دوای ئەوەی ڕۆژی پێنج شەمە ڕێکەوتی۲۲ی۱۱ی۲۰۱٨سەرۆک بارزانی بەسەردانێکی فەرمی گەیشتە بەغدا و لەسەرئاستێکی باڵا پێشوازی لەسەرۆک بارزانی کرا و ئەوانەی دەیان ووت دەبێ ڕیفراندۆم چیەکان لەبەغدا دادگایی بکرێن،هەرلەبەغدا فەرشی سور بۆ ڕێبەری سەربەخۆ خوازان ڕاخرا،ئەم سەردانە دەنگدانەوەی نێوخۆیی و جیهانیشی بەدوای خۆیداهێنا و بەگرینگ و پڕبایەخ وەسف کرا.

ئەمریکا لەسەرزاری نێردەی تایبەتی سەرۆکی ئەمریکا بۆعێراق و ڕۆژهەڵاتی ناوەڕاست(برێت مکگۆرگ)ڕایگەیاند :"کەئەمریکا خۆشعاڵەبەم سەردانەو پێشوازیشی لێدەکات".
لەلایەکی ترەوە لە ناوخۆی عێراق و بەتایبەت میدیاعێراقیەکان بەگرینگیەوە باسیان لەم سەردانەکرد بۆ ئاسایی بوونەوەی پەیوەندییەکانی نێوان هەولێروبەغدا.

دیدار و کۆبوونەوەکانی سەرۆک بارزانی لەگەڵ سەرکردەعێراقیەکان زیاتر گرینگی سەردانەکەی سەرۆک بارزانی و کاریزمایی سەرۆک بارزانی دەرخست،سەرکردەعێراقیەکان هەریەکەو بەشێوەیەک پێشوازیان لەسەرۆک بارزانی کرد و کاریزمایی سەرۆکیان دووپات کردەوە.

لەوانە سەرۆک وەزیرانی عێراق لەپرێس کۆنفڕانسێکدا( عادل عبدالمهدی)لەوەسفی سەرۆک بارزانیدا گوتی”دەمەوێ بە ئەبو مەسروور و ئەبو هاشم ناوی یەکتر بێنین کە بەڵگەیە لەسەر دۆستایەتییەکی زۆر قووڵ“. جەختیشی لەوە کردەوە کە سەرۆک بارزانی ”تێکۆشەرێکی کۆنە و ڕۆڵی دیاری هەبووە لە ڕووخاندنی دیکتاتۆریەت و کاک مەسعود سەرۆکی هەرێمی کوردستان بووە و کەسێکی دیارە لە ڕووداوە سیاسییەکانی ناوچەکە و جیهاندا"

بۆیە چوونی سەرۆک بارزانی بۆ بەغدا گرینگی زۆری هەیەو لەداهاتوو داگرینگی و بایەخی ئەم سەردانە بۆهەموولایەک ڕۆن دەبێتەوە و بنیات نانی کوردستانێکی بەهێز لەسەردەستی ئەبوو مسرور و حزبەکەی بنیات دەنرێ.