وەکی یا دیار کو دگەل دەربازبوونا وان ھەشت کابینەیێن حکومەتا ھەرێما کوردستانێ تێدا دەربازبووی، چەندین گرفتێن سیاسی و دارایی دروست بوون، ئەڤجا چ ب وان فشاران بیت یێن حکومەتا بەغدا د ئێخستنە سەر حکومەتا ھەرێما کوردستانێ یان ژی وەلاتێن دەوروبەربن، لێ کەسایەتی و شارەزاییا رەفتارکرن دگەل بارودوخان دا و دپلوماسیەتا رێزدار ,نێچیرڤان بارزانی ،سەروکێ حکومەتا ھەرێما کوردستانێ وە دکر کو ھەر پێنگاڤەک و بریارەکا لایەنێن تێکدەر سنور بو ھەبن وبەردەوام ب سیاسەت و دان و ستاندنێن خوە یێن دپلوماسیانە رەوش ئارام کریە و بەرەف باشیێ گوھارتیە، سەرەرای ھندێ ژی کو حزبا , پارتی یەکەمە ، دشیا دگەل ھندەک حزبێن بچوک حکومەت پێکئینابایە لێ ژبەر بەرچاڤ وەرگرتن و گرنگیا بابەتێن نیشتیمانی و نەتەوەی و نەدابەشبونا ھەرێمێ ، پارتی یا داکوکیی َلسەر حکومەتەکا ئێکگرتی دکەت کو ب دابمەزرینیت وئەو حکومەتە ل گورەیی خواست جڤاک و ئاستێ قوناغا سەردەم دابیت و بشێت ھەڤرکیا پیلان و نەخشەیێن نەحەزێن مللەتێ کورد بکەت . ژلایەکێ ژی راستە کو ئەڤە قوناغەکا ھەستیارە بەردەم پێکئینانا کابینەیا نەھێ یا حکومەتا ھەرێما کوردستانی، لێ دیسان ژی زور ژ رێیا ب زەحمەتی ھاتیە دەربازکرن، لەورا ژی پێتڤیە دبەردەوامیا کابینەیێن حکومەتێ داھزر دوان گەف و ئالوزی و دژایەتیا وان بھێتە کرن یێن بەری نوکە کەفتینە د رێیا حکومەتێ دا، و ھەمو لایەنێن بەژدار د پێکئینانا کابینەیا نوی دا ب بەرپرسیارانە و نیشتیمانپەروەرانە بریارێ بو حکومەتەکا بھێز بدەن .
تا نوکە کابینا نەھێ یا حکومەتا ھەرێما کوردستانێ نەھاتیە پێکئینان، وەکی دیار کو چەندین کومبوون ژی ھاتینە کرن، بەلێ ھێشتا ھندەک حزبان خوە ئێک لا نەکریە بو بریاردان کا ئایا دێ ب چ شێواز و میکانیزم و سەنگ بەشداری پێکئینانا کابینەیا نەھێ کەن، ئەڤجا دامەزراندنا حکومەتەکا نیشتیمانی یا بھێز کو شیان و بەرپرسیارەتیا روی ب روی بوونا ھەر گەفەکا نافخویی و دەرەکی ھەبیت ئەڤە یاگرنگە بومللەتی و چارەنڤسێ خەلکی، چونکە بو ڤێ کابینەیێ ژی چاڤێ خەلکی زور ل سەرە، و ب ئومێدەکا مەزن ل ھیڤیا کابینەیا نەھێ نە، وەکی ئەم دزانین ھەرێما کوردستانێ زور قوناغێن سەخت و دژوار دەرباز کرینە، بو ھندێ کو بگەھنە ئومێدێن خوە دناف کوردستانێ دا، چونکە ل دەمێ ھەلبژارتنا خەلکێ مە زور ب باوەری ڤە دەنگی ددەنە ھندەک کەسان کو دبنە نوینەرێن وان د بریاردان ل سەر باشتر بوونا رەوشا ھەرێما کوردستانێ و خەلکێ وی، ژبەر ھندێ ژی زور گیروبوونا نە پێکئینانا حکومەتی، ژبلی کارتێکرن ل سەر حزبان دێ کارتێکرنێ ل سەر ھیڤی و باوەریا خەلکی ژی کەتن،ھەر چەندە پێکئینانا حکومەتێ یا گرێداییە ب گەلەک بابەت و پرسێن دی، دناڤبەرا لایەنان دا ب تایبەت پرسا کەرکووکی، ژبەر ھندێ ژی دان و ستاندنێن بەرفرەھـ پێدڤێن، ژبەر ھندێ ژی دان و ستاندن و فشارکرن ل سەر ئێک و دوو دڤی دەمی دا تشتەکێ ئاساییە، چونکە ھەر لایەنەک ب دەرفەت دزانیت باشترین بەشێ د ڤێ کابینێ دا وەربگریت، لێ نابیت ئەڤە ژی ل سەر حسێبا پارتی بو ئێک رێزی و تەباییێ بھێتە کرن، ئەڤجا لازمە پتر بارودوخێ سیاسی و کومەلایەتی بەرچاڤ بھێتە وەرگرتن بو ھندێ حکومەتەکا بھێز بھێتە پێکئینان چونکە ھەبوونا ھەر ناسنامەیەکا نەتەوەیی و نیشتیمانی یا گرێداییە ب حکومەتەکا بھێز ڤە د چوارچووڤێ بنەمایێن یاسایی دا، کو تێدا یاسا سەروەر و بەرقراربیت ل سەر ھەمی لایەکێ و تاکەکێ کومەلگەھێ ب بێی جوداھی،