سەرۆک و رێبەرێ گەلێ کورد ب هەمی پێوەرێن سیاسی و رێبەراتیێ و جڤاکی و دیبلوماسی ڤە، چ پلە و پایە هەبن یان نە بن، هەر وەکو سەرۆک و مەرجەعێ گە لێ کورد و کوردستانێ یە، سەرەدەری و دان و ستاندن دهێن کرن، ب هە لوێست وبریارێن خۆ ڤە کەسەکی مەزن و ب سەنگە ، چونکی کەسەکێ خەمخور و دڵسوزێ گەلێ خۆیە، سەرکردەیەکێ ولاتپارێز و نشتیمان پەروەرە د تەڤ قوناغێن شورەشگێری و خەباتا سەردەم دا ، پێشمەرگەیەکێ شورشگێر و سەرکردەیەکێ خەباتکارە، هەردەم ئەوی خۆ ل ئازار و خەم و ژانێن گە ل و مللەتی خودان دەرکەتیە، مرۆڤەکێ گران و ئاشتخوازە و نوێنەرێ دوزا گەلێ کوردە و خودان ئاخڤتن و بریارە ، کە سە کێ وێرەک و بهێزە، د هەمی نەخوشی و تەنگاڤیا دا خۆراگرە و دگەل خەلکێ کوردستانێ بوویە، دەست بەردار نابیت ل رویدانێن ناخوش و شکەستنا دا کەسەکێ ل سەر خۆیە و خودان هزر و سیاسەتەکا حەکیمانە یە ، چ جارا خۆ رادەستی دۆژمنان نەکرییە، سەرەدەریەکا باش و ب زانەبوون دگەل هەمی پێشهاتان کرییە و دکەت و خۆ ل ئاستەنگ و گرێکا دەربازدکت ، لەوما هەر کە س حسابێ بۆ دکن و گرنگیێ زۆر پێ ددەن و رێزێ لێ دگرن، خەسلەت و تایبەتمەندیێن وی دئاستەکێ هەری بلند دا دهێنە پێش بەر چاڤکرن ل سەر بنیاتێ وێرەکی و مەزناهی و گرانی یا وی، سەرۆکەکێ خودان رۆل و هەلویست و بریارە و ب رێبەرەکێ کاریزمایی دهێتەهەژمارتن و نیاسین۰

سەرۆک بارزانی د هاوکێشێن سیاسی دا کاریگەریا خۆ هەیە و دبیتە ئەگەرێ راگرتنا بالانسێ و رولەکێ هە ری گرنگ دبینت، چوونا وی بۆ بەغدایێ ب چارەسەریا ئاریشە و کێشەیانە.

باشترین نموونە ژبۆ رۆڵ و کەساتی مەزناتیا سەرۆک بارزانی و هە لوێستێن وێرەک و مەردانە و سەرەدانا وی بۆ بەغدایێ دیارترین نیشانێن پێشڤەبرنا پەیوەندیێن بەغدا دگەل هەرێمێ دچوارچوڤێ وان دیدار و دان و ستاندنان دگەل سەرکردێن حزب و لایەنێنن سیاسیێن عێراقی بێ گومان دێ کارتێکرنێ ژبۆ نەهێلانا ئاڵوزی دلگرانی و پرسێن هلاویستی کەت، رولێ وی یێ گرنکە ژبۆ چارەسەریا هەمی جورە کێشا۰
دە ست پێشخەری و سەرەدانا ئاشتیانە یا سەرۆکی بۆ بەغدایێ جهێ دڵخوشی وگرنگی پیدانا ئالیێن سیاسی یێن عێراقی بووینە و دێ بیتە ئەگەرێ ئارامی و تەناهیێ د ناڤبەرا بەغدا و هەولێرێ دا۰
چوونا بارزانی دەلیلێ هندێ یە هێڤی و ئومێدێن سودبەخش زێدە دکت، چوونا وی بۆ بەغدایێ دێ گەلەک گرێکێن ئاڵوز ڤەکەت، گرنگیا رۆلێ وی د وارێ سیاسی و ئابوری و جڤاکی و ئەمنی و سەربازی دا کلیلا وان هەمی دەریکێن قفل کری ڤە دکەت۰۰بەرەڤ ئاراستەیەکا هەری باش د ناڤبەرا هەولێر و بەغدایێ دا دئاستە کێ بلند دا ۰۰ دهێت چاڤەرێکرن د ئایندە دا
نیشانێن خێروباشیێ دیارببن و پەیوەندیێن ب هێز و ئاشتیانە و ئاسویەکێ گەش دهێت خویاکرن و چاڤەرێکرن۰
ئە ڤ سەرەدان گەلەک گرنگە و دەمەکێ گونجایی و گرنگدا ئەڤە ژی وێ دگەهینت سەرکردەکێ هوسا گران و ب قەدر و د قادا سیاسی دا، سەرۆکێ حزبەکا خودان دیرۆک و پری سەروەری و خودانێ پێگەهەکا زۆرا جەماوەری و د هەلبژاردنێن عێراقێ دا ئێکەم حزب ل سەر ئاستێ عێراقێ و هەروەسا د هەلبژاردنێن کوردستانێ دا ژی ئێکەم و د پلا هەری باش دایە، کورسێن باش ب دەستڤە ئیناینە و خودانێ فراکسیۆنا هەری مەزنە و خودانا ئەڤێ هێز و خەلک و جەماوەرێ مەزنە لەوما سەرکردێن عە رەبا و حزبێن عێراقی و وە لاتێن عە رە بی ب چاڤەکێ مەزن بەرێ خوە دەنێ و رێزێ لێ دگرن، دەولەتێن هەرێمی و ئەورپا و ئەمریکا ژی ب چاڤە کێ مە زن و پایە بلند دبینن و ب کەساتیەکێ مە زن و کاریگەر قەلەم ددەن.
شێوازەکێ گە رم پێشەوازی لێ دهێتە کرن ژ لایێ سەرۆک وەزیرێن عێراقێ (عادل عبدالمهدی ) ڤە وەکو دوستەکێ دێرین ب ڤی رەنگی پەسنا سەرۆکی دکەت و دبێژیت سەرکردەیەکێ خەباتکار و شورشگێر و ئەندازیارێ بنیاتنە رێ عێراقا فیدرال و کەساتیەکێ خودان دیرۆک چارەسەرێ کێشەیان۰
چوونا سەرۆکی ئەگەرێ ب هێزبوونا پەیوەندیان د ناڤبەرا هەرێمێ و عێراقێ دا و سەرەدانا سەرۆکی بۆ بەغدایێ هەلبەت مەزنترین پەیامەبۆ نافخویا کوردستانێ و عێراقێ و وە لاتێن دەردور و جیهانێ۰

بلا ئەم کورد سەر بلند بین ب هەبوونا رێبەرەکێ هوسا نشتیمان پەروەر و کەساتیەکێ وێرەک و خودان بریار و سەرکردەکێ کاریزما و خاک پارێز و جهێ شانازیا مە یە، خەبات و رۆل و سیاسەتا سەرۆکی سەربەرزین و ب هیڤیێن هەری مەزن و بەرەف ئاسویەکێ گەش۰