ل سالا ١٩٩٣ ھەتا نھو ھەر ھەشت کابینێن حکومەتا ھەرێما کوردستانێ ، یان لسەر رێکەفتنێن دناڤبەرا پارتی و ئێکەتیێ یان بنگەە فراوان و تەک نۆکرات بوونە . راستە دڤان سالاندا رەوشێن تایبەت و دژوار ھاتینە پێش ، کۆ لدیف حەز و پلانێن حکومەتێ وەکی پێتڤی خزمەت نەھێنە ئاراستەکرن ، لێ ئاریشا ھەرە مەزنتر ناکۆکی و موزایدێن حزبێن پشکدار بوونە دناڤ حکومەتێ دا لسەر حسایبا ئەوێ دی . ئۆپوزسیۆنا کوردستانێ ژی د سەربوورا خۆدا نە دسەرکەفتی نەبوونە ، بەلێ مەزنترین زیان گەھاندی یە حکومەتێ و پرۆسا ئاڤەدانێ و ئیمناھیێ .

راستە د ھەمی کابینێن حکومەتێ دا پارتی دیموکراتی کوردستان پشکا شێری بەرکەفتیە ، لێ زۆرجاران بۆ بەرژەوەندێن گشتی و ھەڤسەنگیا سیاسی دەست ل ھندەک مافێن خۆ بەردایە بۆ ھندەک لایەنێ، دی .
پرۆژێن پارتی چ یێن سیاسی یان یێن ئیداری و ئابووری و ئێمناھی ، پرۆژێن دارتی و گشتی بوونە ، لێ زۆر جاران حزبێن پشکدار د حکومەتێ دا ئاستەنگێن سەرەکی بوونە ، ھەر وەکی ل کابینا ھەشتێ لدەمێ مەزنترین قەیرانا سیاسی و ئابووری و لەشکری لسەر کوردستانێ ھاتیە سەپاندن ، ژلایێ حکومەتا عیراقێ و ھندەک وەلاتێ، ھەرێمی ،
ھندەک حزبێن کوردستانی یێن دناڤ حکومەتێ دا لجھێ پشتەڤانیا حکومەتێ و سەرۆکێ حکومەتێ بکەن ، خۆ دناڤ حکومەتێ دا ڤەکێشا و خۆ لبەر ڤان ئاستەنگا نەگرت ، چونکی وە ھزر دکر پارتی نەشێت ڤان ئاستەنگان دەرباز بکەت و ھەرێم دێ کەڤیتە د ئاستەنگێن مەزنتر دا و گونەھا وێ ھەمیێ بێخنە سەر پارتی .

ژلایێ سیاسی و ئێمناھی ژی ، ھندەک حزب بوونە پشکەکا کاریگەر ل خیانەتا نشتیمانی دگەل داگیرکارا بۆ ژناڤبرنا ئەزموونا ھەرێما کوردستانێ و پشکەکا زۆرا ئاخا پیرۆزا کوردستانێ رادەستی داگیرکارا کر ، ژلایەکێ دی ھەڤپەیمانی دگەل حکومەتا ناڤەندیا عیراقێ دکر بۆ کڤاشتنێن ئابووری و دارایی لسەر ھەرێمێ و بڕینا بۆدجە و مۆچێ ھەرێمێ .

لێ پارتی ژبەرکو ھەلگرا پەیامەکا نەتەوی و نشتیمانی یە ، ل رێبازا پیرۆزا بارزانی نەمر ھەڵاڤێتیە و خودان پلان و ستراتیژیەکا ھەمە لایەنی یە و مەزنترین ھێزا جەماوەری ل پشتە .
بەرامبەر ڤان ھەمی پیلان و ئاستەنگا خۆ راگرت و سەرکەفتنەکا مەزن ژی تۆمار کر .

