دگەل دژوار بوونا سەپاندنا سزایێن ئابوری لسەر ئیرانێ، تەھران پێکولان دکەت پەیوەندیێن خوە یێن ئابوری دگەل چەندین وەلاتێن ئەورۆپا و وەلاتێن دەوروبەر و دیسان وان وەلاتێن ھەژموونا وێ لسەر پێشبێخیت، ئیراق ئێک ژوان وەلاتایا ھەم جیرانە و ھەم ھەژموونا ئیرانێ ب بەرچاڤی لسەر دیارە، ھەرێما کوردستانێ ژی وەک جیران دگەل ئیرانێ و قەبارەیێ بازرگانیێ دناڤبەرا ھەرێمێ و ئیرانێ د گەل بوورین دەمی زێدەتر لێ دھێت، لەورا تەھران ھەموو پێکولان دکەن ھەرێما کوردستانێ وەک ناڤەندەکا بازرگانی یا گرنگ ژ دەستێت خوە نەکەت.
دناڤا ئیراقا خراببووی و پاشکەفتی ژ ھەمی روویەکی ڤە بتنێ ھەرێما کوردستانێ وەک بەشەک ژ ئیراقێ ئارام و پێشکەفتی مایە، سیاسەتا ئابوری یا چەند سالێن بووری یا سەرۆکێ حکومەتا ھەرێما کوردستانێ پەیرەودکری وەک کر بەرێ مەزنە کۆمپانیێ جیھانی بدەتە ھەرێمێ و بزاڤا بازرگانی دناڤبەرا ھەرێمێ و وەلاتێن جیران و دیسان گەلەک وەلاتێن دی خورت بکەت، ئەڤە ژی بوو ئەگەرەک کو وەلاتێن مینا ئیرانێ و تورکیا ب قەبارەیەکێ مەزن بازرگانیێ دگەل ھەولێرێ بکەن.
سەرەدانا شاندا ئیرانی ب سەرۆکاتیا وەزیرێ دەرڤە یێ ئیرانێ بۆ ھەرێمێ و گرێدانا کوربەندێ ئابوری دناڤبەرا بازرگانێن ھەرێمێ و ئیرانێ دا دێ بیتە ئەگەرێ پتر خورتکرنا بازرگانی دناڤبەرا ھەردو وەلاتان دا، د کاودانێن نھا یێن ئیرانێ دا و خوشکرنا تێکلیێن ئابوری دگەل تەھرانێ دێ بیتە دەرگەھەکێ بھێز ژ بۆ پاشەروژێ کو ترسا سەربازی و دورپێچا ئابوری ژ لایێ وان ڤە نەمینیت ژ بەرکو د ھاڤێتنا ھەر پێنگاڤەکا ب ڤی رەنگی باجا ئێکێ یا خوسارەتیێ ئەو دێ دەن.
د کاودانێن نھا دا بۆ ھەولێرێ باشە خوە ژ ئازراندنا تەھرانێ بپارێزیت و بەلانسەکا پەیوەندیان دناڤبەرا وێ و ئەمریکا دا درست کەت داو نەبیتە خوارنا ھەردوویان، ب تایبەت دنھا دا پتریا وەلاتان دژاتیا خوە ژ بۆ سەپاندنا سزایان ددەنە دیارکرن ئەڤەژی دێ وەکەت باروداخ ھەردەم ب ڤی ئاوایی نەبن.
سیاسەتا ئابوری یا ژ لایێ حکومەتێن نێچیرڤان بارزانی ڤە دھاتە پەیرەوکرن بو ئەگەرەک کو بەرێ وەلاتێن جیران بکەڤیتە خالا ھەری زەنگین یا ئابوری کو ھەولێرە و بزاڤا بازرگانی خورتت ببیت و ببینە ناڤەندەکا ئابوری یا گرنگ دناڤا رۆژھەلاتا ناڤیین دا، سەربەخوکرنا ئابوری ژی ژ لایێ نێچێرڤان بارزانی ڤە بوویە ئەگەرەکێ دی یێ بھێز کو موزنە کۆمپانیێ جیھانی خوازیارن ل ھەرێمێ وەبەرھێنانێ بکەن.