- سەردانا سەرۆک وەزیرێن ئیتالیا( جۆزیپی کۆنتی ) ل ریکەفتی( ٦ی٢ی٢٠١٩ )گرنگی و پێگەهێ هەرێما کوردستانێ بۆ وەلاتێن ئۆرپا و جیهانێ دیار ددەت و هەروەسا وەک وەلاتەکی دیموکراسی و پێشکەفتیە لسەر ئاستێ رۆژهەلاتا ناڤەراست، و پێشوازی کرن ژ لایێ سەرۆکێ حکومەتا هەرێمێ نێچیرڤان بارزانی ب پرۆتۆکۆلەکا تەشریفاتیا پێشۆازیکرنێ ل وەلاتێن پێشکەفتیی دچۆ کو ژ لایێ سەرۆکێ حکومەتێ هاتبو رێکخستن...
- گرنگیا وێ سەرەدانێ ؟ چنکى ئیتالیا ئێکە ژ وەلاتێن هەرە پێشکەفتی ژلایێ ئابوری و سیاسی و مافی مرۆڤ و سەربازی ، هەروەسا ئەندامە د (ئێکەتیا ئۆرپا) و (هەڤپەیمانیا ناتۆ ) یا سەربازی و ئێکە ژ ئەندامێن ( کۆمەلا هەشتێ) تایبەت ب (پێشکەفتنا پیشەسازی) و هەروەسا ئەندامەکی کارایە دناڤ (هەڤپەیمانیا شەرێ دژی داعش)...
- پەیوەندیێن دیبلۆماسی کەنگی دەسپێکریە د چ ئاستی دایە؟ دەسپێکا پەیوەندیێن فەرمی دناڤبەرا ئیتالیا و هەرێما کوردستانێ ڤەدگەرێتە پشتی سالا ٢٠٠٣. ل ٢٠٠٥سەرۆک مەسعود بارزانی سەرەدانا (رۆما) کر و دگەل سەرۆک وەزیرێن ئیتالیا ( سیلڤیۆ بەرلسکۆنی) کۆمبون ئەنجامدان هەر وسا سالین ٢٠٠٩و ٢٠١٢ و ٢٠١٤ بارزانی سەرەدانا رۆما کر دگەل بەرپرسێن پلە بلندێن وی وەلاتی یێ کۆمبوی.
- ل سالا( ٢٠١٥) ئیتالیا ب فەرمی قونسلیا خۆ ل هەولێرێ ڤەکر و حکومەتا هەرێمێ ژى نوێنەرێ خۆ ب فەرمی ل رۆما یێ هەی، هەر وەسا سەرۆکێ حکومەتێ نێچیرڤان بارزانی بفەرمی سەردانا ئیتالیا کر ل سالێن ٢٠١٥ و ٢٠١٧ و سەرەدانا پاپایی ڤاتیکانێ کر و پشتەڤانیا وان بدەستئینا بۆ شەرێ دژی داعش و دانا مافێ کوردا لدیف دستوری، و ل (٢٧/١٢/٢٠١٨) سەرۆک وەزیرێ ڤاتیکانێ سەردانا بەرێزی کرن و ستایشا رۆلێ وی کرن بۆ ئەەو پێکڤە ژیانا ل هەرێمی هەی و بۆ حواندن مەسیحیین ئاوارە، وسەرۆک وەزیرێ بەرێ ل سالا( ٢٠١٨ )سەرەدانا هەرێمێ کر ، هەر وەسا چەندین جارا وەزیرێن دەرڤە و بەرگری هتد..سەرەدانا هەولێرێ کرینە...
- پەیوەندی و هاریکاریێن سەربازی؟ پشتی هاتنە تیرۆرستێن داعش بۆ سنورێ هەرێما کوردستانێ ل سالا (٢٠١٤) سەرۆک وەزیرێن ئیتالیا (ماتیۆ رینز) دووەم سەرۆک بو پشتی فەرەنسا سەرەدانا هەرێمێ کر و پالپشتیا خۆ بۆ هەرێمێ راگەهاند بۆ شەرێ دژی داعش و ئاماژە کر کو پەرلەمانی ئیتالیا بریارا دای لسەر هاریکاریکرنا پێشمەرگەی دژی تیرۆرستێن داعش، و وەلاتێن ئۆرپا ژى پشتەڤانیا هەرێمێ یا راگەهاندی و گۆت سەرکەفتنا پێشمەرگەی سەرکەفتنا مەیە، د سالا( ٢٠١٥ )سەرۆک وەزیرێن ئیتالیا ( رینز) بریاردا ب هنارتنا (٤٥٠) سەربازان بۆ هاریکاریا پێشمەرگەی و ناردنە چەندین جۆرێ چەک و تەقەمەنی و ئەو چەکێن کو گاریگەریا باش هەبو چەکێ (دۆشکە ) و چەندی (سارۆخێن دژە تانک) بون، ومەشق وراهێنان ب نزیکی (٧٠٠٠) پێشمەرگا کرن،و(٨)هەلیکۆبتەرێن سەربازی یێ ئیتالی ل هەرێمێ بون، و(٢٠٠)راوێژکارێن سەربازی و جهێ دەستخۆشیێ یە کو (١١) پێشمەرگێن بریندار ل ئیتالیا چارەسەریا بۆ هاتیە کرن...
سەبارەت پەیوەندی و هاریکاریین ئابوری؟ پەیوەندیەکا باش یاهەی وەلاتێ ئیتالیا کارگەهەکا بەرهەم ئینانا زەیتا زەیتونی ل هەرێمێ دامەزراند، هەر وەسا ل تەموزا سالا(٢٠١٧ )رێکەفتنەکا ژینگەیی هاتە کرن تایبەت ب پاراستنا ژینگەهێ کو ئیتالیا هاریکاریا هەرێمێ بکەت...