دزانستێ سیاسیدا دیالۆگ باشترین ئامرازە بۆ گەھشتا ل ھەڤھاتنێن بەرھەمدار. ژ دەستپێکا پەیدابوونا ئالۆزیێن سیاسی و ئابوری و بەرتەسکبوونا پەیوەندیان دناڤبەرا ھەولێر و بەغدایێ، ھند کەس و رایەدارێن بلندێن ھەرێمێ بتایبەت سەرۆک بارزانی و رێزدار نێچیرڤان بارزانی سەرۆکێ حکومەتا ھەرێما کوردستانێ رولگێریەکا بەردەوام ھەبوویە. د ئەوان ل ھەڤھاتناندا، بۆ میناک رێزدار نێچیرڤان بارزانی و سەرۆکێ حکومەتا ھەرێما کوردستانێ بەردەوام دروشمێ " گەرانەوە بو سەر مێزی گفتوگو کلیلی چارەسەری ھەموو ئاریشەیەکە" کو د ھەمی کورو جڤات و سەرەدانێن خویێن سیاسی بۆ بەغدایێ ب رایەدارو کەسایەتیێن رولگێر و ناڤدار و کاربدەستێن بەغدایێ دھاتە گوتن. دەرئەنجامێ ئەڤێ دیالۆگا سیاسی دناڤبەرا ھەولێرێ و بەغدایێ، مەزنترین دەستکەفت بۆ ھەرێما کوردستانێ ھاتە بەردەست کرن. ئەوژی پێگیرکرنا بەغدایێ بوو. کو مەھانە بێ مەرج (٥٢٢) ملیار دیناران بۆ پێشمەرگە و فەرمانبەرێن ھەرێما کوردستانێ فرێبکەت. ئەڤە زێدەباری چەندێن دەستکەفتێن دیترێن باش بۆ تەماما خەلکێ ھەرێما کوردستانێ ژ رویێ باشترکرنا رەوشا ئابوری و خوشگوزەرانی و تەندروستی ڤە.....ھتد. کو بڤێ پێنگاڤا مەزن دکارین بێژین ئێدی قەیرانا ئابوری ل ھەرێما کوردستانێ نامینیت د ئەڤان سالاندا. نەمانا قەیرانا داریێ و باشتر بوونا پەیوەندیێن ھەولێر و بەغدایێ. دێ ھند راستیێن حاشا نەھەلگر دیاربن. ئانکو دێ بنە بەلگە ل سەر ئەوێ ڕاستیێ کو سەرۆکێ حکومەتا ھەرێما کوردستانێ رێزدار نێچیرڤان بارزانی بەردەوام دگوت: " ئێمە وەکو حکومەتی ھەرێمی کوردستان بەلێن بە فەرمانبەران و موچەخوران دەدەین کە موچەیا ناڤەوتێت. لەگەر ئەوەش ڕەوشی ئابوری و خوشگوزەرانی خەلکی خوشەویستی کوردستان بۆ باشتر لە جاران دەگەرێنینەوە". ئەڤرۆ ئەڤ گوتنەژی بۆ کریار کو ئەگەر بەغدا پێگیربیت ب برگا ١٠ێ ژ پروژە بودجەیێ عێراقێ بۆ سالا ٢٠١٩ێ. ئەوا ل شەڤا بوری ھاتیە پەسەندکرن ب زورینەیا دەنگان. کو لگورەی فەرھەنگێن سیاسی جێ بەجێکرنا بەلێنان دوارێ سیاسیدا ئێکە ژ ئەتکێتێن کەسێن کارێزمایی دوارێ سیاسیدا. بڤێ چەندێ رێزدار نێچیرڤان بارزانی ب کارێزمایەکێ سەرکەفتی دھێتە ھژمارتن. چونکی گوتن و کریار ئێک بوون. دیسان دپەیرەو پرۆگرامێ پارتیدا ل ھەلبژارتنێن بوری بۆ پەرلەمانێ عێراقێ ھاتبووخویاکرن کو خوشگوزەرانیا خەلکێ ھەرێمی بگشتی ئەولەویەتە....ھتد. بڤێ چەندێ واتە باشتربوونا رەوشا خەلکێ ھەرێما کوردستانێ ژلایێ ئابوری و خوشگوزەرانیڤە دێ بیتە دەرگەھەک بۆ پێشکەفتنا ھەرێما کوردستانێ. ئانکو ھەرێم دێ بیتە خودان سەنگ و پێگەھەکێ بھێزتر دناڤ عێراقێ و دەڤەرا روژھەلاتا ناڤین بگشتی. ھەر دیسان جھێ ئاماژەپێدانێ یە کو دڤێت زێدەباری رۆلێ رێزدار نێچیرڤان بارزانی. رولێ یەک رێزی و یەک تیمییا پەرلەمانتارێن ھەمی حزب و ئالیێن سیاسی ل پەرلەمانتویا بەغدایێ ژبیرنەکەین کو بەردەوام شەر کریە ل سەر ماف ئمتیازاتێن ھەرێما کوردستانێ دگەل حکومەتا بەغدا. ئەڤ گیانێ برایەتی و وەلاتپارێزی و کوردایەتی دێ خەون و ئارمانجێن نەیارێن مللەتێ کورد ب خاک سپێرن و ئاسویەکێ گەش و روناک ئامێز و بەرھەمدار و دەستکەفتێن زێدەتر و گرنگتر بۆ خەلکێ ھەرێما کوردستانێ بگشتی بێ جوداھیا ئولی و مەزھەبی بەرھەم ئینن. ھەروەسا دێ پێگەھێ کوردان ل بەغدا ژی پارێزن و بھێزترکەن.