ل گەرا چوویی یا حکومەتا ھەرێما کوردستانێ خویا بوو کو حکومەتا بنکە فروان شکەست ئینا و وەکو پێتڤی ئالیێن سیاسی یێن پشکدار دکابینا ھەشتێ دا ژبلی پارتی دیموکاتی کوردستان، ئالیێن دیتر رولەکێ ئەرێنی و بەرچاڤ نەگێرا ژبەر کو ژلایەکی بۆ جارا ئێکێ بۆ ئوپزسیوون پشکداریێ دحکوومەتێ دا بکەت و ژلایەک دیتر بەشداربوون دحکومەتێ دا و دگەلدا ژی رولێ ئوپزسیوونێ دگێرا ل داویێ ژی وان ئالیان خۆ ڤەکێشا دحکومەتا بنکە فروان دا دگەل وێ ئێکێ بوون کو ھەرێما کوردستانێ ب ھەمی ئاواھیان شکەستنێ بینیت و دیار بوو دەمێ وان ئالیان دورشم بلند دکرین و دگوت بروخێت حکومەت و ئێرش دبرنە سەر ئاڤاھیێن پارتی ب ئەجندایێن دەرەکی .
ئاشکرایە ژی ل پێنچ سالێن بووری ، سالێن بەرەڤانیێ ژ کوردستانێ و بەرسینکگرتنا وان ھەموو پیلان و ھەرەشێن پرکێشە بوو ، کو ژ ناڤخۆ و دەرڤە گەڤ بوون ل سەر کوردستانێ و قەوارێ وێ یێ سیاسی و کاروانێ گەشەپێدان و پێشکەڤتنا وێ راگرت ، پارتی دیموکراتی کوردستان وەکو بەرسف بوو وان گاڤان وەک ھەرجار پشکا مەزن بەرکەفت، ب پشتەڤانیا خوینا گەشا شەھیدان و پێشمەرگێن قارەمان و دلسوزێن گەل و وەلاتی ، بەرەنگاریا شەرخوازی و پیلانان بوو ، زێدەباری رەوشا نەھاریکار چاڤپوشیا نافخوویی ، پارتی خۆ لبەر ڤان کێشا نەچەماند ھەتا کو کوردستان و قەوارێ وێ یێ دەستووری و دۆز و داخازیێن گەلێ کوردستانێ یێن رەوا ب زیندی ھێلایین و پیلانێن شەرخوازی و خیانەتکاریێ شکەستن ئینایی ب کارێزماھیا نێچیرڤان بارزانی سەروکێ حکومەتا ھەرێما کوردستانێ کو بۆ ئەگەرێ سەرکەڤتن و پاراستنا ھەرێما کوردستانێ ژ ھەمی ئالیەکی ڤە، سەرباری ئەو ھەمی گرفت و قەیرانێن مەزن و ترسناک لھەمبەری حکومەت و ھەرێما کوردستانێ ھاتبوونە رۆژەڤێ، مینا شەرێ تیرورستێن داعشێ و ھەژمارا زۆرا ئاوارێن قەستا پارێزگەھێن ھەرێمێ کری و قەیرانا دارایی نەدانا مووچە و بودجێ ھەرێمێ و ململانێ یا سیاسی دگەل حکومەتا ناڤەندی و گرتنا سنوور و فروکەخانەیێن ھەرێمێ و گەلەک ئاستەنگ و بەربەستێن دیترێن کەڤتنە ھەمبەر کابینا بووری لێ ب سەرەدەریەکا گونجایی و حەکیمانەیا سەروکێ حکومەتێ لگەل وان ھەمی گرێ و بەربەستان خەلکێ ھەرێما کوردستانێ ژ وان قوناغان رزگارکر.
ئاشکرایە ژی پشتی کو ل ٣٠ / ٩ / ٢٠١٨ ھەرلبژارتنێن ھەرێما کوردستانێ برێڤەچووین و ئەنجام ھاتینە راگەھاندن و پەسەندکرن ژبال جڤاتا بلندا کومسیونێ و دادوەریا کوردستانێ، پارتی دیموکراتی کوردستان رێژا ٤٥ کورسیێن پەرلەمانی بدەست خستین و بوویە سەرکەڤتیا ئێکێ و ل ھەلبژارتنێن چوویی یێن پەرلەمانێ عیراقێ ل ٢٥ گولانێ ژی پارتی دیموکراتی کوردستان پارتا ئێکێ بوویە لسەر ئاستێ عیراقێ ژ رێژا بدەست ڤەئینانا کورسیان .
دنھادا ئالیێن سیاسی د دانوستاندنادانە پێخەمەت پێکئینانا کابینا نەھێ یا حکومەتا ھەرێما کوردستانێ کو ئومێدە وارین ل نزیک بگەھنە رێککەڤتنێ ژ پێخەمەت پێک ئینانا کابینەکا بھێز، کو بنیاتنانا کوردستانەکا بھێز دروشمێ پارتا سەرکەڤتیا ئێکێ بوویە و پێشبینیا مە ئەوە کو پروژە و دەسکەڤتێن مەزنتر و بھادارتر بھێنە ئەنجامدان ھەم ژ ئالیێ سیاسی و ئابووری و دھەموو سکتەراندا گاڤێن ھەژی دێ ھێن ھەلاندن ب تایبەت دگەل حکومەتا ناڤەندی و دگەل وەلاتێن ھەڤسوو وجیھانێ، ھیڤیا ھەڤوەلاتیێن ڤێ ھەرێمێ ژی ئەوە کو کابینا نەھێ یا حکومەتا ھەرێما کوردستانێ د ئاستەکێ پێتڤی دابیت بۆ پتر خوشکرنا بارێ ئابووری و ژین و ژیارا خەلکێ کوردستانێ ئومێدەوارین ژ ھەمی لایەنێن سیاسی یێن کوردستانێ کو پالپشت و بەرەڤان بن بۆ ڤێ کابینێ پێخەمەت وێ چەندێ جارەک دن ھەڤوەلاتیێن مە نەبێژن بروخێت حکومەت.