گەلەک جاران مە ئاریشە ل سەر دانانا ناڤەکی، یان ب کارئینانا پەیڤەکێ، یان رێنڤێسان ھەنە، ئەڤ یەکە پێشتر بگر و بێکشا دناڤبەرا زمانزانان بوویە، واتە ئەوێن پسبۆر د بیاڤێ زمانی و فەرھەنگی، پتر دڤی بیاڤە گەنگەشە کریە، لێ من دڤێت ب پرسم ژ بۆ جھێ ب دەستخستنا دەرمانان کیژان ناڤ درستە، ئەزبێژم دەرمانخانە چەند دەربرینێ ژ وی جھی دکەت، یان ئەگەر ئەم بێژین (دەرمانفرۆش)چەند دێ پەیڤەکی ھەژی وی جھی بیت؟؟ ھەر ل سەر ڤێ یەکێ بریارێن سەرۆکێ حکومەتا ھەرێما کوردستانێ ل دۆر بازرگانیکرن ب دەرمانان دێ ناڤ و نیشانێ گوتارا من ژی ئێکلا کەن، چنکی راستە ل سەر جھێ ب دەستخستنا دەرمانان نێڤسیە (دەرمانخانە) لێ دراستی دا ئەو جھێ فرۆشتنا دەرمانایە و باشترە ل وان جھان بھێتە نڤێسین (دەرمانفرۆش)، واتە بەری دەرکەفتننا بریارێن حکمومەتا ھەرێمێ ئەو جھە وەکو مارکێتەکێ بوویە بۆ ب دەستخستنا دەرمانان، ئەوا کو ل سەر بکڕی ژی پێدڤی بوو ئەو بوویە ناڤێ دەرمانی ب زانیت بێی کو ھیچ راچێتەکا نوژەداری ل گەل خوە ببەت، لێ رۆژا ڤێ معامەلێ و بازرگانیکرنا نە ساخلەم ئێدی ئاڤا بوو، حکومەتا ھەرێمێ ب بریارێن خوە ئاریشە و کێماسێن ھەستیارترین کەرتێ ناڤا جڤاکی کرە پلانا خوەیا سەرەکی، من دڤێت ب تنێ ل سەر ئێک ژ وان بریاران ب راوستم ئەو ژی کو دبێژیت: (رێک ناھێتە دان دەرمانساز ببیتە خوەدانێ پتر ژ ئێک مولەتا دەرمانخانە و کۆگەھێن دەرمانێ) ئەڤە بخوە گەلەک ژ وان ئاریشەیێن کو نھا د ناڤا دەرمانخانەیان ھەیە چارەسەرکەت، واتە ئیدی ئەڤ ژمارا زۆر یان دەرمانخانەیان ناھێتە دیتن و دڤێت ھەر دەرمانسازەک ب تنێ مولەتا ڤەکرنا ئێک دەمانخانە ھەبیت، و ئەو بخوە ژی رێڤەبەرێ وێ دەرمانخانێ بیت و بەردەوام ل وی جھی بەرھەڤ بیت، واتە دەرمانخانە مارکێتەک نینە ھەر کەسێ بڤێت دێ شێت دەرمانێ ب دەست بێخیت، چونکی ئەو کەسێ ل بەر دەمانخانی کو بەری نھا پسپۆریا دەرمانسازیێ نەبووی، بێگومان ئەگەر نەخوەش بێ راچیتا نوژداری داخازا دەر‌مانەکێ بکەت، ھەر چەندە بۆ نەخۆشیا وی درست ژی نەبیت دکاریت ب دەستڤە بینیت، ئەڤە بخوە وی دەمی ئەو دەرمان ژبۆ نەساخی نابیتە چارەسەر، بلەکو دێ بیتە دەرد، کەواتە بریارێن نێچیرڤان بارزانی سەرۆکێ حکومەتا ھەڕێما کوردستانێ (دەرمانفرۆش) ژ بۆ (دەرمانخانە) گوھارت، ئەڤ بریارە دێ بنە ئەگەر نە بتنێ ھەر کەسێ خوەدان پارە و دەولەمەند بیت بکاریت بازرگانیێ ب دەرمانان بکەت، بەلکو ئەو کار دێ بیتە کارێ دەمانسازان ب تەنێ و ل ڤێرێ ب تنێ خەلک و نەساخ دێ مفادارتن
کارزان فەقێ
