ئێک ژ رەخنێن بەردەوام ل سیستەمێ سیاسى دهێتە کرن ل هەرێما کوردستانێ ئەوە تانوکە پشتى سەرهدانا پیروز بەشەک ژ حزبێن سیاسى جیاوازیێ دنافبەرا چەمکێ شەرعیەتا شورەشگێرى و شەرعیەتا گەلى ناکن و گەلەک پیڤەر و بنەمایێن دى دکنە بەهانا بو بەردەوامى دانا خو ل دەست هەلاتێ دا ئەڤ چەندە ژى کاریگەریا خو لسەر ئەزمونا دیموکراسى دکت ل هەرێما کوردستانێ و نەبونا باوەری و متمانێ دنافبەرا حزبێن سیاسى دا بویە خالا دورست کرنا نە سەقامگێریا سیاسى ل کوردستانێ .
ئەگەر ئەم ل ئێکەم هەلبژارتنێن پەرلەمانێ کوردستانێ ب زڤرن دێ بومە دیار بیت وى سەردەمى ئەگەر ئێکەتى وەکو حزبا خوسارەت ل هەلبژارتنان دان ب شکەستنا خو کربا وەکو پروسەکا دیموکراسى زور خالێن رەش ل مێژویا کوردستانێ تایبەت شەرێ براکوژیێ دورست نەدبوون بەلێ مخابنە گرێدانا ئێکەتیێ ب تێگەهێ شەرعیەتا شورەشگێرى بویە هوکارێ هندێ تانوکە پروسا سیاسى ل کوردستانێ یا ئالوزبیت و ئەڤ چەندە بەردەوام لسەر زارێ بەرپرسێن وێ دهێتە گوتن و بەلافکرن ل هەمى دونیایێ هەلبژارتن ئالاڤەکێ ئاشتیانەیە بو رادەستکرنا دەست هەلاتێ لێ ئێکەتى هەلبژارتنا بتنێ میکانزمەک دبینیت کو پێ شەرعیەتا خو پارێزیت ئانکو ئەنجامێن هەلبژارتنان هەر چ بن دڤێت ئەو ل دەست هەلاتێ دا بیت و بارودوخێ کوردستانێ بخو ئیستغلال دکەت ب مەرەما سەپاندنا مەرجێن خویێن نەگونجایێ دگەل دیموکراسیەت ل کابینا هەشتێ ژبلى ناکوکیێن نافخو یێن ئێکەتیێ ناکوکیێن وێ دگەل زوربەیێ حزبێن سیاسى بونە هوکارێ پاشئێخستنا دورست کرنا کابینا هەشتێ بو چەندین مەهان و دیسان رازى نەبوو کو لگور کورسیکێن پەرلەمانى سەرەدەى دگەل بهێتە کرن وبەردەوام کەڤێن دوو ئیدارەیێ دکرن .
ئەڤروژى پشتى بورینا سێ مەهان لسەر هەلبژارتنێن پەرلەمانێ کوردستانێ ئێکەتى رێگرە ل پێک ئینانا کابینا داهاتى وچەندین فایل تێکەل کرینە بو هندێ مەرمێن خویێن حزبایەتى و ناکوکیێن خویێن نافخو پێ چارەسەربکەت لەورا پرسیار ئەوە ئێکەتیێ چ دڤێت ؟
ئایا ئێکەتیێ دڤێت دوو ئیدارى وەکو کەتوار ب دەستێ پارتى دورست بکەت و وەزعێ دەڤەرێ بخو ب دەلیڤە بزانیت مەرجێن تەعجیزى لسەر پارتى ب سەپینیت ، ئایا ئێکەتیێ دڤێت مێژو پیڤەربیت بو چارەسەریا کێشە و گرڤتێن سیاسى ، ئێکەتى نەراستەخو دگەل دورست کرنا شەرێ براگوژیێ بو خزمەتا وەلاتێن هەرێمى و جارەکێ دى پارتى پێ سوجداربکەت .ئێکەتیێ چ دڤێت ئەڤە پرسیارە زوربەیێ خەلکێ کوردستانێ یە لسەر ڤان سیناریویێن توز گرتى .
ئێکەتى ل کابینا بورى ب 18 کورسیکا نیڤەکا وەزیران ل کابینا هەشتێ هەبوینە و ژبلى پوستێن ل بەغدا وەرگرتین لدەرڤەیێ ئیسحقاقێ وێ یێ هەلبژارتنان و لڤێ کابینێ ژى دڤێت هەمان سیناریوو دورست بکەت ئەگەر ئێکەتى چاڤەرێ دورست کرنا دوئیدارەیێ بیت ئەوە پارتى و زوربەیێ حزبێن کوردستانى دژى ئەڤێ بیرەوکێ هەنە ئەڤە پروژەکە پشتى سالا 2005 هاتیە داریشتن بەلێ سەرنەگریتە و ژلایێ دستورى ڤە ژى ل دستورێ هەمیشەیێ یێ عێراقێ سنورێ هەرێما کوردستانێ هاتیە دەست نیشانکرن و ب زەحمەتە ئێکەتى بشێت کارەکێ بڤى رەنگى بکەت چونکە بەرژوەندێن ویژى هەمى دێ تیک چن ل دەڤەرێ .ئەگەر مەرەم ژى ئەوە بالەکێ ئێکەتێ پشتى 16 ئکتوبەرێ کاردکت بو دورست کرنا شەرێ براگوژیێ ئەڤ چەندە ژى ژلایێ بەرێز سەروک بارزانى ڤە هاتیە حەرامکرن ئانکو پارتى وێ دەلیڤێ نادت دوبارە شەرێ خو کوژیێ دورست بت .ئەگەر پیڤەر مێژوەیە زور حزب ل کوردستانێ هەنە دوو هندە بەرامبەرى ئێکەتیێ خودان مێژو و دەست کەفتن بو کێشەیا کوردى.
لەورا داخویانێن بەرپرسێن ئێکەتیێ و راگەهاندنا وان ل دەمێ بورى کەتیە لبن باندور هژمارەکا کەسێن خوپەرێس ڤە بو پاراستنا بەرژوەندێن خو و چەند رێکەفتنێن نهینى ڤە ئەڤ شێوازێ سیاسەتێ خزمەتا ئەزمونا هەرێما کوردستانێ ناکەت بەلکو دێ بو چەندین سالان کێشا کوردى پاشڤە هێلیت هەمى خەلک چاڤەرێ بوون پشتى دان پێدانێن گروپێ خیانەتێ یێ 16 ئکتوبەرێ دوبارە ئێکەتیێ پێداچونا سیاسەتا خو بکەت و کار بو ئاشتەوایێ ل کوردستانێ بکەت لێ مخابن دیارە ئەو گروپێ نەفاما یێ زالە لسەر مەژیێ سیاسیێ ئێکەتى دەرئەنجام ژى نەد بەرژوەندا گەلێ کوردستانێ دا نە .ل هەمى قوناغەکێ مە پێدفى ب ئێک رێزیا نشتیمانى و نەتەوەیێ هەیە ئەگەر ل بیرا مەبیت ل نەخوشترین دەم دا جەنابێ سەروک وەزیران دگەل زوربەیێ حزبێن سیاسى رونشتن و کومبونێن سیاسى هەبوینە و لجهێ تڤەنک بەرسفا ئێک بدەم مە پێدڤى ب لوژیەکەکێ سیاسى هەیە کوردستانێ بەرەف قوناغەکا دى ڤە بیت و ئەو سیناریویێن توزگرتى چ بەهایێ خو نینە لناڤ خەلکێ کوردستانێ .