سەرۆکێ حکومەتا ھەرێمێ ، پارێزەرێ مافێن ھەمی تەخ و چینا
غیاس خالد زێباری
ئەگەر بەرێ خۆ بدەینێ پشتەڤانیا حکومەتا ھەرێما کوردستانێ بۆ رێکخراو سازیێَن تایبەتمەند ب پاراستنا مافێ ئافرەتا و بەرھنگاربوونا توند و تیژیا بەرامبەر وان ل چەند لسالێن بووری ھاتیەپراکتیزەکرن و ھەر ڤێ چەندێ ژی وەکریە ھشیاریەکا باشتر دناڤ جڤاکێ کوردستانێ درۆست ببیت و دڤی واری دا ل زۆر جڤاکێن دیتر یێن خودان چەندین سالێن ئەمۆنێن حوکمرانیا سەربەخۆ و ئاستێرەوشەنبیریا جڤاکی پێشکەفتیترە .
بەرھەڤیا جەنابێ سەرۆکێ حکومەتێ لڤێ بیرەوەریێ خۆ بخۆ گرنگی پێدانا جەنابێ وی ل مافێن ئافرەتا و چاکسازیێن جڤاکی ، بەرنامە و راسپارێن وی ژی یێن دڤێ ھەوێ دا دیسان پشتەڤانیەکا ھەرە بھێزە بۆ سازی و رێکخراوێن پاراستنا مافێن ئافرەتا و ڤێ ھەوە بەرھنگاربوونا تۆند و تیژیا دژی وان .
لێ گرنگە ئەڤ سازی و رێکخراوە ڤێ دەلیڤا پشتەڤانیا سەرۆکێ حکومەتێ بدەرفەت وەربگرن بۆ ، پێشکێشکرنا پرۆژە و پێشنیارێن گۆنجایی بۆ بەرھنگاربوونا تۆند و وتیژیا دژی ڤێ پشکا ھەرە مەزن و گاریگەرا جڤاکی ،
و ئەو بخۆ بەردەوام بڤان ھەورێن ھشیاریا جڤاکی راببن چ درێکا سازیێن راگەھاندنێ و تۆرێن جڤاکی یان ژی چالاکیێن راستە .
مادەم سەرۆکێ حکومەتێ پشتەڤانێ وایە ، ب ساناھی دێ شێن ڤان چالاکیان ئەنجام دەن و گۆرانکاریێن جڤاکی ژی لدیف خۆرا ئینن ، ئەڤ گاڤ و پلانێن سەرۆکێ حکومەتێ ، بۆ تەخ و چینێن جڤاکێ کوردستانێ ، نیشانێن دلسۆزی و کارکرنا وی یا بەردەوامە ، بۆ ئاڤاکرنا جڤاکەکێ ساخلەم و رەوشەنبیر و وەک ھەڤ ، نەخاسمە ئافرەت ، چونکی ساخلەمبۆنا جڤاکی ب رەوشەنبیری و ساخلەمیا ئافرەتێ درۆست بیت .
پشتەڤانیا سەرۆکێ حکومەتا ھەرێما کوردستانێ بۆ رێکخراو و سازیێن پاراستنا مافێن ئافرەتا و بەرھنگاریا تۆند و تیژیا دژی وان ، دەلیڤەکا دیترە بۆ ڤان سازیان بۆ بجە ئینانا ماف و ئارمانجێن خۆ یێن لسەر ھاتینە دامەزراندن ، ژلایەکێ دیتر بجە ئینانا ماف و ئارمانجێن وان ، ھاریکارن بجە ئینانا پرۆژە و بەرنامێن حکومەتا ھەرێما کوردستانێ یێن چاکسازیێن جڤاکی و نەھێلانا تۆند و تیژیێ دژی ئافرەتا و پاراستنا مافێن وان و بەختەوەرکرنا جڤاکێ کوردستانێ و چەسپاندنا بنەمایێن دیموکراسیێ و دادوەریێ و بسازیکرنا حکومەتا ھەرێما کوردستانێ .
