دەمێ پێنج سالایە حکومەتا فیدرال ل بەغدا ، بەرامبەر ھەرێما کوردستانێ بنەمایێن یاسایی و دەستووری و رێکەفتنێن سیاسی بنپێدکەت ، مۆچە و بۆدجێ ھەرێمێ و شایستێن پێشمەرگەھێن کوردستانێ بریە ، ھەرچەندێ ڤێ چەندێ بارگرانیە گران لسەر حکومەتا ھەرێما کوردستانێ درۆست کر و لسەر ڤێ چەندێ را خەرجیێن شەرێ چار سالیێ شەرێ داعش ل چەک و تەقەمەنی و خەرجیێن لەشکری و ھاریکاریێن ماڵباتێن شەھید و برینداران و پێشوازیا مەلیۆنا ئاوارە و پەنابەران ژی بسەردا ھاتن و بارێ حکومەتا ھەرێمێ زۆر گرانتر بوو .
پشتی خیانەتا بالێ خیانەتکاریا ئێکەتیا نشتیمانی کوردستان ل شازدێ ئکتۆبەرا سالا ٢٠١٧ ، گەماروویێن ئابووری و سیاسی ژی لسەر ھەرێمێ ھاتنە سەپاندن .
لێ سیاسەتا رێزدار نێچیرڤان بارزانی سەرۆکێ حکومەتا ھەرێما کوردستانێ یا ئابووری و نەفت و گازێ ، ھەرێما کوردستانێ بسەر ڤان ھەمی قەیرانان دا زاڵکر ، راستە رەوشا خەلکێ کوردستانێ بتایبەت فەرمانبەر و مۆچە خۆران دژوار بوو ، ب کارئینانا سیستەمێ پاشکەفتیێ مۆچەی ئەڤ رەوشە بەرەڤ چارەسەریێ دچیت و ئەو مۆچە نھو ھەیڤانە دھێنە دابەشکرن . ئەگەر ئەڤ سیاسەتا ئابووری و کارگێریا سەرۆکێ حکومەتا ھەرێمێ نەبا ، ڕەوشا ھەرێمێ دا بەرەڤ کارەساتێ چیت ، ھەر وەکی حکومەتا عیراقێ و گرۆپێ خیانەتکا دڤیا .
ئەگەر لایەنێن دیتر یێن سیاسی پشتەڤانیا سەرۆکێ حکومەتێ و پارتی دیموکراتی کوردستان کربا ل خۆلا چوویی یا پەرلەمانێ کوردستانێ ، بۆ دەرکرنا یاسایا چاکسازیێ ، بەری لسالا بووری رێزدار نێچیرڤان بارزانی دا ڤێ قەیرانێ بن بڕکەت .
سەرەرای ڤان ھەمی ئاستەنگێن دەستگرد لڤان سالان بسەر ھەرێما کوردستانێ ئینای ، ھەتا رادەیەکێ باش حکومەتا ھەرێما کوردستانێ برەنگەکێ زانستیانە و دووربینی سەەردەری دگەل کر .حکومەتێن عیراقێ ژی لسەردەمێ مالکی و عەببادی ، پشتی جھێ خۆ لسەر دەسھەلاتێ مۆکۆم کری ، ژبەر سیاسەتا سەرکەفتیا حکومەتا ھەرێما کوردستانێ ، سەەردەریەکا دۆژمنانە دگەل ھەرێمێ کر ، کارگەھشتە لەشکر کێ شیێ ، خۆشبەختانە دڤی واری ژی تووشی شکەستنێ بوون و پەیوەندیێن ھەرێما کوردستانێ و حکومەتا ناڤەندی لسەر ئێک چوون و ھەتا نھو نەگەھشتنەڤ ئاستێ بەرێ .
پشتی پێکئینانا کابینا نوو یا حکومەتا عیارقێ بسەرۆکاتیا عادل عەبدولمەھی وەک کەسایەتیەکێ جودا ژلایێ سیاسی و جڤاکی ل سەرۆک وەزیرێن بەری خۆ ئاسۆیێن گەش بەرامبەر ھەرێما کوردستانێ و عیراقێ ڤەبوون .
سەرەدانا جەنابێ سەرۆک بارزانی بۆ بەغدا لدوو رۆژێن بووری و کۆمبوونێن جەنابێ وی دگەل سەرۆک وەزیر و سەرکردێن لایەنێن سیاسی یێن عیراقێ ، رەوشا عیراقێ ب گشتی دێ بەرەڤ قۆناغەکا زۆر گەشتر بەت و لسەر ئاستێ پەیوەندیێن ھەرێمێ و بەغدا ژی قۆناغەکا نوو و زێرین دێ دەسپێکەت ، ژبەرکۆ سەرۆک بارزانی ھەردەم روولەکێ کاریگەر بۆ پێکئینانا حکومەتێن عیراقێ یێن پشتی رۆخاندنا رۆژێما بەعس کێرایە و فاکتەرێ کۆمکرن و تێکگەھشتنا ئالیێن جودا یێن عیارقی بوویە و ب دەسپێشخەریێَ جەنابێ وی ئاشتەوایی یا سیاسی دناڤبەرا واندا درۆست بوویە .
سەرەدانێن سەرۆک بارزانی بۆ بەغدا دگەل ھندەک سەرکردێن حزبێن دیتر یێن کوردستانێ جوداھی ھەیە ، چونکی سەرۆک بارزانی وەک کەسایەتیەکێ کاریزما و سەرکردەکێ ھەرێمی ، دھێـە دیتن و سەرەدانێن وی بۆ ئاشتەوایی یێ و پاراستنا مافێن خەلکێ کوردستانێ یێن نەتەوی و نشتیمانی و دەستووری و دارشتنا پلانێن دارشتی و درێژخایەن کۆ دخزمەتا مللەتێ وی دا بن ، نەک سەرەدانێن ئەوێن بۆ بۆ دارشتنا پیلان و بەرژەوەندێن تایبەت و حزبی ..! .
پێشبینیێن چاڤدێرێن سیاسی و راگەھاندنا جیھانی و ھەرێمی سەرەدانا سەرۆک بارزانی زۆر ب ئەرێنی دبینن و ب کلیلا چارەسەرکرنا قەیرانا و ڤەژاندنا کوردستانێ و عیراقێ دبینن ژلایێ سیاسی و جڤاکی و ئابووری .
لسەر ئاستێ ھەرێما کوردستانێ ژی ، ئەڤ سەەردانە فاکتەرێن پشتەڤانیەکا بھێزترن بۆ حکومەتا داھاتی یا ھەرێما کوردستانێ ، کۆ برەنگەکێ باشتر و پرنێن خۆ یێن سیاسی و کارگێری و ئابووری بجە بئینیت و ئەز باوەرم لدەمەکێ زۆرێ کورت دا ، سەرۆکێ حکومەتا ھەرێما کوردستانێ ، ب بریار و گاڤێن ئەرێنی یێن د خزمەتا خەلکێ کوردستانێ دا ، دێ رەوشا ھەرێما کوردستانێ بەەرڤ قۆناغەکا زێرین بەت ، ل خۆشکرنا رەوشا تاکێ کورد و ئاڤەدانی و پێشڤەچوونێن ئەم ھزر لێ نەکەین .