هەر وەلاتەکێ بهێز یان بێ هێز ل دنیایێ د رۆژێن سەخت و دژوار دا بوورینە و هندەک ژوان وەلاتان شیاینە خوە ل بەر کاودانێن دژوار بگرن هندەک ژی هەر ل دەستپێکێ نەشیاینە و بووینە مەیدانا شەر و ئالۆزیان و ئەڤ نموونەژی ل رۆژهەلاتا ناڤین گەلەک ب باشی دهێنە دیتن. هەریما کوردستانێ ئەو بەشێ دیار ل هەموو جیهانێ ژ کاودانێن دژوارێن رۆژهەلاتا ناڤین یا بێبەهر نەبوو ب تایبەت ل سالانێن ٢٠١٤ تا ٢٠١٧ دشێین بێژین ژیان پێنجی ژ سەدی ل هەمی واران دا هاتە راوەستاندن، لێ ئەگەر پرسیار بکەین چەوا ژیان و ناڤێ ڤێ هەرێمێ وەک جاران ڤەگەریا و چەوا ل هەمبەر هەمی ئاستەنگان ب سەرکەفت؟
ئەو گەشەندنا ئابوری و یاڤەدانیێ یا ل پشتی ٢٠٠٣ ل هەرێما کوردستانی هاتی دیتن ببو جهێ سەرنجا هەموو جیهانێ، پشتی ٢٠١٤ ئەڤ هەرێمە کەتە د بیرەکا کیر و تاریدا و پێشبینی بو هندێ د چوون ب چ رەنگان ئەو ناڤ و ئاڤەدانی و پێشکەفتن نەمینن، ئەڤ بارگرانیە و ئەرکێ گران بوو حکومەتێ دکەت، ل دەستپێکێ ئالۆزبوونەک کەتە د وێ حکومەتێ دا ژبەرکو ژ هەمی لایان ڤە دورپێچ کەتە سەر و کاودان د بەرژەوەندا وێ دا نەبوون، لێ پرۆژەیێ چاکسازیێ ژ کارێن دەستپێکی یێن وێ حکومەتێ بوو دیسان کێمکرنا خەرجیێن وەزارەتان و راوەستاندنا پرۆژەیێن ستراتیژی و کێمکرنا موچەیێن فەرمانبەران هەرچەندە زیان ب وەلاتیان کەت لێ بو رزگاربوون ژ وان کاودانان ئەو ژی چارەسەریەک بوو. بەغدا ئەو کاودان بۆ خوە ب دەلیڤە دیتن بو شکاندنا سەروەریا کوردستانێ لێ خوشبەختانە سیاسەتا سەرۆکوەزیرێن هەرێمێ شیا بێی خو رادەستکرن ژ بۆ داخوازیێن بەغدا هەرێمێ ژ هەموو پیلانان ب پاریزیت، نموونە ژی بێی رادەستکرنا هەموو هەموو داهات و دەستەلاتا فروکخانەیان و دیسان دەریێن سنوری بەغدا نەچاری دانوستاندنان بکەت، نە گرتنا دەریێن سنوری ب تایبەت ژ لایێ وەلاتێ تورکیا ڤە مەزنترین سەرکەفتنا سیاسەتا سەرۆکوەزیران بوو یا د سالێن بوری دا د سیاسەتا خوە یا ئابوری و بازرگانی دا تومارکری، شکەستنا ئیراقی ژ بۆ ڤەکرنا دەریەکێ دی یێ سنوری ل جهێ دەریێ ئیبراهیم خەلیل دگەل تورکیا سەرکەفتنەکا دی یا مەزنا سیاسەتا هەرێمێ بو دگەل وەلاتێن جیران، دگەل باشبوونا رەوشێ ئەولەویەتا حکومەتێ بوو نەهێلانا پاشکەفتا موچەیی و خوشکرنا ژیانا وەلاتیان د نهادا رێژەیا پاشکەفتا موچەیی گەلەک کێمبوویە و ل گورەی گوتنێن حکومەتێ د سالا نوودا ئەو پاشکەفت نامینیت ئەڤەژی وان راستیا د سەلمینیت یێن د دەمێ قەیرانێ و رۆژێن دژوار دا سەرۆکێ حکومەتێ سوزا نەهێلانا پاشکەفتی ددا و د نهادا یێ دچیتە د وارێ ب جهئینانێ دا، دەستپێکرنا پرۆژەیێن ستراتیژی و خزمەتگوزاری ئاماژەیەکا روونن حکومەت خەما وەلاتیان دایە ، ڤەکرنا تونێلا زاخو ژ وان پرۆیان بوو یێن د خەونا هەر کوردەکی دا بوون ب تایبەت خەلکێ دەڤەرا زاخو دهۆکێ، دانانا دیوارەکی کو ب بریارا راستەوخو یا نێچێرڤان بارزانی ل سەر ریبارێ هشکەرو ل دهۆکێ کو دێ بیتە ئەگەرەک ئێدی ئەو مالێن ل سەر ریباری توشی زیانێن لەهیان نەبن ئاماژەیەکا دیارن ژ بو گرنگیدانا وی ب خوشکرنا ژیانان وەلاتیان.
بووچی د ڤان کاودانان دا دوبارە نێچێرڤان بارزانی سەرۆکاتیا حکومەتا چار سالێن داهاتی یا هەرێمێ نەکەت د دەمەکی دا هەرێم ژ مەزنترین مەترسیا ژ ناڤچوونا سیاسی و ئابوری و ئێمناهی و سەروەریێ پاراستی و هەموو وەلاتێن زلهیز شەهدەی ل سەر ڤێ چەندێ ب ئاشکرای دا و پشتەڤانیا خوە د سەخترین رۆژێن دەستەلاتا خوە بو حکومەتا نێچیرڤان بارزانی دیارکر، دیسان هەولێن وی یێن بەردەوام بو ئێکرێزیا ناڤمالا کوردی ئەگەرەکێ دییە کو پشتەڤانیێ بو چار سالێن داهاتی یێن حکومەتا وی بکەین.