ل ساڵا دەربازبوویی ل رێکەڤتی(۲۰۱۸/۱۰/۲٦)ێ ل سپێدێ هێزێن عێراقی و هێزێن حەشدا شەعبی، هەڤکاری دگەل سۆپایێن بیانی یێن داگیرکەر سۆپایێ پاسدارێن ئیرانێ و حزب اللە لوبنانی، ب سەرپەرشتیا هادی عامری و ئەبو مەهدی موهەندیس هێرشەکا بەرفرەهـ کرە سەر هێزێن پێشمەرگەیی ل میحوەرێ ڕۆژئاڤایێ دیجلە، تایبەت ل دەڤەرێن عەین عوێز و مەحمودیە و سحێلا .. دەستپێکێ هێرش ب توپبارانکرنێ دەستپێکر.

پێشمەرگێن قەهرەمان و پێشمەرگێن پارتی و بارزانی ب مۆرالەکا بەرزڤە و ب ڕووحیەتا بڵند و ب وێرەکانە بەرسڤا هێرشا حەشدا شەعبی و داگیرکەران دا، د ڤی شەری دا پێشمەرگەیی ب باوەری و عەقیدەڤە بەرەڤانی ژ خاک و گەلێ کوردستانێ کر؛ سینگێن خۆ کرنە قەلغان و پەرژان و خۆ نەچەماند، تەڤ دۆژمن و گەلێن جیهانێ ژی دزانن پێشمەرگە خودان چ جورە چەکە و ب چ چەکی شەر کر و بەرەڤانیکر و سەرکەڤتن ژی.

وەکی دهێت زانین ئەڤ هێرش درێژە پێدەرا پلانا ۱٦ی ئۆکتوبەرێ یە؛ درێژە پێدەرا هێرشا ۲۰ی ئۆکتوبەرێ بوو، بۆ سەر هێزێن پێشمەرگەیی، کو دوێ هێرشێ دا هێزێن عێراقی و حەشد و هەڤالبەندێن وێ تووشی شکەستنەکا مەزن ببوون، گەلەک کۆشتی و بریندار دابوون، هێزێن عێراقی و حەشدێ پشتی شکەستنا پردێ و گەلەک ژوان و هندەک هێزێن دنێن وان و دگەل چەند یەکەیەکێن پاسدارا بەرێ خودانە میحوەرێ ڕۆژئاڤایێ دیجلە، ب هێزەکا پری چەکێن گران و ناڤنجی و چەکێن پێشکەفتیێن ئەمریکی ..

هەلبەت ئەڤێ هێرشێ ژی هندەک ئارمانج هەبووینە؛ مینا داگیرکرنا(سێگوشا فیشخابوور) ب جهەکێ ستراتیژی و گرنکە و دناڤبەرا سێ وەلاتان دایە و ب داگیرکرنا وێ سێ پارچێن کوردستانێ ژێک دوور دکەت؛ هەروەسا یا گرنکتر ژێ گرتنا ڕێکا هنارتنا نەفتا کەرکوکێ و هەرێما کوردستانێ یە بۆ بەندەرێ جەیهان ل تورکیا.. واتە ئارمانج ژێ تشتەک نەمینیت ب ناڤێ کوردستان.
پێشمەرگێن قەهرەمان ب هەمی هێز و شیان و باوەری ڤە ڕێ ل بەر ڤێ هێرشێ گرت، سەنگەر نەبەردان و پاراستن و خۆ نەچەماند، پێشمەرگەی دربەکێ بهێز ل دوژمن و داگیرکەران دا و خەون و ئارمانجێت وان بن گورکرن، پێشمەرگەی داستانەکا دی یا دیرۆکی توومارکر.
پێشمەرگەیی ب دەهان تانک و زریپۆش و هەمەر و ئوتۆمبێلێن سەرزبازیێن داگیرکەرا و دۆژمنا ژناڤبرن و سۆتن، ب سەدان کەس ژ هێزێن عێراقی و حەشدێ و پاسداران هاتنە کۆشتن و بریندارکرن، لاشێن وان ب بارهەلگر و فرۆکان هاتنە ڤەگوهازتن بۆ نەخوشخانا و ژێریا عێراقێ، پێشمەرگێن قەهرەمانێن پارتی و بارزانی دەرس و وانەیەکا تووند و نە ژبیرکری نیشا دۆژمن و داگیرکەرێن کورد و کوردستانێ دا.
پێشمەرگەیی سەلماند و دووپاتکر بۆ هەمی دۆژمنێن کوردستانێ و گەلێن جیهانێ، پێشمەرگە خودان بیر و باوەرە و لسەر ڕێکا ڕاستە، پێشمەرگە بوستەکێ ژی ژ خاکا کوردستانێ بەرنادەت و پاشڤە زڤرینێ ناکەت، پێشمەرگەیان بەرخودانی و بەرەڤانی و قەهرەمانی و سەرکەڤتنەکا دیرۆکیا بێ وێنە و مەزن توومارکر..هەلبەت شەر ژی و سەرکەفتنێن مەزنێن شەری ژی بێ قوربانی و شەهید نابن، د ڤی شەرێ مانا کوردستانێ دا چەندین پێشمەرگە و فەرماندێن پێشمەرگەیان شەهید بوون، ژ وان شەهید(وەحید باکوزی) بەرپرسێ لەقا پارتی دیمۆکراتی کوردستان ل شنگالێ و شەهید عەمید(عەمەر محمەد خالد بۆسەلی) جێگرێ فەرماندەیا دهۆک و شەهید عەقید (سەباح ریسی گولی) بەرپرسێ هەواڵگریا فەرماندەیا دهۆک .. ب هزاران سڵاڤ ل سەر گیانێ پاکژێ شەهیدێن مانا کوردستانێ و ڕێیا ڕزگارکرنا کورد و کوردستانێ بن سەر کاروانێ وان بارزانیێ نەمر و کاک ئدریسێ هەردەم ل بیر.