مەھێن داویێ ژ سالا ( ٢٠١٨ ) و ب ڤەبوونا دەرگەھێن نوی یێن چارەسەرکرنا ئاریشەیێن ھەرێما کوردستانێ نیشانێن ب ھێزێن ھەبونا سیاسەتەکا واقع بینانە و دشێت خو بگونجینیت دگەل ھەر پێشھات و بارودوخەکێ نە خاستى کو ب سەر ھەرێما کوردستانێ دا بھێت ئەڤە ژی ڤەدگەریت بۆ دبلوماسیەتا ب ھێز یا جەنابێ بەرێز ( نێچیرڤان بارزانی ) ژ روویێ پەترولێ و پەیداکرنا ژێدەرێن ئابوری بۆ برێڤەبرنا ھەرێما کوردستانێ و رزگارکرنا خەلکێ ھەرێما کوردستانێ ژ مەترسیا برسیکرنێ سەرەرای وان ھەمی ھەول و بزاڤێن دەولەتێن دەروبەر چ ل سەر ئاستێ ناڤخو ژ دروستکرنا ئاستەنگێن بەرھەم ئینان و ھنارتنا پەترولێ بۆ بازارێن جیھانی یان ل سەر ئاستێ دەرڤە ھەر ژ پێدانا سوزێن بێ بنەما بۆ وان کومپانیێن کارێ وەبەرھینانا نەفتێ ل ھەرێما کوردستانێ دکەن یان پەنابرن بۆ تومارکرنا سکالایان یان ل دادگەھێن نێڤ دەولەتی و ھەرەشەکرن ل گرتنا دەروازەیێن ھنارتنا نەفتا ھەرێما کوردستانێ ئەڤە ھەمی نەبونە ئەگەرێ راوەستاندنا سیاسەتا دەرھینانا فروتنا پەترولا ھەرێمێ گروڤە ژی بۆ وێ چەندێ ب ھیمەت و دبلوماسیەتا سەروکێ حکومەتا ھەرێما کوردستانێ ( نێچیرڤان بارزانی ) پشتی چارەسەرکرنا ئاریشەیێن ھەرێما کوردستانێ دگەل کومپانیا دانا گاز بەردەوام کومپانیا ناڤبری پێنگاڤێن مەزنتر دھاڤێت دبوارێ وەبەرھێنانا پەترولێ دا کو ئەڤرۆکە بەرھەم ئینانا غازا سروشتی ب رێژا ( ٣٠% ) ژ لایێ دانا گاز ڤە ھاتیە زێدەکرن و ددەمەکێ نێزیک دا دێ روژانە بەرھەمێ دانا گاز گەھیتە نێزیکی ( ٩٠٠ ) ملیون پێ سێ جا و ھەروەسا د قوناغێن سەختێن ھەرێما کوردستانێ تێرا دبوری ئیمزاکرنا گرێبەستا بەرھەم ئینانا پەترولێ دناڤبەرا سەروکێ حکومەتا ھەرێما کوردستانێ و کومپانیا نەفت روز کو ئێک ژ مەزنترین کومپانێن روسی و جیھانیە کو وەبەرھینانەکا بەرفرەهـ ل ھەمی وەلاتێن جیھانێ ھەیە سەرەرای وێ ئێکێ کو حکومەتا عەبادی ب ھەمی ھێزا خو بەرھنگاری ئیمزاکرنا ڤێ گرێ بەستێ بوو ، لێ ب ھیمەت و دبلوماسیەتا سەروکێ حکومەتا ھەرێما کوردستانێ ( نێچیرڤان بارزانی ) ئەڤ ھەولە سەر نەگرت بەروڤاژی بۆ ئەگەرێ ب ھێزبوونا پەیوەندیێن ئابوری یێن ھەرێما کوردستانێ و وەلاتێ روسیا ، ب دیتنا من مەھێن داویێ نیشانێن دەرکەفتنا تیروژکێن پاشەروژەکا گەش و دروست بوونا کەش و ھەوایەکێ ئارام و تەنا بۆ ھەرێما کوردستانێ دھەلیتە ڤە لەورا دێ بێژین بژیت زمانێ دانوستاندنێ و لێک تێگەھشتنێ و نەفرەت ل زمانێ توند و تیژیێ بن کو بلا ھەمی دووژمن بزانن مللەتێ کورد مللەتەکێ ئاشتی خوازە و داخازا مافێن خو یێن دستوری دکەت .