ل گێلەشوکا پێکئینانا کابینا نەھێ یا حکومەتێ ھەرێما کوردستانێ و دەربازبوونا پتر ژ سێ مەھان بسەر ھەلبژارتنان، بوویە جھێ گلەھیا ھەڤوەلاتیان و گەلەک پرس ژی لجەم ھەرکەسەکی دورست کرینە، جما حکومەت نەھاتە پێک ئینان و ئەڤ ھندە کوومبوونە چما دبێ ئەنجامن ھەر کومبوونەکا تێتەگرێدان ژی دناڤبەرا ئالیێن سەرکەڤتی یێن ھەلبژارتنان بۆ میدیایێ ددەنە خویاکرن کو کومبوون دئەرێنی بووینە ، ھەروەھا ڤان ئالییان ئەوێن دێ پشکداربن دحکومەتێ دا ئاشکرا دکەن کو بەرنامیێن وان لھەڤ نزیکن ، چا بوچی تانھا نەھاتە ئێکلایی کرن ئەڤ پرسە مانێ ئەمێ دبینین ھەڤسویێن مە ل ماوەیەکێ ھەری کێم یێن ھەلبژارتنان دکەن و حکومەتێ ئاڤا دکەن.
من نەڤێت ب تەمامی و درێژی لسەر پێشھاتێن ڤێ داویێ راوەستم، ژبەرکو گەلەک یێن ھاتینە بەحسکرن و گەلەک ئەنالیز یێن ژێرا ھاتینەکرن، لێ ھند ستاسیۆن ھەنە پێتڤی دکەت لسەر راوەستین داکو ئەڤ ھەڤکێش بھێنە پەژراندن و بەرچاڤ وەرگرتن .
دیاربوو پشتی ١٦ێ ئوکتوبەرێ کو چاوا سیناریویا داگیرکرنا کەرکووکێ و دۆز خۆرماتۆ و دەڤەرێن دی ھاتبوو دارێشتن و ب سەرپەرشتی و جێبەجێکرنا کێ بوو و مە دیت ھند ناڤ دلیستەکێ دا ھەبوون کو ب گرۆپێ کەرکوک فرۆتنێ د بەرنیاسن و ئیمزایێن وان ژی لسەر بوون، و ھەیا نھا وەکو بەرپرس و نشتیمان پەروەر دھێنە دیتن و خواندن ! یاسەیر ئەوە کو ژبال ئێکەتیێ ھیچ ھەلویسەتەک نەھاتە دیتن ھیچ لێپێچینەڤە ل گەل ھند سیاسیێن سنەلەیێن سەرگەرم کو خەنجەر دپشتڤە ل دۆزا مللەتی دای و کەرکوکا ( قودسا کوردستانێ )بێ بەرگری رادەستی ھێزێن داگیرکەران کری، و یا من مەرەم پێ ئەڤە یە کو دنھا دا دکومبوونێن ئێکەتیێ لدەمێ دانوستاندنان دگەل ئالیێ سیاسی سەرکەڤتی و ئالیێن دی دھەلبژارتنان دا دکەن نەخاسم وان ئالیێن ئینیەتا پشکداریێ ھەیی ژبۆ کابینەیا نوی یا حکومەتا ھەرێما کوردستانێ دپشکدارن دوان کومبوونان دا، کویا خویایە ئەو تاغم نە ژ ئەندامێن مەکتەبا سیاسیا وێ حزبێ نە ئەڤ چەندە ژبۆ لاوازیا وێ حزبێ دزڤریت !
ب دیتنا من پشکداریا تاقمێ کورکوک فروتی ل وان کومبوونان دێ بیتە ئەگەرێ گیروکرنا حکومەتا نوی ژبەرکو گوتن و کریارێن وان نە ئێکن ، ھەڤدەم دیتنا وان سەروچاڤان ژی بوویە جھێ گلەھیا وەلاتیان و رەشبینی دروست کرییە ژبال وەلاتیان، ژبەرکو دناڤخوویا خۆدا زۆر بال لڤی ئالیێ سیاسی پەشینە و پەرتەوازە بووینە ڤێ چەندێ ژی دربێن مەزن ب دۆزا رەوایا گەلێ کوردستانێ داینە کو ب خەتابارێن ئێکێ دھێنە نیاسین، دگەلدا ژی وەکو پێتڤی کورسی بدەست نەخستینە ھەروەھا ناڤەک نەمایە ئیدی ب زونا کەسەک ژبەرکو پێگەھێ جەماوەریێ خۆ ژ دەست دایە ب تایبەتی ل پارێزگەھا سلێمانیێ .
ئیدی پەردە لسەر ھەمی مژارا ھاتییە ھەلدان و ژبۆ خەلکێ کوردستانێ خویا و بەلی بوویە کو گەنم و زیوان ژێک جودابوینە و دزانن کی ئالی ژبۆ پاراستنا بەرژەوەندێن بلندێن گەلێ کوردستانێ گاڤ و خەبات و قوربانی دانێ دکەت و نەخاسم دەمێ ھەمی دەرگەە ل ھەرێما مە ھاتینە گرتن ب گاڤ و دبلوماسیا رێزدار نێچیرڤان بارزانی سەروکێ حکومەتا ھەرێما کوردستانێ وەلاتەکێ زلھێزێ مینا فرەنسا سەروکێ وێ ب ئالایێ کوردستانێ پێشوازی ل بارزانی کر و ھەروەھا ب پەیوەندیێن وی یێن موکم سەرا چەندین وەلاتان دا و ئەو ئابلوقەیا حکومەتا ناڤەندی ئێخستییە سەر ھەرێمێ ھەمی ھاتنە لادان و ھەرێم بەرەڤ ھەمان کەنارێ نیمچە سەربخوویێ برەڤە و ھەردەم ئەو گاڤ دبەردەوامن بۆ پێشخستنا کوردستانێ د ھەموو وارو سیکتەراندا .
ئەڤجا ب فەر دبینم ھەرچی زوی یە ب ھەر ئاوایەکی بیت کابینا نەھێ یا حکومەتا ھەرێما کوردستانێ ژبال ئالیێ سەرکەفتی یێ ھەلبژارتنان بھێتە پێک ئینان، و بەردەوام بیت ل خەبات و خزمەتێ پێخەمەت ئارمانجێن بەرز و بلند و دوزا رەوایا گەلێ مە و ھەروەھا ھەرچی زوی یە ئالیێ ئێکەتیێ پێداچوونێ ل سیاسەتا خۆ دا بکەت و ڤان کەسێن ھەرێم بەر ب تونێلەکا رەش و ب ترس ڤە دبر ھەلویستەک ل ھەمبەر وان سنێلەیان ھەبیت نەکە دێ ئێکەتیێ بخۆ بەر ب تونێلەکا تی ئێن تیکری بەت و داویێ بڤی کیانێ سیاسی ئینن.