ل ھەلبژاردنێن پەرلەمانێ کوردستانێ یێن ٣٠ ێ ئیلۆنا ٢٠١٨ سەرەرای ڤان ھەمی پیلان وقەیرانا پارتی شیا سەرکەفتنەکا ھەرە مەزن تۆمار بکەت و نێزیک بوویە ل رێژا پێتڤی بۆ پێکئینانا حکومەتێ ب ئێک لایەنی . ئەڤەژی ب پلان و بەرنامە بوو و ئەنجامێ خەبات و دلسۆزیا پارتی بوویە بۆ ئازادی و رزگاریا کوردستانێ و دابینکرنا ژیانەکا بەختەوەر و داکۆکیکرن لسەر ماف و ئارمانجێن نەتەوی و نشتیمانی .
چ لبەر رۆل و کاریگەریا پارتی و سەرۆک بارزانی بۆ پاراستنا کوردستانێ ل تیرۆرستێن داعش و یان ئەنجامدانا راپرسیا سەرخۆبوونا کوردستانێ ل ٢٥ ێ ئیلۆنا سالا ٢٠١٧ و چەندین ھەلویستێن دیتر یێن نەتەوی و نشتیمانی .
ژلایێ ئابووری و ئیداری ژی پارتی ب سەرۆکاتیا رێزدار نێچیرڤان بارزانی سەرۆکێ حکومەتا ھەرێما کوردستانێ شیایە رەوشا کوردستانێ ژلایێ ئابووری و ئاڤەدانی و گەھاندنا خزمەتێن گشتی بگەھینتە ئاستەکێ ھەرە باش ، نابێژین کێماسی و ئاریشە نینە لێ خزمەتێن ھاتینە کرن بەرامبەر کێماسیان ناھێنە بەراوور دکرن و ھەمی لایەنێن پشکدار دخەمسار بوونە .

پشتی دەرکەفتنا ھژمارەکا حزبێن پشکدار ل حکومەتێ و قەیران و گەماروویێن ئابووری و سیاسی لسەر ھەرێما کوردستانێ ب ھیممەتا نێچیرڤان بارزانی حکومەتا ھەرێما کوردستانێ بشانازیڤە ئەو قوناغ بڕین و کوردستان لێ دەرباز کر و جیھان پێ حیبەتی بوو ، لەوما ئەڤرۆ چاڤدێرێن سیاسی و نڤیسەر و رۆژنامەڤانێن بیانی پەسنا روولێ کاریزمایا جەنابێ وی دکەن .

ئەز باوەرم پشتی ڤێ سەرکەفتنا مەزن یا پارتی لڤان ھەلبژاردنان بۆ قوناغا داھاتی دا ، پارتی دێ پلانێن مەزنتر ژلایێ سیاسی و ئابووری و ئاڤەدانی ھەبن و دێ شێت بسەرفیرازی بجە بئینیت ، ئەگەر وەکی جارێن بەرێ پشکێن خۆ بسەر حزبێن دیتر دابەش نەکەت .
چونکی بوومە دیار بوو ئەڤە ئەزمۆنەکا نەسەرکەفتی یە و ئەو لایەنێن لسەر حسابا پارتی پلە و پۆستا وەردگر ، پشڤەرا خەنجەرێن ژەھراوی دژی پارتی دوەشینن . لەوما گرنگە ڤێ جارێ پارتی ئەزمۆنا دەسھەلاتداریا زۆرینە بۆ حکومەتا داھاتی یا ھەرێما کوردستانێ تاقیبکەت ، چونکی خەلکی باوەری پێ دایە و لادان لسەر ڤێ چەندێ لادانە لسەر بریارا خەلکی .

پارتی ب حکومەتا زۆرینە دێ شێت بەرنامە و پلانێن خۆ یێن نێزیک و دوور ژلایێ سیاسی و ئابووری و کارێگری بجە بئینیت و ھەرێما کوردستانێ دێ پێشڤەچوونێن بەرچاڤ بخۆڤە بینیت و جھێ ڕەزامەندیا پرانیا خەلکێ کوردستانێ بیت ، بتایبەت ژلایێ چاکسازیێن ئیداری و دارایی کۆ دەمەکێ پارتی و سەرۆک بارزانی و سەرۆکێ حکومەتا ھەرێما کوردستانێ ھەول بۆ ددەت و خەلک ژی چاڤەرێ ڤان چاکسازیا یە ، لێ ھەتا نھو ژبەر موزایدێن سیاسی و نەپشتەڤانیا ھندەک حزبێن کوردستانی ئەڤ ئارمانجا پارتی بجە نەھاتیە .

