٭(۱۱ی ئەیلوولی ۱۹٦۱)یەکەمین هەناسەو فیشەکی گڕگتووی میللەتێکی سوتێنراوە بەڕووی داڵپۆسێنەرتین دەسەڵاتی عێراقیدا ولێرەوە ووێستگەی خەباتی سیاسی مەدەنی گوازرایەوە بۆ خەباتی شۆڕشگێڕی و چەکداری و ڕووبەڕووبوونەوەی دەسەڵاتدارانی بەغداد

٭(۱۱ی ئەیلوول) تروسکایی ئومێدێک بوو لە شەوەزەنگی تاریکستانی ڕۆحی میللەتێکدا کە لەدوای لەناوبردنی شۆڕشی (شێخ محمودی نەمر)ەوە هیچ ئاسۆیەکی ڕوون دیار نەبوو گەلی کورد هەر چوار پارچە لە کەناری لەدەستدانی یەکجارەکی ئومێدابوون بەڵام چەخماخەی بڕنەوی پێشمەرگەی پوزەوانە لەپێ و شاڵ و شەپک لەبەری کوردەواریانە ئاهێکی وەبەر گەلدا هێنایەوەو تۆوی ئومێدی چاندەوەو کۆتایی بەنائومێدی هێنا

٭لە شۆڕشی ئەیلوولەوە کورد لەقۆناغی داپڵۆسین و بێ کەسی و بێ نەواییەوە ڕزگاری بوو خوێن و خەباتی ئەیلوول دوای (۹ ساڵ) لە بەرخۆدان و خوێن بەخشین دەسەڵاتدارانی بەغدای ناچارکرد کە مل بۆ داخوازییەکانی گەل بدەن و ڕێککەوتنی(۱۱ی ئازار)بەرهەمی ئەم شۆڕشە مەزنەیە کە لەئێستاشدا کورد بەقەد ناوەرۆکی ئەم ڕێککەوتنەی لەعێراقدا بەدەست نەهێناوە

٭مانگی ئەیلوول جیالەوەی کە بۆ گەلی ئێمە سەرەتایی هەناسەدانێکی ئازادانەیەو دڕدانە بە شەوەزەنگی نائومێدی مانگێکە کە بۆ ئێمە گەورەترین وەرچەرانی دیکەی تێدایەو دوای(٥٦)ساڵ و لە(۲٥ئەیلولی ۲۰۱۷) جاڕی سەر بەخۆییمان لە پرۆسەیەکی ئاشتیخوازانەو مۆدێرنی سەردەمانەدا بەگوێی دەسەڵاتدارانی عێراق و ناوچەکەو جیهانداداو بەدەنگی بەرز ووتمان(بەڵێ بۆ سەربەخۆیی)(نەخێر بۆ ژێردەستی)و کۆیلایەتی

٭(ڕیفراندۆمی ۲٥ی ئەیلوول) قۆناغێکی دیکەی خەباتی گەلی ئێمەیەو لێرەوە لە(۹۳٪)گەلی ئێمە بەشدار دەبن لەم خەباتە مۆدێرنە ڕێگەپێدراوە جیهانیەو بە دوونیامان ڕاگەیاند ئێمەش دەمانەوێت وەک هەر نەتەوەیەکی دیکەی جیهان ئازادبژین

٭پێوەرەکانی بوونیادنان و درووستکردنی دەووڵەت بەپێی مەعایری نێو دەووڵەتی (خاک ،گەل، دەسەڵاتی سیاسی) لەم دوایانەشدا هەردوو بنەمایی(ڕاگەیاندنی سەربەخۆیی و دانپێدانانیش(الٳعتراف)یشی بۆ زیاد کرا کە بەنیسبەت ئێمەوە هەرسێ بنەماسەرەکیەکەی (خاک و گەل و دەسەڵاتی سیاسیمان) هەیەو خیانەتکارانیش نەیانهێشت بەهەردوو بنەمای(ڕاگەیاندن و دانپێدانان) بەدەستبهێنین بەڵام ئەمە واتایی ئەوە نیە کە کۆتایی هاتوە بە پرۆسەکەمان بەڵکو تەنها کەمێک دوا دەکەوێت

٭ ڕیفراندۆم سەرەتای بەجیهانیکردنی پرسی کوردەو ڕزگاربوونە لە کێشەی ناوخۆیی ووڵاتێکی دواکەوتوویی ڕزیووی وەک عێراق بەجۆرێک هیچ هێزێک نیە بتوانێت ڕاوبۆچوون و ئیرادەی(۹۳٪)گەلێک بکوژێت ، گۆڕانکاریەکانی ئێستاو ئایندەش زیاتر بەرهەمەکانی ڕیفراندۆممان نیشان دەدات و دڵنیابن لە کاتێکی زوودا بەرهەمەکەی دەچنینەوە

٭ڕاستە خیانەت و خاکفرۆشی خەڵکی خائین نەیهێشت درێژە بەچێژی ڕیفراندۆم بدەین وەلێ ئەگەر دوێنێ هەڵگیرسانی شۆڕشی ئەیلوول تۆوی ئومێدو هیوای بۆ گەلی ئێمە گەڕاندبێتەوە ئەوا ڕیفراندۆم (غروری کوردبوون) هەست بەخۆکردن و ڕازی نەبوون بە سەرشۆڕی ژێردەستەیی تێدا چاندین و هەرگیزاوهەرگیز کورد بۆ پێش ڕیفراندۆم ناگەڕێتەوە
٭بۆیە بە هەموو پێوەرێکی نیشتیمانی و نەتەوەیی بۆ گەلی ئێمە (مانگی ئەیلوول یانی مانگی پیرۆز)

ڕیبین ڕەحیم