چونکو دەروونا مرۆڤان بیریا مەزلۆمەیەتا خوە دکەت، دەما ئەو دبیتە کەسێ زال، ب زەحمەت زولمێ و توندیێ بکەت، مللەتەک ژ خوینێ ھەستی و خوھێ ھاتیە ئاڤاکرن، ھندە توندوتیژی لێ ھاتیە کرن نەگەھشتیە ھزرا خوە بکەت د دەولەتبوونێ دا، بەلێ پشتی قورچەکا ئازادیێ ب باشترین سەرەدری حوکمەتەک ھاتیە دروستکرن، ئەڤرۆ و سەرەرای ڤان ھەمی کاوادنێن نەخۆش یا تەحەدایا جیھانێ دکەت د بیاڤێ شارستانی و دیمۆکراسیێ و مافێ مرۆڤی، ئەڤ گۆتنە نە ژ ڤالاھیێ یە بەلکو گرۆڤە ژی ئەم بخوە یێن دبینین د بیاڤێ ئازادیا ژنێ و مافێ وێ دا، گوھشتیە وی رادەی کو پشت ل کۆتایا ژنێ ھاتیە شکاندن، چەندین جاران ژنان ب خوە ھەوێن راستڤەکرنا سیستەمێن کۆتایێ ئەنجامداینە و کەسێ ژی رێ لێ نەگرتیە، تایبەت ژی د ناڤ دەسھەلاتا جێبەجێکار دا، ب رێژەیا ٢٥% ئەڤ خانمێن ئەو ماف دەستەبەر کرین ژی ھەر ژ ھەمان حزبا دەستھەلاتدارە یا پارتی دیمۆکراتی کوردستان و ب پەسنینە. دا کو ئەو ژی پتر رۆلێ خوە د ناڤ پێکھاتەیا حوکمەتێ دا ببینن. وەکو ژی دبیاڤی جڤلکی دا ژی ئەڤە چەندین ژن و ب تایبەت ژی ل پارێزگەھا دھۆکێ بێی کۆتا گەھشتینە گۆوپتکا پەرلەمانی و ھەروەسا ژی سەرۆکاتیا پۆستێن ھەستیار ژی کرینە و سەرکێشیا زەلامان کریە، بەری چەند رۆژەکان ژی مینا نێچیرڤان بارزانی سەرۆکێ حوکمەتا ھەرێمێ ژی ئاماژە پێ دای ک وئێدی ژن پتری زەلامی یا ل سەر ھەموو کاروبارێن ژیانێ زالە زێدەباری برێڤەبرنا مالێ و خوەدانکرنا زارۆیان، ئەڤە چەندین خولێن ئەفسەرێن سەربازی و پۆلیسان دەرچوون ھەمی ژی کچێن ڤی وەلاتینە ژ خوشک و دایک و ھەڤژینان، و سلاڤا لەشکری ژی لێ دھێتە کرن ل دەمەکی کو ل عیراقێ نەدبوو سلاڤا لەشکری بۆ ژێ بھێتە کرن ژ بلی (ئیستیعدادا) سەربازی بیێ دەستبلندکرن بۆ ئەنیێ! ئەو دیوار ھەموو ھاتنە شکاندن و توندی ب توندی ھاتە ژێبرن، ب دیتنا من باوەرناکەم ھندە حوکمەتەکێ ل جیھانێ ئەو رۆلێ ل کوردستانێ ھەیی دابیتە ژنێ، ب بەراوردی ل گەل حوکمەتا عیراقێ و پەیڤینا کاک نێچیرڤان بارزانی ل دۆر مەھربرینا ھەڤژینانێ کو ل ھەرێمێ ھەمی ماف دایێ کچێ کو ب رەزامەندیا خوە شوو بکەت، ئەو ل عیراقێ یا پاشڤەمایە، ب گرۆڤەیا ھەڤالەکی دنیاسم بۆ مەھرەبرینەکا وەسا قەستا دەڤەرەکا سەرب حوکمەتا عیراقێ ڤەیە کر، چونکو ل ھەرێمێ ئەو مافێ کچێ ھەیی ل عیراقێ نینە، ب کورت و کرمانجی ھەکە بچینە د ناڤ فەلسەفەیا وێ گرنگیدانا ژی دا، کو چەندی مللەتێ کورد دەروونەک دلۆڤانە و دەردەسەری دیتینە، ھندە گرێدایی عەتفا دایکێ بوویە و دایک بۆ خوە کرینە لێڤەگەر و جھێ شانازیێ. ئەڤجا ھەکە کەسەک بێژیت ل ھەرێما کوردستانێ ژن یا تەپەسەرە یان مافێ ژنێ پێ نەھاتیە دان، بلا بھێتە سەرەدانا سازیێن ھەرێمێ بکەت و ببینیت ھەکە نە مینا دبێژن دێ بەر لێ بارن!!.