دەمەکە بەحسا لاوازیا سیستەمێ خواندنێ ل زانکۆ و پەیمانگەهان دهێتە کرن، ئەڤەژی ب رونی ل سالێن پشتی٢٠١٠ و وێڤەتر هاتە دیتن ، ب ئەگەرا خوشگوزەرانیا خەلکی و ڤەبوونا گەلەک زانکویێن ئەهلی و چوونا قوتابیان ژ بۆ دەرڤەی وەلاتی و تمامکرنا خواندنا ماستەر و دکتورایێ بێ هیچ ئاستەنگیەک، دانەمەزراندنا یەکەمێن سەر ئاستێ زانکۆ و پەیمانگەهان، ئەڤە هەمی بوونە ئەگەر کو ئاستێ زانستی یێ زانکۆ و پەیمانگەهان بەرەڤ لاوازیێ بچێت.
دەمەک بوو دامەزراندن ب ئەگەرا تێکچونا بارێ ئابوری و زێدەبوونا کەسێن دامەزراندی ، دامەزراندن هاتبوون راوەستاندن ل گەلەک کەرتان ئەڤێ چەندێ زیان هەبوون ب تایبەت ل کەرتێ ساخلەمی و پەروەردێ، لێ دگەل باشبوونا رەوشا ئابوری و هەبوونا ئاسویەکێ رون بۆ پاشەروژا داهاتی ب بریارا سەرۆکوەزیرێن هەرێما کوردستانێ، نێچێرڤان بارزانی بریارا دامەزراندنێ ژ بۆ یەکەمێن زانکۆ و پەیمانگەهان هات دان، ئەڤ بریارە دێ ژ گەلەک لایەنان ڤە خزمەت بۆ ملەتی هەبیت
１. بلند بوونا ئاستێ خواندنێ ل زانکۆ و پەیمانگەهان
２. پێگەهاندنا کەسێن بسپۆر و شارەزا د بوارێ جودا جودا دا
３. هەڤرکی بۆ بدەستڤەئینانا پلەیێن ئێکێ دوبارە دێ کەڤیتە ناڤا قوتابیان و ئەڤەژی دێ بیتە ئەگەرەک کو پێگەهاندنا کەسێن بسپۆر و تەمام د وارێ کار تێدا دکەت
４. دوبارە دێ سەروەریا جاران بۆ زانکۆ و پەیمانگەهێن حکومی ڤەگەریت کو ل سەر لیڤا ژناڤچوونێ بون ل هەمبەر زانکۆیێن ئەهلی و دوبارە دێ وەلاتیان باوەری ب خاندنا زانکۆ و پەیمانگەهان هێت کو قوتابیێن وان لێ بخینن نەک ب پارە بچن زانکۆیەکا ئەهیلی
５. دێ بیتە ئەگەر کو قوتابییێن قوناغێن دیتر ژی کار بۆ سەرکەفتنێ و ب دەستڤەئینان پلەیێن باشتر بکەن داکو ب زیترین دەم و ب باشترین نمرە بگەهن زانکۆیێ
ئەڤێ بریارێ تا رادەیەکی دلخوشی بۆ تەخا قوتابیان و خیزانێن وان پەیداکریە، دیاردا چوونا ژ دەرڤە بۆ خاندنێ ژ لایێ وان کەسێن خودان سامان کو کێمترین نمرە هەبوون و ل دەمێ ڤەگەریانێ ب هەر رێکەکا هەبوو ل جهێ وان قوتابیان دبوونە ماموستا، لێ ئەڤ بریارە دێ رێکێ تا رادەیەکی ل ڤێ دیاردێ گریت و دێ کەسێ ژ هەژی بۆ جهێ ژ هەژی بیت.
بلا ئەڤ بریار بیتە دەستپێکەک ژ بۆ دلخوشکرنا قوتابیێن مایی یێن دەرچووی ل هەموو زانکۆ و پەیمانگەهان، دخازین پێکولێن حکومەتێ ژ بۆ دەرچوویان ل ڤێ بریارێ ب تنێ نەراوەستیت و کار بکەت بۆ بدەستخستنا دەلیڤێن کاری یان ژی دامەزراندنا قوتابیان ل گورەی یا پێدڤی .