دەست نیشانکرنا دوو کەساتیێن سیاسەتمەدار و بوێر و راستگوو ھەڤدەم جھێ متمانێ و رولدار و خودان سەربوور و پر دەسکەڤت ژ ئالیێ ئارامیێ و ئاڤەدانیێ و دارێژەرێن سیستەمێن گونجایی بۆ دەم و قوناغێن پێتڤی ، ژبال سەروک مەسعود بارزانی مەرجعێ کوردان فە و جڤاتا سەرکردایەتیا پارتی دیموکراتی کوردستان بۆ دوو پوستێن ھەری گرنگ و ھەستیارێن ھەرێما کوردستانێ.
ئەو ژی ھەر ئێک ژ بەرێز نێچیرڤان بارزانی، وەک بەربژێر بۆ پوستێ سەروکاتییا ھەرێما کوردستانێ کو ل ماوێ رابوری ب دەولەتمەدار و دیبلوماسی و ئەندازیارێ ئاڤەدانیێ و کەساتییەکا کومەلایەتی و ھزر ڤەکری و مرۆڤێ رۆژگارێن سەخت و ھەلوەشێنێ دۆر پێچ و سزایێن لسەر ھەرێمێ و کارێزما ھاتییە نیاسین و پەیوەندیێن وی د ئاستەک ھەری پێتفی دانە لسەر ئاستێ جیھانێ و دەڤەرێ کو خودی کاساتییەکا بھێزە. ھەروەھا بەرێز مسرور بارزانی ژی وەک بەربژێر ھاتییە دەست نیشانکرن ژبۆ پوستێ سەرۆکاتییا وەزیران کو ئەوژی خودی کەساتییەک بھێز و کاریگەر و دارێژەرێ ئارامیا کوردستانێ ھەڤدەم زمان زان و پێشمەرگێ دێرن و دگەل دا ژی ژئالیێ خێرخوازیێ و خواندنا بلندو پێشخستنا وارێ زانست و زانینێ رولەکێ کاریگەر گێرایە ل ماوێ بوری و سەنگ و کاریگەریا خۆ ھەیە لسەر ئاستێ ناڤخۆ و دەرڤە .
ئەڤ گاڤا بەربژێرکرنا ڤان ھەردوو بەرێزان ل کومبوونا جڤاتا سەرکردایەتیا پارتی دیموکراتی کوردستان ل رێکەفتی ٣ / ١٢ / ٢٠١٨ ھاتییە ئێکلاکرن و ژبال بەردەڤکێ پارتی دکونگرەکێ رۆژنامەڤانی ب فەرمی ھاتیە راگەھاندن.
ب دیتنا من ئەڤ دوو کەساتییە ژبۆ پرکرنا وان پوستان گەلەک دگرنگن ژبەرکو ئەو پوستێن ھەرێمی پێتڤی بڤان جوامێرایە و پشت راستم ژی کو دێ بنە جھێ متمانەیا ھەمی ئالیێن سیاسی یێن کوردستانێ، لەورا ژی دورشمێ پارتی دیموکراتی کوردستان بۆ ڤان چوار سالان ئاڤاکرنا کوردستانەکا بھێزبوویە.
کەسانێن بھێز و بوێرن ژ ھەمی ئالییەکی ڤە و ژ روویێ دانانا پلانێن ستراتیجی و دیارکرنا ئارمانجان و دابەشکرنا ئەرکان و لدۆر بریارێن چارەنڤیساز خودان روئیانە، لەورا ژی بۆ دانان و دروستکرنا حکومەتەکا سیستەماتیک دێ گاڤان ھەلینن، و ژ ئالیێ کارێن مروڤایەتی دھەموو دەم و گاڤاندا ب تایبەتی ل دەمێ ئاتاف و بەرتەنگیان دەست پێشخەربووینە و رولەکێ ئەرێنی و بەرچاڤ گێرایە و ھەردەم خۆ ل کێشە و پرسگرێکان کرییە خودان بۆ گەل و مللەتێ خۆ راوەستیایینە.
و لسەر سەمتێن نوی و سەردەمیانە کار دکەن کو دگەل دەمی بگونجن دگەلدا ژی گورانکاریان دروست دکەن بۆ بەرژەوەندیا گشتی و بەردەوام دقادا خزمەت و خەباتێ دانە و د پلاندانانێ دا کەسانێن پسپور و شارەزانە و دڤی واری دا کەسایەتیان دروست دکەن کو دگەل خاستا گەل و مللەتێ کوردستانێ دابن و زۆر گەشبینم دڤان چوار سالێن بھێت دا دێ چاکسازیێن ریشەیی ھێنە ئەنجام دان.
گەر کار لسەر زفراندنا سەروەت و سامانێ گشتی بۆ بەرژەوەندا مللەتی بھێتەکرن ھەروەھا کەسانێن ھەژی لجھێ ھەژی بھێنە دانان و لێپرسین لگەل گەندەلکارا بھێتەکرن ب دادپەروەرانە و یاسا سەروەربیت رولێ خۆ بگێریت و خزمەتا توێژا ھەژاران بھێتەکرن و گاڤ ئەو بن کو دەرفەتێن کاری بۆ بێکاران بھێنە رەخساندن و ھەر کەس شایستەیێن خۆ یێن دارایی وەربگرن و ئارامی و ئاڤەدانی یا بەردەوامیت ئەڤ گاڤە خاستێن مللەتی ینە بەر ب پێشە رۆژەکا ھەر پرشنگدار.