هه‌ستیاریا سه‌ركێشیا هه‌رێمێ!
شێرزاد نایف
قووناغ و به‌لانسا بۆیه‌ران دخوازیت سه‌ركێشیا هه‌رێما كوردستانێ دڤێت نه‌بیته قوربانیا ریسك و مغامه‌راتێن هنده‌ك لایه‌نێن كرێگرتی و بۆ بایێ ده‌ره‌كی خزمه‌تێ دكه‌ن، به‌لێ دڤێت بهێته‌كرن ب سیسته‌مه‌كێ گونجای و ژلایێ هنده‌ك كه‌س و لایه‌نێن جهێ باوه‌ریێ بن، دڤێت ئه‌و سیسته‌م ل سه‌ر دوورخستنا مه‌ترسیێن ده‌وروبه‌ران بهێته برێڤه‌برن، یا دی ژی رازیكرنا وی خه‌لكێ بوویه قوربانێ قه‌یرانێن دوژمنێن كوردایه‌تیا دورست بۆ مه ئینایی. هه‌روه‌سا گه‌له‌ك تشتێن دیتر، هه‌ر چاوا بیت دڤێت ئه‌و لایه‌نێ دێ سه‌ركێشیا ڤی ملله‌تی كه‌ت، خوه‌دیێ راست و دورستێ نه‌ته‌وه‌بوون و كوردبوونێ بیت، ئه‌ڤجا ئه‌و سه‌ركردێن هاتینه به‌ربژاركرن ژ لایێ ملله‌تی ڤه ب رێیا هه‌لبژارتنێن دیمۆكراسی كو هه‌ر ئه‌ون خوه‌دانێن ده‌سكه‌فتێ ریفراندۆمێ كو مۆهرا خوه ل دیرۆكێ دایی و دیرۆك خه‌ملاندی و په‌یام گه‌هاندی، سه‌ره‌ری سركرنێ یانژی پاشخستنێ، یا گرنگ ئه‌وه مه‌زنترین باوه‌رنامه و ده‌سكه‌فته ده‌مێ وێ هه‌ر دێ هێت، به‌لێ قه‌نجیێن دیتر ژی، ئێك ئه‌وه شه‌ره‌فا ڤی ملله‌تی بلند راگرتی و كوردستانا مه پاراستی و نه‌هێلایی ئه‌م ده‌ربه‌ده‌ر ببین یان ره‌زیل ببین، یا دی ژی ئه‌و سه‌ركه‌فتنا مه‌زن یا پێشمه‌رگێ بارزانی شیایی مه‌زنترین هێرشا هاتیه كرن ل سه‌ر په‌نجه‌رێن هه‌ناسه‌یا كوردستانێ ئه‌و هێرش پێكهاتا چه‌ندین وه‌لاتان بوو، شكاند و ل سه‌ر ڤێ هه‌موویێ ژی ئه‌وه كو حزبا وی شیایی بیته ئێكه‌مین حزب ل سه‌ری ئاستێ عیراقێ هه‌موویێ و ل كوردستانێ ل سه‌رده‌مه‌كی كه‌سێ حه‌ز ل چو حزب و لایه‌نان نینه، حزبا باوه‌ریێ و هند خوین رێتی و قوربانی پێشكێش كری، ئه‌و مالباتا سێ هزار كه‌س ژێ ئه‌نفال بووین ل سه‌ر ده‌ستێ رژێمێن داگیركرنا كوردستانێ كرین و مافێن وێ لێ خوارین ده‌ربه‌ده‌ركرین و مال خرابكرین و خه‌لك بێ سه‌روشوون كرین، مالباتا بارزانا بریندار و خۆراگر، چونكو ب تنێ عه‌شقا ئه‌رد و شه‌ره‌فا خوه كریه ئارمانجا خوه و سه‌ركێشیا بزاڤا رزگاریخوازا گه‌لێ كورد كری، یا ژ هه‌میێ زێده‌تر ئه‌وه كو هند ملله‌تێ كورد ب خه‌لكی دایه ناسین، هه‌روه‌كو گه‌له‌ك خه‌لك بۆ میناك دبێژن ل وه‌لاتێن بیانی ناڤێ بارزانیه‌تێ پتری كوردینیێ ناڤداریا خوه هه‌یه، ئه‌ڤه ژی خاله‌كا گرنگه، كو خوه‌دیێن ڤێ ناڤداریێ و ڤێ خه‌باتێ پۆستێن چاره‌نڤیساز بكه‌ڤنه ده‌ست دا، هه‌ر ئه‌و رێبازه یا بارزانێ نه‌مر دانایی، نها ئه‌ڤ پۆسته یێن ب هۆیا كارێزماتی و شه‌عبیه‌تا خوه كه‌سێ نێچیرڤان بارزانی شیایه ب زانینا خوه یا سیاسی رۆلێ لۆبیه‌كێ كاریگه‌ر بگرێیت بۆ چاره‌سه‌ركرنا وان قه‌یران و هه‌ره‌شه‌یێن هۆڤانه یێن ژ ده‌رڤه دهێن، و هێزا پێشمه‌رگه‌ی برێڤه‌ببه‌ن، ژ بلی گرنگیدان ب بیاڤێن دیتر یێن گرێدای ژین و ژیارا خه‌لكی، سه‌ربۆره‌كا موكوم بۆ په‌یدابوویه هه‌ژی هندێ یه كو ببیته سه‌رۆكێ هه‌رێمێ و هه‌مان سیاسه‌تا پاك و دلسۆز بۆ دۆزا مه‌یا ره‌وا بگه‌هینته كنارێ ئارام و ده‌ورته‌سلێما سه‌رۆكوه‌زیران بده‌ته گه‌نجێ ب شه‌عبیه‌ت مه‌سرۆر بارزانی كو هیڤیێن گه‌نجێن مله‌تی ب هه‌بوونا وی دگه‌شن چونكو نێزیكی هه‌می بزاڤ و لڤین و خه‌باتا مه‌رجه‌عیه‌تا كورد مسعود بارزانی بوویه، ده‌ست ب ده‌ست دێ هاری ئێكودو كه‌ن كو پاپۆرا ڤی ملله‌تی ب ئه‌مانه‌ت بگه‌هینه كنارێ ئارام و كوردستان مینا گه‌له‌ك وه‌لاتێن پۆچه‌له نه‌بیت یێن ده‌روبه‌ر یێن مه‌دیتن.. هینگی دێ عیراق ژی ب خێرا هه‌رێمه‌كا سه‌ركه‌فتی مفادار بیت ژ سه‌ربۆرا گه‌نج یا ڤێ قووناغێ.!!
