سەرۆک بارزانی ئەو کەسێ ب ھێزا کارێزمایا خوڤە شیایی ببیتە مێرسەرێ دیرۆکا مللەتێ کورد. ھەمی گەلێ کوردو نەتەوەیێن جیھانێ ئەڤێ چەندێ باش دزانن. ئەو کەسە کو بوویە رزگار کەرێ نەتەویێن دیتر ژی ل دەلیڤێن بەرتەنگدا بۆ نموونە عێراق کو راستە ئەم کورد بەشەکین ژ عێراقێ، لێ ئەو ب عروبەتێڤە بیابانێڤە دگرێداینە و ئەم ژی بکوردایەتیێ و چیایانڤە دگرێداینە. کوردایەتیا مەژی ب رێبازا بارزانی و پارتیڤە یاگرێدایە. لەورا ب ھەبوونا کەسێن میناکێن وەکە سەرۆکی و لیزانیا وی دوارێ پەیوەندیێن نێڤدەولەتیێن سیاسی و ئابوری و جڤاکی و ھەرێمی دا. ئەو ھەردەم دبیتە فریادرەسێ گەلێ کورد دھەر کاودانەکێ نەچاڤەرێکریدا. ب تایبەت پرسێن نەتەوەی. ئەڤە لسەر ئاستێ ھەرێمی و بگرە لسەر ئاستێ عێراقێ ژی. بۆ نموونە گەر ئەم بپرسن گەل و ئەرێ بوچی ھەر حکومەتەکا نویا عێراقێ بێی ئامادەبوون و پشکداریا بارزانی پێکنەھاتیە؟ بتایبەت پشتی ژناڤچونا دەستھەلاتداریا رژێما بەعسیزما عێراقێ. کو دیرۆک دیدەڤانێ ئەڤێ چەندێ یە. ئەڤە ل ھەمبەری وێ چەندێ کو ھەردەمێ بۆ عەرەبان ھەلکەت دێ پشتا خۆ کەنە کوردان، بتایبەت ئەگەر پشت گەرمیا وان ل وەلاتەکێ وەکو ئیرانێ یان ئەمریکا یان تورکیا ژیدەرێ خۆ وەرگرتبیت. بەلێ دسەر ھندێ راژی ئەو جارەکا دی دزفرن بۆ لێڤەگەرێ کوردان سەرۆک بارزانی و پرس و راوێژێن خۆ پێدکەن و بێی کو ھیچ مەبەستەکا تایبەتا کەسی و حزبایەتی لپشت بیت. ھەردەم دەرگەە بۆ ئالیێن دیترێن عێراقێ ڤەکریە و راوێژ و پرس ب بەردەوامی لێ دھێنەکرن. دبیت ئەڤ چەندەژی دیدەڤانیێ لسەر وان دەربرینێن سه‌رڤه‌ بدەت ئەوێن مە ئاماژە پێکری. بەلێ تشتێ کو پتر جھێ ھێبەتیبوونێ ئەوە ھند ئالیێن حزبی و سیاسیێن ھەرێم دلگرانن ب چوونا بارزانی بو بەغدایێ. هه‌روه‌كو چه‌وا پێشتر ژى ب سه‌ره‌دانێن نێچیرڤان بارزانى سه‌رۆكێ حكومه‌تا هه‌رێمێ كوردستانێ دلگران و ته‌نگاڤ بوون، چونكى به‌رژه‌وه‌ندیا حزبێن دژه‌ پارتى د هندێ دا نینه‌ حكومه‌تا هه‌رێمێ ره‌وشا وه‌لاتیان باشتر بكه‌ت، به‌لكو هه‌رده‌ما خه‌لك نه‌رازى و برسی بن، وى ده‌ما هه‌بوونا وان هه‌یه‌ و ل سه‌ر ئاستێ جه‌ماوه‌رى ئه‌و ل سه‌ر سه‌ر بنه‌مایێ نه‌رازیبوونێ هاتینه‌ درستكرن، له‌ورا ب چێكرنا ره‌وشێ و باشتر كرنا ره‌وشا ئابووریا وه‌لاتییان، ئیدى ئه‌و پارت دێ به‌ره‌ف نه‌مانێ چن، له‌ورا هه‌موو پارتان دڤێت ئەڤێ سەرەدانێ برێکا راگەھاندنا خۆ ب سەرەدانەکا کەسوکی و حزبایەتی بناڤ ببەن. لێ مافێ پارتیە ژی وەکو حزبا ئێکێ ل عێراقێ کو بەرەڤانیێ ل ئێکەمبوونا خو بکەت و به‌ره‌یێ خه‌لكى به‌رنه‌ده‌ت. وە سەلماندنا ئەوێ راستیێ یە کو جەنابێ سەرۆکی لێڤەگه‌ره‌کێ سەرەکیە و خوەدی راوێژەک سیاسی بەرھەمدارە. کو ل دورێن وی کەسێن لێزان ھەنە. ئەڤ ژبلی سەرپشکیا وی د ئەزموندای و لێزانیا جەنابێ وی دوارێ حزبایەتی و کوردایەتیێ دا. عەرب ژی ئەڤێ چەندێ باش دزان کو بریاردەر و لێڤەگەرێ سەرەکی ل ھەرێمێ بتنێ سەرۆک بارزانیە و دیرکەفتنا وی یان نە ئامادە بوونا وی د پروسێسا سیاسیا عێراقێدا . دێ عێراق روب روی گەلەک ئاستەنگێن سیاسی بیت. ئانکو دویر ژ راوێژا جەنابێ وی دێ پروسێسا سیاسیا عێراقێ دگومەکا مەندا راوەستیت و ھیچ بزافەکا بەرەڤ پێشچوونێ بخووڤە ھەمبێزناکەت. ئانکو بارزانی ھەڤسەنگ و پارسەنگا سیاسیا ھەرێمێ و عێراقێ یە. ئەڤجا ھین چەوا دخوین و چەوا دنێرنە ئەڤێ سەرەدانێ ئەو بو ھەوەیە و بو گیرفانێ ھەوەیە. وەلێ ئەم ب نێرینەکا ئایندەئامێز و بەرھەمدار و سەرکەفتیانە ل ب خامەیەکێ زێرین دنڤیسین، چونکی چوون بۆ رێگری کرنێ یە ل ھەر ھزرەکا سیاسیا توندرە و ئەوا کو عەرەبیزم و ھند ئالیگرێن وێ ل ھەرێمی دژی کوردایەتیێ و پارتی کار بۆ دکەن.چوون بۆ ھندێ یە کو جارەکا دی ئەو ھزرا نەھێلانا قەوارێ سیاسیێ ھەرێم نەکەن. بۆ ھندێ یە کو دەستی ل سەروەریا ھەرێمێ نەدەن. بۆ ھندێ یە کو ھەمی کێشەیێن دناڤبەرا ھەرێمێ و بەغدایێ لسەر مێزا دیالۆگێ بھێنە چارەسەرکرن. بۆ ھندێ یە کو مادێ (١٤٠) بھێتە جێ بەجێ کرن. بۆ ھندێ یە کو کەرکوک بزڤریتەڤە باوەشا کوردستانێ. بۆ ھندێ یە کو ھەرێم ھەرێمە و بەغدا ژی بەغدایە. بۆ ھندێ یە کو ئەم کوردین ھین عەرەب، بەلێ مەیا کوتی ئەم برایێن ئێکین و دێ برایێن ئێک بین. لێ برایەتیەک وەکھەڤ. ئەگەر نە دێ بێژینە ھەوە داستانا سحێلا و محمودیێ و پردێ لبیرا وەبیت. بو ھندێ یە کو بێژیت ریفراندومچی لکوردستانێ نە و ئکتوبەرچی ل بەغدانە.