برەنگەکێ گشتی حکومەتا داھاتی لسەر دەستێ پارتی دێ حکومەتەکا پڕ خزمەت و چارەسەریا قەیرانا بیت لسەر دەستێ رێزدار نێچیرڤان بارزانی و خەلک ژی دێ پشتەڤان بیت .
الأحد 7:34 مالإثنين 9:08 صالأربعاء 2:30 م
زڤستانەکا بەرۆڤاژی
غیاس خالد زێباری
لدەمێن بووری ل سێ وەرزێن ساڵێ ، خەلکێ کوردستانێ ب تایبەت ل گۆندان ھەمی کار و خەبتینێن وان بۆ دابینکرنا پێتڤیێن ژیانا زڤستانێ بوون ، ل دەستپێکا پاییزێ خەما وان ھاتنا زڤستانێ بۆ ژبەرکۆ زڤستانا سرۆشتێ کوردستانێ زڤستانەکا دژوار و درێژ بوو ، بەفر و بارانێن زۆر گرانیەکا دژوار دروست دکر ، ھەم بۆ مرۆڤان ھەم ژی بۆ مەر و مالاتی ، نیڤەکا سالێ زڤستان بوو . مافێ وان بۆ دلگران ببن ، چونکی پرانیا گۆندێن کوردستانێ بێ رێکرێن گەھاندنێ بوون , ئەو رێکێن سادەژی دھاتنە گرتن . ژ لایێ سیاسی پاییزا بووری ژی ژبەر خیانەتا شازدێ ئکتۆبەرا ٢٠١٧ و کارڤەدانێن پێش و پاشێن وێ ، مینا جاران و بێژە زێەتر ژی خەلکێ کوردستانێ زۆر دلگران کر و لبەندا زڤستانەکا ھەرە دژوار بوون ، کەرکووکا دلێ کوردستانێ و زێدەتر ل نیڤەکا ئاخا کوردستانێ ب خیانەتا نشتیمانیا بنەمالا خودێ ژێ رازی جەلال تالەبانی و دیڤەلانکێن وان ژلایێ حەشدا شەعبی ب ھاریکاریا پاسدارێن ئیرانێ ھاتنە داگیرکرن و ھەمی ھەولێن خۆ مەزاختن بۆ داگیرکرنا ھەمی ھەرێما کوردستانێ و نەھێلانا قەوارێ سیاسی و ئیداریێ ھەرێمێ ، ب بەھانەیا ئەنجامدانا راپرسیا سەرخۆبوونا کوردستانێ ژلایێ سەرۆک بارزانی و پارتی دیموکراتی کوردستان .
ھەرچەندی سیاسەتا سەرکەفتیا پارتی و سەرۆک بارزانی و سەرۆکێ حکومەتا ھەرێما کوردستانێ رێزدار نێچیرڤان بارزانی ھەول و پیلانێن وان ھاتنە ژناڤبرن و ژلایێ لەشکری و سیاسی و ئابووری دربێن مەزن ب دوژمن و داگیرکارا کەفتن .
پشتی بوورینا کێمتر ل سالەکێ ھشیاریا خەلکێ کوردستانێ ب رەنگەکێ دیموکراسی و ئاشتیا نە تۆڵڤەکرن ل خیانەتکارا کر و ل دوو ھەلبژاردنا پارتی دیموکراتی کوردستان پارتیا خزمەت و راپرسیێ و ھێزدارکرنا کوردستانێ لسەر ئاستێ عیراقێ و کوردستانێ بوونە ھێزا ئێکێ .
پاییزا ئەڤ ساڵە بەرۆڤاژی پاییزێن دەھێن بووری نە ژبەر ڤێ سەرکەفتنا مەزن یا پارتی دیموکراتی کوردستان ل ھەلبژاردنێن ٣٠ ئیلۆنا ٢٠١٨ بۆ پەلەمانێ وردستانێ ، خەلکێ کوردستانێ پڕ گەشبینی کر و ب ئۆمێدەکا گەش دێ پێشوازیێ لڤێ زڤستانێ کەت و دێ بیتە بنەمایەک بۆ گەشبین کرنا زڤستانێن داھاتی ژی .
