ئەگەر پرسەک فەلسەفی و گریمانەی ل ژیوارێ ئەڤرویێ کوردستانێ بکەین و رەنگە چەند دیتنەک ھەبن ئەو پرس ژی ئەرێ ئەوا وە بو سەربەخوی و رزگاری و ئازادی و خوشیا نفشێن داھاتی کری بجە ھات و چ وەسف پێددەن ؟ لێ وەک روون و ئاشکەرا و بەرچاڤ ئەوە کو بەرسڤ ب ڤی ئاوای بیت ئەو خەبات و خزمەت و خوگوری کرن و پێشکێش کرنا ب بھاترین تشت کو گیانە بو ڤێ ئاخێ دەف تاکێ کورد ب درێژاھیا دیروکێ کێمترین کارە کربیت بو ئاخا کوردستانێ . بەلێ بەردەوام داخازیا وان زێدەتر بویە و زور جاران کێشمەکێشا سیاسی ل سەر پلە و پوستەکێ گیانێ شەھیدان ئەزیەت دایە , ژبەرکو ڤیانا وەلاتی ئانکو خو گوری کرن ب بەرژەوەندیێن خوە و پارتا خوەڤە .
قوربان ئەز شەھیدێ ئەیلول و گولان و ئەنفال و سەرھلدانێ و شەرێ دژی دەولەتا تیرورێ مە ,بەلێ ئەز شەھیدێ شنگال و بادینان و بارزان و گەرمیان و ھەلەبجەمە , ئەز خو گوری کەرێ ڤێ ئاخێ مە بو ئازادی و سەربەخوی و خوشگوزەرانیا تاک ب تاکێ ڤی وەلاتی .
مە بەرسڤ زانی و ھەر چەند گریمانە و لێ ئەگەر ل راستیا ژیوارێ کوردستانێ بگەرێن دەسەلاتا کوردی ئەڤ خەباتگێرە ھەوجەیێ ڤێ بەرسڤێ کرینە. نھا دەمێ رەوشاعیراق و روژھەلاتا ناڤین و جیھانێ بەرەف ئالوزبونێ دچیت , وێ دبێژیت ئەو یاریا کو ئالیێن کوردستانی دکەن بو بەرژەوەندیا حزبی و کەسی جھێ مەترسیێ و رێزنەگرتنە ل خەباتا ھندە سالان و نەخاندنا ژیوارێ نافخوی و ھەرێمی و جیھانی یە و وەک روون و ئاشکرا ل ھەر ئالوزی و شەرەکێ دا کارەکتەرێن بچوک دبنە گوری بەرژەوەندی و پیلانێن وەلاتێن مەزن و کوردان زور جاران ئەڤ شەربەتە ب نەخێر ڤە خواریە .
ھەڤرکی و خەباتا سیاسی و مەدەنی ل چارچوڤێ دەستور و یاسا و رێسا و رێنماێن وەلاتی کارەک شارستانی و جوانە و پێشکێشکرنا رییەکێ جوانێ کوردستانێ یە ب ھەمی جیھانێ , بەلێ شەرکرن ل سەر پلە و پوست و پارە و نەمانا بێ باوەریێ جھێ مەترسێیە و دکەڤیتە خانەیا خیانەت و دژە بەرژەوەندیێن بلندێن وەلاتی و ل داویێ کارکرن بو ئەجیندایێن دەرڤە .
ئەوا نھا مە دڤێت بەرسڤا خەباتگێر و خوگوریکەرێن وەلاتی بدەین و بکەڤینە سەر رێکەکا راست و دروست و بەرەف دەولەتداریێ بچین و زێدەتر ل سەر تێکچونا ناڤ مالا کوردی نەچین و بگەھینە ئاستێ وەلاتێن پێشکەفتی پێتڤی ب چەند خالێن گرنگە و ژ ھەمیان گرنگترە :
(ئێکگرتن و ئێکرێزیا ھەمی ئالیێن کوردستانیە ) ئەو وەلات و دەسەلات و حاکمێن درێژاھیا دیروکێ ژ نافچوی و ب ئەوێن ڤان سالان ژی ڤە زور فاکتەر ھەبوینە ژ ھەمیان گرنگتر فاکتەرێ ئالوزی و ئاریشە و نەئێکگرتنا نافخویی بویە , ھەر ژ سەردەمێ میرگەھان و ھەمی شورەشا ئەڤ دەردە و بیە خالاکا رەش د دیروکا کوردان دا . ھیچ پێتڤی ناکەت کەس ڤێ پرسێ دووبارە بکەت و دیروک پرە ژ روپەلێن خیانەت و دژاتیا کوردی کوردی.
(ڤەگەراندنا باوەریێ ) ئالێن کوردستانی پشتی شازدێ ئوکتوبەرێ و ھەروەسا ھەلبژاردنێن سالا چوی کەفتنە سەنگەر ژێک گرتنێ و گوھرینێن مەزن ل گورەپانا سیاسی و سەربازی و ئیداری و نافخوی دروست بونە وھەمی ئالیان خالێن گرنگ ل سەر ئێک گرتینە و بێ باوەری کەفتیە ناڤدا و فەرە ھەمی پارت رولێ خوە ببینن بو نەھێلانا ڤێ بێباوەریێ و د ڤێ ھەفکێشێ دا رولێ حکومەتا ھەرێما کوردستانێ و کەسێ سەروکێ حکومەتێ نێچیرڤان بارزانی زورگرنگە و ھیچ دەرفەت نینە کو بێتەگیروکرن ئەڤ ئاشتەواییە.
(بەردەوامی دان ب چاکسازیێ ) دەردێن ناڤبرنا دەسەلاتان زورن ژ ھەمیان خرابتر و وەکی ئاگرێ بن کایێ و سەرێ خودانی دخوت ھەبونا گەندەلیێ یە ل ھەمی سێکتەران دا , کوردستان ل سەر نەخشێ گەندەلیێ دا ب روونی دەردکەڤیت و زیانەک مەزن ژی ل بەرەف پێش چون و بھێزترکەفتنا کوردستانێ دایە و ب ھێچ ئاوایەکێ ئەڤ نەدادیا بەربلاڤ ئەو ھیڤی و خەون بن کو خوگوریکەرێن وەلاتی ددیتن ل چل و چیایێن کوردستانێ! زور گرنگە پتر کار ل سەر نەھێلانا گەندەلیێ بێتەکرن و چاکسازی ببیتە بەرنامێ سەرەکی یێ حکومەتا ھەرێما کوردستانێ .