فرەنسا تاکە وەلاتێ زلهێزێ جیهانێ بوویە ل دەمێ ئاخا کوردان ل سەر مێزەیێن دانوستاندنا دناڤبەرا وەلاتێن روژئاڤا و ئقلیمی دا دهاتە پارڤەکرن، ئەو یا ئامادە نەبوو ل سەر سوفرا وێ مێزەیێ ئامادەبیت، بولکو هەول ددا مافێ ملەتەکێ ستەملێکری بۆ ڤەگەرینیت و هاریکار بوویە بۆ بدەست ڤە ئینان مافێ ملەتێ کورد، نموونە ژی هەولێن وێ ل سالا ١٩٩١ پشتی دامەزراندنا حکومەتا هەرێمێ ،ندەرخستنا بریارا ٩٨٦ یا نەتەوەیێن ئێکگرتی بوو ب فشارێن وێ یێن بەردەوام. ئەڤە بۆ ئەگەرێ پاراستنا هەرێما کوردستانێ ژ وەلاتێن دەوروبەر و دیسان کێمکرنا مایتێکرنا وەلاتێن رۆژئاڤا ل کوردستانێ، ب سەرکێشیا سەرۆکێ وی دەمی یێ فرەنسا فرانسوا میتران و دەیکا ئاشتیێ یا گەلێ کورد دانیال میتران.
پشتی خیانەتا شادەی ئۆکتوبەرێ کاودانێن هەڕێما کوردستانێ هاتن گوهارتن ژ لایێ سەربازی و ئیمناهی و ئابوری و دوپلوماسی، ل وی دەمی هەمیا قەبر حازرکربو ژ بۆ ڤەشارتنا هەولێرێ بو هەتا هەتایێ، لێ سەرەدانا سەرۆکوەزیرێن هەرێمێ نێچیرڤان بارزانی کو چارەنڤیسێ هەرێمێ کەتبوو د دەتێن وی دا بۆ فرەنسا و پیشوازیکرنا سەرۆکێ فرەنسا ب شێوازێ سەرۆکێ وەلاتەکی و دانان ئالایێ کوردستانێ و دهەمان دەم دا ژ بیرکرنا ئالایێ ئیراقێ وانەیەک بۆ کو کوردستان ب سەرۆکاتیا نێچێرڤان بارزانی پێگەهێ خوە ژ جاران بهێزتر لێ کر، ئەڤ سەرەدانا سەرۆکوەزیری بۆ فرەنسا دەرگەهێ هەموو دورپێچێن دوپلوماسی ل سەر هەرێما کوردستانێ راکرن بێی بەغدا بشێت زێدەتر پێنگاڤان بۆ زەلیل کرنا کورد و کوردستانێ پاڤێژیت.
سەرۆک ماکرونی پشتەڤانی ل سیاسەتا سەرۆکوەزیران بۆ چارەکرنا کێشەیان دیارکر و دوپاتی ل نەمانا میلیشیایێن مینا حەشداشەعبی کر ل ئیراقێ کو وان میلیشیایا ب هاریکاریا ئیرانێ ب چەکی هێرشی کوردستانێ کر، سەرەدانا نێچیرڤان بارزانی، دەرگەهی هەموو هیڤیان ل سەر هەرێمێ ڤەکر و پتریا وەلاتێن رۆژئاڤا پشتەڤانیا سیاسەتا سەرۆکوەزیران یا هێورکرنا رەوشێ کر و سەرۆکوەزیر شیا ب سەر هەموو کاودانان دا ب سەرکەڤیت و ڤێ هەرێمێ ژ هەمو لایان ڤە ب پارێزیت.
فرەنسا وەک وەلاتەکێ دیموکراسی خواز و ئەنداما هەردەمی یا جڤاتا ئاسایشا نێڤدەولەتی ب بەردەوامی ل کاودانێن نەخووش خوە ل کوردان کریە خودان و داکوکی ل مافێن گەلێ کورد کریە ل دەمێ داگیرکرنا هەورێمێ ژ لایێ بەغدا ڤە ژی سەلماند گەلێ کورد ب تنێ نینە. د سالڤەگەرا وێ پیشوازیکرنێ دا بەرهەمێ وێ ب باشی دهێتە دیتن ب تایبەت ژ لایێ ئابوری ڤە د نهادا ڤەژاندنا ئابوری دەستپێکریە و پەیوەندیێن هەولێر و بەغدا د گوپیتکا باشیێ دا نە و ئێدی ئەو داخوازیێن هەرێمێ یێن د چارچوڤەیێ دەستوری دا دکرن یێن دهێن ب جهئینان.