ئەو سەقایێ سار و دژوارێ دەستکرد یێ ژلایێ خیانەتکار و داگیرکاران بەرێ وێ دایە کوردستانێ ب نیەکا گەردەلوولێ ، پارتی و سەرۆک بارزانی و سەرۆکێ حکومەتا ھەرێما کوردستانێ کرە بایەکێ فێنک و پری ئۆکسجین بۆ ڤەژاندنا کوردستانێ ل ھەمی بووارەکی ب خەلک و نشتیمان ڤە .
خەلک ب گەبینی ڤێ سەرکەفتنا پارتی دبینیت ، چونکی دزانیت سەرۆکێ حکومەتا ھەرێما کوردستانێ رێزدار نێچیرڤان بارزانی ، شیا ب لێزانی و دوور بینی ھەرێما کوردستانێ ل مەزنترین پیلانا ناڤ خۆیی و ھەرێمی ب پارێزیت و قەیرانێن سیاسی و ئابووری و جڤاکی لسەر ھەرێما کوردستانێ راکرن .
حکومەتا داھاتیا ھەرێما کوردستانێ یا ژلایێ پارتی دھێتە پێکئینان ، دێ حکومەتا بھێزتر و پڕ دەستکەفتر بیت , نەخاسمە ئەگەر نێچیرڤان بارزانی سەرۆکاتیا وێ بکەت ، کاروانێ ئاڤەدانیێ و دەولەتداری یا کوردستانێ دێ بەردوام بیت و پلان و بەرنامێن وی یێن مایی ژی لدەمەکێ ھەرە زوو کەڤنە دوارێ بجە ئینانێ دا ، ژلایێ سیاسی و دیلۆماسی ژی پەیوەندێن ھەرێمێ دێ بەرڤ پێش چن و دەستێن خائین و داگیرکارا دێ ھێنە بڕین .
چونکی درۆشمێ پارتی بھێزکرنا کوردستانێ یە ، بھێزکرن ژلایێ سیاسی و ئابووری و کارکێری و جڤاکی ، ئەز باوەرم ئەگەر بڤی رەنگی بیت ، کاڤێن دەسپێکی یێن نێچیرڤان بارزانی دێ چاکسازیێن ئیداری و ئابووری و نەھێلانا گەندەلیێ ، بن کۆ ھیڤیا سەرەکیا خەلکێ کوردستانێ ئەوە و لرۆژێن بووری ئەڤ نیشانە لێ دیار بوونە .
برەنگەکێ گشتی حکومەتا زۆرینە یا ھەرێما کوردستانێ ژلایێ پارتی ، دەرفەتێ زێدەتر بۆ پارتی دێ ڤەکەت بۆ بجە ئینانا پلان و بەرنامێن خۆ یێن نشتیمانی و نەتەوی و ئابووری و کارگێری ، کو ژبەر ھەڤرکیێن پارتیێن دیتر بجە ئینانا وان ل کابینێن دیتر ژلایێ پارتی ئاستەنگ بوون ، نەپەسند کرنا پرۆژێ یاسایا چاکسازیێ ل پەرلەمانێ کوردستانێ باشترین بەلگەیە ، کۆ پرانیا حزبێن دیتر ژبلی پارتی دژبەری لێ دکرن ، ئەڤەی بۆ دژایەتیا پارتی بوو .
برەنگەکێ گشتی ب دەسھەلاتداریا پارتی دزڤستانێن داھاتی یێن کوردستانێ ، لسەر خەلکێ کوردستانێ دێ بەرۆڤاژی زڤستانێن کەڤن بن ، نە د خەما سڕ و سەقەمێ دا دبن ، نەژی بەفر و بارنێن دوومدا ، ھەمی پێتڤیێن ژیانێ دێ دابین بن و زڤستان دێ بیتە زڤستانا گەشت و سەیرانا و وەلاتەکێ ئارام و ئاڤەدان و جڤاکەکێ بەختەوەر .