مه چه‌ند گۆتن و تێبینى ل سه‌ر داب و نه‌ریت و رێگرتن دناڤا جڤاكى دا هه‌بیت، ب هه‌مان ژێوه كه‌لتورێ كوردى رۆل دایه ژنێ و ل هه‌مبه‌ر بزاڤێن ته‌په‌سه‌ركرنا وێ هاتیه ده‌نگ، واته د كه‌ڤندا نه‌ك هه‌موو جهت و ده‌م دژى ژنێ بووینه و ژن هاتیه بێ ده‌نگكلان، واته ل هه‌ر ده‌مه‌كى، هه‌مبه‌رى كوشتنا و توندوتیژیا دژى ژنێ، كه‌سه‌ك، لێزانه‌ك، زانایه‌ك هه‌بوویه به‌رگرێ ژ وێ چه‌ندێ كریه و روویێ جوانێ ژنان كه‌ورد نیشان دایه، خانى پتر ژ 300 سالانه ژیایه و ب نڤێسنات داستان خوه ب ناڤێ مه‌م و زین، ئه‌و هه‌ردوو ئه‌ڤیندار ب نه‌مرى هێلانه و نها ناڤ چیرۆكا وان ل سه‌ر زارێ هه‌ر كورده‌كى یه، لێ ئه‌ڤه چ په‌یوه‌ندیا وێ ب مافێ ژنێ به‌رهنگاربوونا توندوتیژیا دژى ژنێ هه‌یه؟ چه‌ند دكارین نڤێسه‌ر و هۆزانڤانێن كورد د ڤى بیاڤى دا بكه‌نه پێشه‌نگ؟ نێچیرڤان بارزانى د گۆتارا خوه‌یا 25ى نۆڤه‌به‌را د ده‌ما راگه‌هاندنا هه‌وا نشتیامى یا نه‌هێلانا توندوتیژى یا دژى ژنان، گه‌له‌ك نموونه‌یێن هه‌بوونا توندوتیژێ باسكرن، ل هه‌مبه‌ر دا ژى، ئازادى و پێشكه‌فتنا ژنان كورد د كه‌ڤن و نها نه‌ڤه‌شارت و ب نموونه‌ڤه باسكرن، ئێك ژوان دێره هۆزانا ئه‌حمه‌دێ خانى بوو، كو كره نموونه كو كچان و كورێن كورد ئێكسان بووینه د گهۆرین هه‌ستێن خوه، هه‌روه‌كو وێ دێرێ دبێژیت: (دا خه‌لك نه‌بێژیتن كو ئه‌كراد، بێ مه‌عریفه‌تن بێ ئه‌سل و بنیاد، هه‌م ئه‌هلێ نه‌زه‌ر نه‌بین كو كرمانج، عشقێ نه‌كرن ژ بۆ خوه ئارمانج) ل ژێر رۆشناهیا ڤێ نموونه شعرێ ژ داستان مه‌م و زین، ئه‌م دكارین بێژین، ل هه‌مبه‌رى هه‌موو هێزه‌كێ كو ل سه‌ر سه‌رێ كچ و ژنێن كورد بوویه د دیرۆكێ دا، لێ هێزه‌ك و پێنووسه‌ك و ره‌وشه‌نبیره‌ك و سیاسه‌تڤانه‌ك ژى هه‌رده‌م هه‌بوویه باشی و زیره‌كا ژنێن كورد نیشان بده‌ت، بۆ ڤێ مه‌ره‌مێ ژى مه ب ده‌هان شۆره‌شگێر و نڤێسه‌ر و خه‌باتكه‌رێن ژن د دیرۆكێ دا هه‌نه، ئه‌وا گرنگ ئه‌وه بۆ قۆناغا نها ژى هێزه‌ك هه‌یه وه‌كو پشته‌ڤان ل پشت هه‌موو ژنێن كوردستانێ راوه‌ستایه و سه‌ركێشیا شۆره‌شه‌كێ دكه‌ت ژ بۆ نه‌هێلانا توندوتیژى دژى ژنان و بنبركرنا هه‌موو وان داب و نه‌ریتێن كو بێ بریارا كچێ دهێنه كرن و ژن ژ هه‌موو مافێن وێ دهێنه بێ به‌هركرن، كه‌واته سه‌رۆكێ حكومه‌تا هه‌رێمێ نێچیرڤان بارزانى ب گۆتارا خوه یا 25ى نۆڤه‌مبه‌رێ ئه‌و یه‌ك دووپاتكر كو ئه‌و هه‌موو ده‌ما ل گه‌ل پرسا به‌رهنگاربوونا توندوتیژیێ یه و راگه‌هاندنا هه‌وا نشتیمانیا به‌رهنگابوونێ ژى كو بۆ ده‌ما 16 رۆژانه، بخوه به‌لگه‌یه‌ك ل سه‌ر ڤێ گۆتنێ، سه‌ره‌راى ڤێ یه‌كێ ب بزاڤێن وى نها هه‌رێما كوردستانێ خوه‌دان یاسایێ نه‌هێلانا توندوتیژیا خێزانێ یه كو به‌شه‌ك ژ وێ گرێداى پاراستنا مافێن ژنێ یه، هه‌روه‌سا د هه‌موو كابینه‌یێن حكومه‌تێ كو نێچیرڤان بارزانى سه‌رۆكێ حكومه‌تێ بوویه، ژن د كابینه‌یا وى دا هاتینه دیتن و د پۆستێن وه‌زارى دا بووینه، هه‌ڤده‌م ب به‌رارود ل گه‌ل وه‌لاتێن جیهانێ، یاسایا ئێك ژ بهێزترین یاسایانه كو دێ هه‌مو ماف و ئه‌ركێن ژنێ د جڤاكى دا دابین كه‌ت، د هه‌مان تا نها ل سه‌ر ئاستێ جیهانێ 49 وه‌لات بێ یاسایێن گرێداى مافێ ژنێنه و ژن ل وان وه‌لاتان ل مه‌ترسیێن مه‌زن دانه.
کارزان فەقێ
