێ یا سالا ٢٠١٨ ئەنجامێن دوماھیکێ ھاتنە راگەھاندن و پەسەندکرن ژلایێ دەستھەلاتا دادوەری ل ھەرێما کوردستانێ ، بورینا زێدەتر ژ ١٠٠ روژان ژ قەیرانا پێک نەئینانا کابینەیا حکومەتا نوی ئێکەم کومبونا پەرلەمانی ھاتە ئەنجامدان ، ژڤان بوویە کو کومبونا پەرلەمانی بھێتە پاشخستن بو ١٨ ی شواتێ ژ پێخەمەت لایەنێن سیاسی بگەھنە رێکەفتنێ ، پارتی دیموکراتی کوردستان دەست ب دان و ستاندنا کر دگەل لایەنێن سیاسی و ھەر زوی شیا رێکەفتنامەکا نوی دگەل بزاڤا گوران دروست بکەت بو ماوێ چار سالان و رازی بکەت ژبو پشکداریکرن د کابینەیا نوی دا ، بەلێ ئێکەتیا نیشتیمانی یا کوردستانی پشتی وێ روی رەشیا ١٦ ی ئکتوبەرێ ئەنجامدای ب فروتنا کەرکوکێ جارەکا دیتر ھزرا کەرکوکێ ھاتە سەرێ وان و دڤیا ب دروشمێ کەرکوک و کەرکوک و کەرکوک سەرنجا لایەنگرێن خو راکێشیت و رێکەفتناما دگەل پارتی دیموکراتی کوردستان ب بابەتێ کەرکوک و بەغدا ڤە گرێبدەت ، پارتی دیموکراتی کوردستان شیا د ئێکەم کومبونا پەرلەمانێ کوردستانێ دا سەروکاتیا پەرلەمانی ھەلبژێریت بێ ئامادەبوونا ئێکەتیا نیشتیمانی یا کوردستانی کو ل ڤێرێ دا دیار دبیت کو ئەڤ کومبونە نامەکا دیار بوویە ژبو ئێکەتیا نیشتیمانی یا کوردستانی کو بزاڤا گوران پێگھورە (بدیل) ژبو ئێکەتیا نیشتیمانی یا کوردستانی گەر ھات و بریار دا پشکداری حکومەتێ نەبیت ، زێدەباری ھندێ ئێکەتیا نیشتیمانی یا کوردستانی بزاڤا وەرگرتنا پوستەیان کر کو زێدەتر ژ قەبارەیێ خو ، ھەر دیسان ھەبوونا گەلەک بالێن جودا جودا دناڤ ئێکەتیا نیشتیمانی یا کوردستانی دا رێگرەکێ مەزن بوویە کو نەشیان کەسەکی دەست نیشان بکەن بو سەروکاتیا پەرلەمانێ کوردستانێ کو ل گورەی رێکەفتنێ دگەل پارتی دیموکراتی کوردستان ئەڤ پوستە مافێ ئێکەتیا نیشتیمانی یا کوردستانی یە ، پشتی ١٨ شواتێ ھندەک بەرپرسێن ئێکەتیا نیشتیمانی باس ل پلانا (ب) دکر وەک پێگھورەک بو کارڤەدانا وان ل دژی پێکئینانا سەروکاتیا پەرلەمانی بێ ئامادەبوونا وان ، لێ ب دیتنا من پلانا (ب) بتنێ ھندەک موزایەدێن سیاسی بوینە نە زێدەتر ،ژبەرکو ئەگەر ئێکەتیا نیشتیمانی یا کوردستانی خوە دانیت خودان ئایدولوجیەکا دیموکراتی ئشتیراکی ل وی دەمی یان دێ پشکداری حکومەتێ ل بیت یان ژی دێ بیتە ئوپوزسیون ل دەرڤەی حکومەتێ کار کەتن ، پشتی چوونا شاندێ ئێکەتیا نیشتیمانی یا کوردستانی بو بەغدا ژ پێخەمەت دان و ستاندنان لدور بابەتێ کەرکوک و وەزیرێ دادێ عیراقێ کو ل گورەی ھندەک سەرچاوان جار دی دەست ڤالا ڤەگەران سلێمانیێ ، جارەکا دیتر ئێکەتیا نیشتیمانی کوردستانی ڤەگەریان ھەولێرێ و ل ٤ی ئادارێ رێکەفتنامە دگەل پارتی دیموکراتی کوردستان ئیمزاکر ، ژبەرکو ئێکەتیا نیشتیمانی دزانیت کو بێ ھەبونا پارتی دیموکراتی کوردستان نەشێت پارێزگەریێ ل کەرکوکێ بکەت ، لەورا ل دوماھیکێ بو گشت لایەنان دیار بوو کو ھەولێر بنگەھێ بریاردانێ یە ژ بو گشت عیراقێ لڤێرێ دیار دبیت کو رولێ پارتی دیموکراتی کوردستان و بتایبەت سەروکێ پارتی دیموکراتی کوردستان (مسعود بارزانی ) و جێگرێ سەروکێ پارتی دیموکراتی کوردستان (نێچیرڤان بارزانی) رولەکێ گەلەگ گرنگ و کاریگەر بوویە کو شیان ب دبلوماسیەتا خو یا بھێز دوو رێکەفتنامان دگەل دوو ھێزێن سیاسی یێن کوردستانی دروست بکەت ، ئەرکێ پێکئینانا حکومەتا نوی بدوماھیک بینیت .