گۆمان تێدا نینە کو شورەشا گەلێ سوریێ دەست پێکەک بوو ژبو قوناغەکا مەزنا گوھورینێ ل تەڤایا دەڤەرێ و گرنکیا ئەفێ شورەشێ بو مللەتێ کوردێ بێ ناسنامە ل روژئاڤا دەلیڤەکا زورا مەزن بوو کو کورد ب ئێکگرتنەک نەتەوەبێ دژی رژێما سوریێ ھەر چ نەبیت ب ماڤێن خویێن دەست پێکی شاد بیت بەلێ دیارە دورست بوونا گروپێن چەکداری ب ناڤێن جودا جودا روژ بۆ روژێ ھێڤیێن مللەتێ کورد ل روژئاڤا بن ئاخ کرن نەخاسمە پشتی کو بەشەک ژ کوردان چوینە د بەرەیێ رژیمێ دا و ھەر زوی دەنگێن ئازاد ژنافبرن نەخاسمە پشتی کوشتن و گرتنا ب دەھان گەنجێن کوردان ژلایێ کوردان بخو ڤە ئەھا ل وی دەمی بەرێز نێچیرڤان بارزانی داخواز ژ دەست ھەلادارێن روژئاڤا کر کو خو ژ ئایدولوژیەتا توندا پککێ دوربێخن و چ بەھانەیا بو وەلاتێ تورکیا نەھێلن کو مایتێکرنێ ل کاروبارێن واندا بکت لێ بەداخەوە نە پەککێ و نەژی ئەو گروپێن ل روژئاڤا نەشیاین ھو قورتال بکن ژ ڤێ ئایدولوژیەتێ و ئەڤ چەندە بو ھوکارێ ژ دەست دانا عفرین و نوکە ژی کەف و مەترسی ل سەر کوبانێ ھەنە وژبلی وێ ب سەدان گەنجێن کورد ھاتن شەھیدکرن ژ ئەنجامێ سیاسەتەکا خراب ل روژئاڤا ..
نێچیرڤان بارزانی سەرۆکێ حکومەتا ھەرێما کوردستانێ سێ سالان بەری نھا د پانێلەکێ دا ل زانکۆیا ئەمریکی ل دھۆکێ راگەھاندبوو: ئەگەر دەستھەلاتا رۆژئاڤایێ کوردستانێ خوە ژ سیاسەت و ئایدۆلۆژیا پەکەکێ قورتال نەکەت، تورکیا دێ ڤێ یەکێ کەتە بەھانەیەک و ھێرشی رۆژئاڤا کەت.
وی دەمی حزبێن رۆژئاڤا وەکو پەیەدە گەلەک دژی ڤێ گۆتنا نێچیرڤان بارزانی راوەستان، لێ نھا ئەڤ گۆتنا نێچیرڤان بارزانی راست دەرکەت. ئەڤرۆ ژی ئالدار خەلیل ھەڤسەرۆکێ دەستەیا جێبەجێکار یا تەڤدەمێ (حکومەتا رۆژئاڤا) دبێژیت؛ کورد پێدڤی ب بەستنا کۆنگرا نەتەوینە.
ئەڤرو ژی درەنگ نینە دەستھەلاتدارێن روژئاڤا پێداچوونا سیاسەتا خو بکن و ئەوان راوێژ و بوچونێن بارزانی پێش چاڤ وەربگرن چونگە ژ داخویانیێن زوربەیێ بەرپرسێن وان دیارە رەوشا روژئاڤا ئالوز دبیت و داخوازا کونگره‌یێ نەتەوەیێ كورد دکن .
ل ڤر دیتنا من باشترین دەلیڤەیە بو تەڤایا ھێزێن کوردی لگور ئێک ستراتیژیەت کوم ڤەبن و ئیدی بەرژوەندا بلندا خەلکێ کوردستانێ ل ھەر چوار پارچان پێش چاڤ وەربگرن و پێدڤی یە ل سەر سیاسەمەدارێن کورد خواندنا و شروڤەیەکا دورست بو وان گورانکاریان بکن یێن ل روژھەلاتا ناڤەراست دورست ببن و وان ھەمی پرۆژان بخوینن یێن ل دەڤەرێ ھەین و خالێن ھێزێ و لاوازیا خو دەست نیشان بکن بۆ ھندێ ئەزمونا کوردان نەکەڤت لبن مەترسین مەزنتر و ل ڤێرە ئەڤ گۆتنا بەرێز بارزانی ب دیتنا من خواندنەک لوژیکی بوویە و دێ جھێ مفایێ بیت

* سەرۆکێ کومەلا ئەکادیمیێن زانستێن سیاسی- دھۆک