نێچیرڤان بارزانى كارێزما و هه‌لوه‌ست
شێرزاد نوورى
پشتى وان هه‌موو قه‌یرانان یێن حكومه‌تا هه‌رێمێ كه‌فتیێ ئێدى ل هه‌رێما كوردستانێ بریار رێفراندۆما سه‌رخوه‌بوونا كوردستانێ هاته دان، ڤێ بریارێ ژى هه‌موو وه‌لاتیێن جیهانێ خستنه د ئاستێ نه‌ره‌حه‌تیێ دا ب تایبه‌ت ژى ئیراق و وه‌لاتێن جیران مینا توركیا و ئیرانێ كو بۆ جهێ مه‌ترسیێ لده‌ڤ وان ئه‌گه‌ر هاتوو ده‌وه‌له‌ته‌كا كوردى یا بهێز بهێته دامه‌زراندن، دێ كارتێكرنه‌كا مه‌زن ل سه‌ر پێگه‌هێ سه‌ربازى و سیاسى و ئابۆرێ وان بیت، له‌ورا هه‌ر زوو ئیراقێ بریارا دوورپێچان ل سه‌ر هه‌رێما كوردستانێ دا و فرۆكخانه‌یێن هه‌ولێر و سلێمانیێ هاته راگرتن، وه‌لاتێ ئیرانێ ژى ده‌ریێ خوه‌یێن سنۆرى دریێ هه‌رێمێ دا داخست و توركیا ژى هه‌موو په‌یوه‌ندیێن خوه دگه‌ل حكومه‌تا هه‌رێمێ بڕین و گه‌ڤێن گرتنا ده‌ریێن سنۆرى ژى كرن، لڤێرێ دبلۆماسیه‌تێ رۆلێ خوه گێرا نێچیرڤان بارزانى جودا ژ هێزركرنا وان و سیاسه‌تا وان یا گه‌ڤ و هێرشكرنێ، ده‌ست بكارێ دبلۆماسیه‌تێ و خورتكرنا په‌یوه‌ندیان كر، ئێكه‌م سه‌ره‌دانا خوه‌ژى بۆ وه‌لاتێ فره‌نسا ده‌ستپێكر و سه‌رۆكێ فره‌نسا گاڤا نێچیرڤان بارزانى ب گاڤه‌كا دبلۆماسى و سه‌ركه‌فتى ناڤكر رێك بوو بۆ هاته‌ڤهكرن كو سه‌ره‌دانا به‌غدایێ بكه‌ت و په‌یوه‌ندیان دگه‌ل حكومه‌تا ئیراقێ خوه‌شبكه‌ت، لدووڤدا سه‌رۆكوه‌زیر سه‌ره‌دانا وه‌لاتێ ئیرانى ژى كر و دگه‌ل مه‌زنه به‌رپرسێن وى وه‌لاتى كۆمبوو وى وه‌لاتى ژى ب هه‌موو ره‌نگه‌كى هاریكاریا خوه بۆ سه‌رۆكوه‌زیرێ هه‌رێمێ دیاركر، ژماره‌كا زۆر یا وه‌لاتێ ئه‌ورۆپى و ویلایه‌تێن ئێكگرتى یێن ئه‌مریكا پێشوازى ل گاڤا نێچیرڤان بارزانى كر و ب سه‌رۆكوه‌زیرێن چاره‌كرنا كێشه‌یان ناڤكر، ب كارێزما نێچیرڤان بارزانى و ب گڤاشێن وه‌لاتێ فره‌نسا هه‌موو دوورپێچێن ل سه‌ر هه‌رێما كوردستانێ هاتنه راكرن، وه‌لاتێ ئیرانێ ژى ئێدى گۆهداریا بریارا ئیراقێ نه‌كر و هه‌رزوو ب په‌شمانى ڤه ده‌ریێن خوه‌یێن سنۆرى هه‌مبه‌رى هه‌رێما كوردستانێ ڤه‌كرن و ئێدى په‌یوه‌ندیێن بازرگانى و ئابوورى و سیاسى به‌ره‌ڤ باشتربوونێ چوون،زێده‌بارى نه‌رازیبوونا وه‌لاتێ توركیا ل سه‌ر رێفراندۆما هه‌رێما كوردستانێ لێ بزاڤێن دبلۆماتكارى هه‌موو په‌یوه‌ندى ئاسایكرنه ڤه و پشتى ره‌جه‌ب ته‌یب ئه‌ردۆگان دوباره بوویه سه‌رۆككۆمارێ توركیا ب فه‌رمى نێچیرڤان بارزانى داخوازكر پشكدارى رێوره‌سمێن سووندخوارنا وى بیت ئه‌ڤه‌ژى گاڤا هه‌رى باشبوو كو ئێدى هه‌موو وه‌لاتێن جیران سه‌ره‌ده‌ریا جاران و وه‌كو سه‌رۆك وه‌زیرێن وه‌لاتان پێشوازیێ ل نێچیرڤان بارزانى بكه‌ن.
سه‌ره‌راى ڤان هه‌موو بزاڤان و خوه‌شكرنا په‌یوه‌ندیان، وه‌لاتێ ئه‌مریكا به‌رێ بنیاتى بۆ مه‌زنترین كونسلخانه‌یا خوه ل سه‌ر ئاستێ جیهانێ ل هه‌ولێرێ دانا، ئه‌ڤ وێ چه‌ندێ دگه‌هیت كو هه‌رێمێ ژنها وێڤه دێ پێگه‌هه‌كێ هه‌رى گرنگ ل جیهانێ هه‌بیت و ئه‌مریكا دێ به‌رده‌وامبیت ل سه‌ر پشته‌ڤانیكرنا كوردستانێ، دنها دا ژى هه‌ولێر بوویه ناڤه‌نده‌كا گرنگ یا هاتنا شاندێنبیانى و كۆمپانیێن بازرگانى یێن جیهانێ ژبه‌ر ڤێ چه‌ندێ ئه‌م گه‌له‌ك گه‌شبینین ب خوه‌شكرنا ره‌وشا هه‌رێمێ گه‌له‌ك ژ جاران خوه‌شتر و هه‌ولێر دبیته نمونه‌یه‌كا پێكڤه ژیان و ئاڤه‌دانی و بازرگانیێ ل هه‌موو جیهانێ.
