گەر سەرنجەکێ بدەینە وەلاتێ ئیراقێ کو پترین پێکهاتە دناڤ دا دژین ب درێژیا دیروکێ ب تایبەت لسەر دەمێ رژێما بەعس ب هەمی رەنگەکی مافێن وان یێن ئۆلی و کەلتوری و نەتەوەیی هاتینە پێشێلکرن و بێ بەهرکرن.
پشتی سەرهلدانا ملەتێ کورد و دانانا حکومەت و پەرلەمانی مافێن وان پێکهاتەیێن ل هەرێما کوردستانێ دژین هاتن پاراستن، دگەل درستبوونا کابینەیێن حکومەتا هەرێمێ مافێن پێکهاتەیێن ل هەرێمێ دژین ب یاسا دهاتنە گەرەنتیکرن، ئەڤە ژی بوو ئەگەر کو باژاروکێن تایبەت ب ڤان پێکهاتەیان بهێنە درستکرن. گرنگیا سەرکرداتیا کوردی ب سەرۆکاتی و حکومەت و پەرلەمان ڤە بو مافێن پێکهاتەیان وەکر کو یەکسانیا تەمام دناڤبەرا هەمو پێکهاتەیان دا و خەلکی دا درست ببیت و گروڤە ژی ل سەر ڤێ چەندێ د بوونێن ئاینی و جەژنان و دیسان تازیان ژی موسلمان و ئێزدی و کرستیان و کاکەیی هەموو پێکڤە بەژدار دبن.
گەر سەرنجەکێ بدەینە ڤان سالێن داویێ دێ بینین تێکەلیا کومەلایەتی دناڤبەرا هەموو خەلکێ هەرێمێ ب پێکهاتەیێن وێ ڤە گەلەک نزیک ئێک بووینە تا وی رادەیی نەشێی جێوازیێ بکەین کی سەر ب کیژ ئاینیڤەیە یان کیژ نەتەوەیە ئەڤە ژی هەمی ڤەدگەریت بۆ گرنگیا سەرۆک بارزانی یێ کو هەردەم بەرەڤانی ژ وان پێکهاتەیان کری و پاراستنا وان دانایە دەستپیکا هەر مەترسیەکێ و توڤێ پێکڤە ژیانێ دناڤبەرا هەموو وەلاتیێن ڤێ هەرێمێ بێی جێوازی چاندی، تمامکەرێ رێیا وی بووینە سەرۆکێ حکومەتێ و شیرەتکارێ جڤاتا ئاسایشێ یێن کو ئێک ژوان ئاسایشا وان و سەر وەت و مالێ وان پاراستی، یێ دی کار بۆ ئاڤەدانکرنا دەڤەرێن وان و گرنگدیدان ب ئاڤەدانیا کنیسەیان و مەزارگەهان و جهێن وان پێکهاتەیان یێن ئاینی کو بو پاراستنا ئاینێ خوە ب کارتینن.
ل دەمێ هاتنا تیرورستێن داعشێ ئەڤ هەرێمە بۆ پەناگەهەکا هەری ئارام و پاراستی بۆ هەموو پێکهاتەیان بێی جێوازی و دیسان دابینکرنا هەموو پیدڤیێن وان بوونە ئەولەویەتا حکومەتا هەرێمێ سەرەرای نەبوو پارەی و خراببوونا بارودوخێ هەرێمێ یێ ئابوری و سیاسی و سەربازی، لێ ئەڤە نەبوونە رێگر ل هەمبەر پشتگوهخستنا پێکهاتەیان کو دنهادا جوانترین سیما و رەنگ دایە وەلاتێ مە ل هەموو جیهانێ.
حکومەتا هەرێمێ ب سەرکێشیا سەرۆک وەزیران ژ لایێ پەروەردێ ڤە گرنگیەکا هەری مەزن دایە زمانێ ڤان پێکهاتەیان و دنهادا هەر پیکهاتەیەک ب ئازادی ب زمانێ خوە ل خواندنگەهێن تایبەت ب وان ڤە دخینن. ئەڤە نە منەتەکە حکومەت لێ دکەت بەلکو مافێ وانە ئەوژی ب ئازادی د ڤێ ئاخێ دا بژین و پاراستنا زمان و کەلتور و رەسەناتیا خوە بکەن .