پشتی سەرکەفتنا پرۆسا راپرسیا سەرخۆبوونا کوردستانێ ل بیست و پێنجێ ئیلۆنا سالا ٢٠١٧ ێ و کارڤەدانێن پشتی خیانەتا شازدێ ئکتۆبەرا ھەمان ساڵ و رۆژێن پشتی وێ ، پەیوەندیێن ھەرێما کوردستانێ و بەغدا بۆ ئاستەکێ زۆرێ نزم داکەفتن و گەھشتە ئاستێ ھەولێن داگیرکرنا کوردستانێ ب ھێزا چەکی ژلایێ لەشکرێ عیراقێ ب سپۆنسەریا پاسدارێن ئیرانێ ، پێلێن ھەولێن داگیرکرنا کوردستانێ ژلایێ سیاسی و ئابووری و کارگێری خۆ دخارنەڤە و بێ ئۆمێدیەکا ھەرە دژوار بسەر خەلکێ وەلات پارێزێن کوردستانێ دا باری .
پشکەکا ئالیێن دەسھەلاتدارێن یێن ھەرێمێ ببونە پشکەکا کاریگەر ل لەشکر و پیلانێن داگیرکەرا .
پشکەکا دی ژی بەردەوام ھەولێن دوارکرنا پەیوەندیێن سیاسی و ئابووری یێن دناڤبەرا ھەولێر و بەغدا ددا ، ژلایەکێ داخاز ل حکومەتا ناڤەندی دکر ، بۆدجە و مۆچێ ھەرێمێ ببڕن و ژلایەکێ دی خەلکێ کوردستانێ ھان ددا دوان کاودانێن دژوار و بەرتەسک دا دژی حکومەتێ راوەستن کۆ نەشێت مۆچێ فەرمانبەرێن خۆ ب تەامی دابەش بکەت ، ھەرچەندە پشکەک بوون ل حکومەتێ ، لێ وێرەکیا نەبوو بەرەڤانیێ ل حکومەتێ بکەن ، بەردەوام ھەولێن ھەلوەشاندنا حکومەتێ ددا , ل دووماھیێ چ پێ نەما خۆ ل حکومەتێ ڤەکێشا و حکومەت تاوانبار دکر ب رادەست نەکرنا نەفتا ھەرێما کوردستانێ ب بەغدا و چەندین بەھانەیێن دیتر .
پشتی نێچیرڤان بارزانی سەرۆکێ حکومەتا ھەرێما کوردستانێ شیای ب سیاسەتەکا سەردەمیانە و لدەمەکێ کورت دا ڤان ھەمی ئاریشەیان چارە بکەت و کوردستانێ ل مەزنتر قەیران و پیلان دەرباز بکەت و ئاستێ سیاسی و ئابووری یێ کوردستانێ برەنگەکێ سەردەمیانە نووژەنکریەڤە و لدووماھیا چارەسەرکرنێ دانە ، چ لگەل حکومەتا فیدرال ل بەغدا و یان ژی وەلاتێن ھەرێمی ، ئەڤ ھەمی گاڤ و چارەسەریێن نێچیرڤان بارزانی کەفتنە د خزمەتا دبەرژەوەندیا گشتی یا کوردستانێ و ئەزمۆنا سیاسی و کارگێری دا .
ئەڤ کار و سەرکەفتنێن نێچیرڤان بارزانی لڤان شازدە مەھێن دەربازبوویی کری و بدەستڤە ئینای ل خەیال و پێشبینیین چ چاڤدێرێن سیاسی و ئابووری دا نەبوو ، چونکی بوویەر و قەیران وەسا د گران و پیلان دارشتی و نەچاڤەرێکری بوون ، وەسا ھزر بۆ دھاتە کرن کۆ سەرڤەی ئیرادا چارەسەرکرنێ نە .
چونکی پیلانەکا بەرفرەھا ناڤخۆیی و ھەرێمی بوو و دەمەکێ زۆرێ درێژ پێویستە بۆ دەربازکرنێ و زڤراندنا ھەرێما کوردستانێ بۆ ئاستێ جاران .
لێ سەرۆکێ حکومەتا ھەرێما کوردستانێ ب ھزرەکا دوور بین و عەقلەکێ سەرڤەری پێشبینیا شیا لدەمەکێ کێم دا رێگریێ ل سەرگرتنا پیلانان بگریت و لدیفرا گاڤ بۆ گاڤێ سەنگا ھەرێما کوردستانێ گرانتر بکەت و رەوش ب تەمامی د بەرژەوەندا ھەرێما کوردستانێ دالەنگات و پێگەھێ ھەرێما کوردستانێ لسەر ئاستێ جیھانێ بھێزتر کر و باوەری بۆ حکومەتا عیراقێ درۆست کر بۆ ڤەگەیانێ بۆ دیالۆگێ و چارەکرنا پرسگرێکان لسەر بنەمایێ دەستووری .
ئەڤ گۆرینا ھەلویستێن حکومەتا عیراقێ ئەنجامێن وێ دبلۆماسیەتێ نە ئەوا نێچیرڤان بارزانی پشتی شازدێ ئکتۆبەرا سالا ٢٠١٧ پەیرەو کری . ھەر وەکی مرۆڤ ھزر دکەت نێچیرڤان بارزانی سەرۆکێ حکومەتا ھەرێما کوردستانێ چەندین سالا بەری ڤان بوویەران خۆ بۆ بەرھنگاربوونا ڤان ڕەنگە قەیرانا بەرھەڤ کریە و رێکێن چارەسەریێ ژی بۆ دەست نیشان کرنە ...!، ھەڤەیە بەرنامە و سیاسەتا دەولەتداریا سەرکەفتی کۆ لدەمێ حوکومڕانی سەرکردە ھەمی ھزر و پێشبینیا بکەت و رێکێن چارەسەریا قەیران و ئاریشەیان پێش وەخت دەست نیشان بکەت .
ئەڤە ھەمی فاکتەرن کۆ ل قوناغێن داھاتی ھەرێما کوردستانێ ب سەرۆکاتیا نێچیرڤان بارزانی دێ شێت بەرھنگاریا قەیران و پیلان مەزنتر گریت و نەیارێن ھەرێما کوردستانێ ژی جارەکادی نەشێن وێرەکیێ بدەنە خۆ ڤان ڕەنگە ئاستەنگ و قەیرانان بۆ ھەرێمێ درۆست بکەنە و ھەرێما کوردستانێ ب سەرۆکاتیا نێچیرڤان بارزانی دێ ھەرێمەکا ئارام و ئاڤەدان و بھێز بیت ژلایێ ئابووری و سیاسی و دبلۆماسی .