ب بزاڤێن حکومەتا ھەرێمێ ل سالا ۲٠٠۷یاسایا پەترول و غازێ ل پەرلەمانێ کوردستانێ دەرکەفت ئەڤەژی بوو ئەگەرێ ھندێ ھەرێما کردستانێ دەرگەھێ ناڤدەولەتی و وەلاتێن جیھانێ بەرەف وی بھێتەڤەکرن، ژ بەر ھندێ ژی ئەم دبینین پتریا ئەو گھۆرین و پێشکەفتنێن کو لھەرێما کوردستانێ چێبووینە ، پشتی سالا ۲٠٠۷ بوویە، چونکی ئیدی ئەو پەیوەندیا ھەڤالینیا ناڤبەرا کورد و سەرکردەیێن جیھانێ ل سەر بنەمایێ شۆرەش و بەرخوەدانێ درست ببوو، پەیوەندیا بازرگانی و ئابوری ژی ل سەر زێدەبوو، دڤێ خالێ دا ژی ھەرێم ل پێشیا ئیراقێیە، چونکی تا نھا نپەرلەمانێ ئیراقێ نەشیایەیاسایەکا ھەژی و پێدڤی بۆ کەرتێ پترۆلێ دەربێخیت. ھەروەسا پشتی وی دەمی و ل سالا ۲٠۱٤ ل ھەمبەر دژاتیکرنا بەغدا و سیاسەتا برسیکرنا خەلکی ھەرێمێ، نێچیرڤان بارزانی سەرۆکێ حکومەتا ھەرێمێ تەسلیم نەبوو، ل سالا ۲٠۱٥ سەرخەبوونا ئابووری و سەرخەبوونا فرۆتنا پەترولئ راگەھاند، لەورا دبێژم ئەگەر سەرخەبوونا ئابووری نەبا و وی دەمی حکومەتا ھەرێمێ پەترول تەسلیمی بەغدا کربا، ئەو نیڤ مووچەژی ب زەحمەت دا ھەبیت و خەلکێ ھەرێمێ دا کەڤیتە کارەساتەکا مرۆڤیدا، کەواتە تاکە رێکا مان و ب ھێز بوونا ھەرێما کوردستانێ ژلایێ ئابووریڤە سیاسەتا پەترول و غازێ بوویە، چنکی ئەوا د ھزر و پلانا بەغدا دا بوو ئەو بوو کە ھەرێم ب ئێجاری تەسلیمی بەغدا ببیت، ئەو پلان سەر نەگرت و سەرەرای گەلەک سکالایێن بەغدا و چێکرنا ئاریشان ل سەر ئاستێ ناڤدەولەتی ل ھەمبەر فرۆتنا پەترۆلێ، لێ ئەو پروسە بەردەوام بوو و نھا بوویە ژێدەرێ داھاتێ ھەرێما کوردستانێ. د رەوشێن ئالۆز دا گەلەک کۆمپانییان باوەری دا ھەرێمێ و حکومەت شیا وێ متمانێ ل دەف وان درست بکەت کو ھەرێما کوردستانێ د ئارامیەکێ دا یە کو دوورە ژ وێ رەوشا ئالۆز و نالەبارا ئیراقێ، سەرەرای سالێندرێژێن کارکرنا دانەگاز ل کێلگەھێن پترۆلێن ھەرێمێ، ل سالا ۲٠۱۳ ئاریشە دناڤبەرا کۆمپانیا دانەگاز و حکومەتا ھەرێمێ چێبوو، سکالایا دانە گاز ل دادگەھەکا نێڤ دەولەتی بارێ حکومەتا ھەرێمێ گرانتر کر و ھەرێم ب دوو ملیار دولاران ھاتە سزادان، لێ گەلەک ب سەر وێ رودانێ نەچوو، جاردن نێچیرڤان بارزانی رێکەفتنەکا دی ل گەل دانەگاز کر، ب وێ رێکەفتنێ دانەگاز د قەرێن مایی خۆشبوو و زڤریڤە کارکرن د ناڤا کێلگەھێن خورمول و چەمچەمال، ژ ھەموویان گرنگتر، ل سالا ۲٠۱۷ و پشتی رودانێن شازدەی ئکتۆبەرێ کو مەترسی ل سەر قەوارەیێ ھەرێمێ ھەبوو، نیچیرڤان بارزانی ل کۆنگرا سانپترسبۆرگ مەزنترین رێکەفتن دگەل کۆمپانیا رۆزنەفتیا روسی ل دۆر کەرتێ غازا سروشتی ئیمزکر، نھاژی دھێتە گۆتن کو ھەرێما کوردستانێ دکاریت بۆ سالا ۲٠۲۲ ب رێژەیا ٥٪ پێدڤیا ھەموو ئەوروپا ژ روویێ غازا سروشتیڤە دابین بکەت