راگەهاندنا سەربەخوویا ئابوری ژ لایێ نێچێرڤان بارزانی سەرۆکێ حکومەتا هەرێما کوردستانێ ڤە د دەمێ راگەهاندنا وێ دا توشی گەلەک رەخنەیان بوو، ب بهانەیا هندێ سیاسەتەکا خەلەتە و دێ هەرێما کوردستانێ بەرەڤ لێڤێن دەریایەکا تاری بەت و نقووم بیت، ئەڤەژی د دەمەکی دا بوو کو کوردستان د نەخوشترین کاودانێن سیاسی، یابوری، ئێمناهی، لێکترازانا ناڤخوویی دا بوو، لەورا راگەهاندنا وێ سیاسەتێ و دیسان مورکرنا گرێبەستێن زەبەلاح دگەل مەزنە کومپانیێن پەترولێ ل جیهانێ د چوڤێ بەرپرسێن ئیراقی و دیسان ناڤخوویی کو دژی سیاسەتا سەرۆکوەزیران بوون ب مەزنترین خەلەتی ل قەلەم ددان.
سەرەرای وێ پیشکەفتناب لەز یا ل هەرێما کوردستانێ درستدبووی لێ ل سەر ئاستێ نێڤدەولەتی کەسێ نەدزانی کوردستان د کەڤیتە کیڤە، لێ پەسەندکرنا یاسایا وەبەرهێنان و دیسان نەفت و غازێ ل پەرلەمانێ کوردستانێ بو ئەگەر هەرێم بچیتە دناڤا پێشبێرکێین جیهانی دا د وارێ پەترولێ دا، سیاسەتا سەرکەفتی یا سەرۆکوەزیران کو ل هەموو ئاسانکاری ژ بو هاتنا کومپانیێن زەبەلاحێن جیهانی کرین ژ بو هندێ بەرێوان بکەڤیتە هەولێرێ بوو ئەگەر د دەمێ چەند سالێن کێم دا ئێدی هەرێم ببیتە ناڤەکێ دیار ل سەر نەخشەیا جیهانی بو گرێبەستێن پەترول و غازێ، د نهادا چاڤێ هەمی کومپانیێن جیهانی ل سەر هەرێما کوردستانێ نە د دەمەکی دا کو ناڤێ ئیراقێ ئێدی ب یێ هەرێمە ڤە دهێتە گرێدان ئەگەر نە بوچی ئەو کومپانیێن زەبەلائێن جیهانی مینا دانا گاز و گاز پروم و گەلەکێن دی هەڤریکیێ ل سەر وەرگرتنا گرێنەستێن پەترولا باژارێن دی یێن ئیراقێ ناکەن؟
چێکرنا بوریا ڤەگوهاستنا پەترولێ ژ بۆ بەندەرێ جیهان کو ل سالا ٢٠١٣ ب داوی هات بەلگەیەکێ دی یێ سەرکەفتنا سیاسەتا ئابوری یا سەرۆکێ حکومەتێ بوو کو د نهادا دەرەنجامێن وێ یێن ئەرینی دەر دکەڤن، پشتی سەپاندنا سزایێن ئەمریکا ل سەر ئیراقێ، تاکە رێیا بەغدا بو هنارتنا پەترولا کەرکووکێ کو ئێک ژ گنگترین وان باژارێن ئیراقێ یە یێن بەغدا پشتا خوە پێگەرم دکەت ژ لایێ پەترولێ ڤە، بووریا هەرێما کوردستانێ یە، ئەڤەژی بوویە ئەگەرەک کو ئیراق ژ سزایێن ئەمریکا ل سەر ئیرانێ به‌یت پاراستن و دەرەنجامێن وێ ژی د مەزلەۆەتا هەرێما کوردستانێ دایە، د دەمەکی دا پشطی روودانێن سازدەی ئوکتوبەرێ ئێک ژ داخازیێن هەرێمێ ئەو بو پەترولا کەرکووکێ ب رێیا بوریێن هەرێمێ بو بەندەرێ جەیهان بهێت هنارتن لێ بەغدا رازینەدبوو و د نهادا کەتە د ژیواری دا و د بەرژەوەندا هەرێمێ دا سحبەت ب داوی هات.
گەلەک وەلات کەفتینە د قەیران و ئالوزیان دا و کێم جارا سەرکردەیێن وان وەلاتان شیاینە ملەتێ خوە پاریزن کو ناڤێ وان ب تلێن دەستان دهێنە هژمارتن، د نهادا ناڤێ هەرێما کوردستانێ ب یێ نێچێرڤان بارزانی ڤە دهێتە گرێدان ژ بەرکو پشطی رادەستکرنا دەستەلاتێن سەرۆکێ هەرێمێ ل سەر حکومەت و پەرلەمانی دا بارێ سەرۆک وەزیران گران بوو د دەمەکی دا هەرێم ل بەر لێڤێن کەفتنێ بوو، لێ سیاسەتا وی یا ئابوری و دپلۆماسی شێا ناڤێ هەرێمێ د نەخشەییی ئابوری و سیاسی یێ جیهانێ دا بنلد تر لێ بکەت
.