دەمێ روپەلێن پەرتوکێن وێژەیی و دیروکی و جوگرافی و سیاسی یێن نڤیسکار و ئەدەب دوست وڤەکولەر و گەروک و روژھەلاتناسێن نافخوی و بیانی ھەلددەینە ڤە زورترین پێزانین دکەڤنە بەردەستێ مە و مفادارن. ئەوا مە دڤێت د وان روپەلان دەربینین ئەو سالوخەتێن ھاتینە دان بو ڤێ پارچا ئەردی کو کوردستانە و ناڤکرینە ب بھەشت و خوەشترین جە و نمونەترین دەڤەر .
بلاڤبونا رستەیا کوردستان بەھشتا دەڤەرێ یە ژ بال سیاسی و نڤیسکار و میدیاکاران ڤە , ئەڤێ چەندێ دەستپیکێ پێشەکیەک دیروکی ھەیە و ل دیروکێ دا ئەڤ چەندە بلاڤبویە و دەنگ ڤەدایە ژی ھەتا سەر ئاستێ وەلاتێن دەردور و ئەو تالان و داگیرکرنا کوردستانێ ژی بخوڤەگرتی یا ڤالانەبویە ل ڤی فاکتەرێ گرنگ..
ئەڤە وەک دیروک د نھا دا ئەم ئەگەر دەە سالێن رابوری بینینە بەر شروڤەیێکوردستانێ ب دەڤەرێ ھەڤبەر بکەین ل چەند بیاڤێن گرنگ دا , بدیتنا من دێ ئەڤ بھەشتە ل ڤێ دەڤەرێ دیار بیت . کو دەڤەر تێکدابویە گورزەک ژ ئاگری و گرئاڤەک ژ بورکان و با و باروڤ و تستونامی و لەھیێن سیاسی و وێرانکاریی و ئاوارەبونێ . ئەڤ رەوشا نە نورمال و وێرانکەر پرانیا وەلاتێن ئەرەبی و روژھەلاتێ ب خوە ڤەگرت ژ باکورێ ئەفریکا و شام و کەنداڤ و تورکیا و ھەتا ئاسیا ناڤین..
بنپێکرنا مافێن مروڤی و ئاوارەبون و کورشتن و شەرێ نافخوی و وێرانکاری و نەمانە تابلویێ پێکڤەژیانێ ..
بەھەشتا روژھەلاتێ و سالوخەتێن سەری ل چ ئاست دانە؟نھا بو کەسەک چاڤدێریا روشا کوردستانێ و دەڤەرێ کربیت دێ باش بو روون و ئاشکرا بیت پاراستنا مافێن مروڤی د دەڤەرێ دا ب چ ئاست بویە و ھەر چەندە کوردستان نەبویە وەلاتەک دیف ستانداردێن جیھانێ سەرەدەریێ ل گەل پرسگرێکێن مافێن مروڤی بکەت , بەلێ بەرامبەر تورکیا و ئیران و کەنداڤ و مسر و شامێ ....د گوپیتکێ بویە. خالا دوویێ کو چ رییەک سپی بو روژھەلاتێ نەھێلایی! ئاوارەبونا دەھان ملیون کەسان بویە ل ڤان وەلاتێن کو سەد سالا ل سەر میراتێ دەولەت و ئیمپراتوریەت و خیلافەتێن خوەدی ژیەک درێژ دروست بوین.ھەرچەند کریزا دارایی بو دەمێ چوار سالان پشکەک ژ گەنجێن کوردی ریبریێ ئاوارەبونێ کر , بەلێ د ھەمان دەم دا ژی پتر ژ سێ ملیون ئاواران قەستا کوردستانێ کریە و باشترین سەرەدەری و خزمەت بو ھاتینە پێشکێش کرن ھەتا وەکی وەلاتیێن کوردستانێ ژیاینە و ھەست ب ئاوارەبونێ ژی نەکریە.
د تەوەرێ شەر و کوشتن و وێرانکاری و شەرێ نافخوی کو روژھەلاتێ ب خوە ڤە دیتی پشتی شورەشێن ئەرەبی و ھەتا نھا زیانێن ب ترلیون دولاران ل ڤان وەلاتان داینە , زێدەبارێ کوشت و برینداری و بێسەروشین بونا ملیونان مروڤان ل وەلاتێن روژھەلاتێ دا , سوپاس بو خودایێ مەزن , پشتی ھنگی وێ خوراگریا گەلێ کوردستانێ و چاڤنەترسی و چەلنگی و زیرەکی و وێرەکیا ھێزێن پێشمەرگەی شیان کوردستانێ ل مەترسیا ب لیبیا و سوریا بونا کوردستانێ ب پارێزن , ب دیتنا من ھەمی خالان دا کوردستان ل رێزا داویێ بیت ل بابەتێ وێرانکاری و کوشتن و دەردەسەریان ھەر چەند شەرێ داعشێ زیان ب کوردستانێ گەھاندن بەلێ وەکی وێ چەندێ نەبو کو دەولەتا خەلیفە و جیھانێ ھزردکری.
ھەر ژ وان خالێن کوردستانێ ل دەڤەرێ جودا دکەت ھەبونا ڤی تابلویێ پێکڤەژیانێ دناڤبەرا ئول و مەھەزب و نەتەوێن ئێک وەلات دا , د دەمەکێ دا پرانیا کریزێن ڤان وەلاتێن دەڤەرێ نەبونا ھزرا ئێک دی قەبولکرنێ یە ل دەف دەسەلات و ھەتا پرانیا گەلی ژی ڤە ژ بەرکو دەسەلات بەرھەمێ کەدا خەلکی یە . ئەڤ خالێن مە باس ژێ کری دەولەتێن دەڤەرێ ب زیانێن مەزن گەھاندن و بو چەندین سالان ژی پاشڤەبرینە .
د شروڤەکرنا رەوشا دەڤەرێ دا بکورتی دیار دبیت ب راستی دوزەخەکە ئەڤ دەڤەرە تێدا دەرباز دبیت و ئەوێ ئەو سالوخەت نەبن دبیتە دەڤەرەک ژ خوشیێ و بھەشتەک بخوە .
لێرەدا بو پاراستنا ئەو بھەشت و وەلاتێ خوە ژ دەڤەرێ جوداکری چەند خالەک گرنگ ھەنەفەرە حکومەتا ھەرێما کوردستانێ و ئالیێن سیاسی و گەلێ کوردستانێ بەرچاڤ وەربگرن :
- بەردەوامی دان ب پارستنا تابلویێ پێکڤەژیانێ و گرنگی دان ب ھزرا ئێک دوو قەبیلکرنێ, ڤەگەراندنەڤا ئێک رێزیێی بو ناڤ ئالیێن سیاسی کو گوتارا سەرەکیا حکومەتا ھەرێمێ ئەوە.
- ب ئەنجام گەھاندنا پروسا چاکسازیێ د ھەمی بیاڤەکێ دا کو پێتڤیەکا زەرورە کوردستان بکەڤیتە قوناغا گوھرینێن بنگەھین دا .
- نەھێلانا گەندەلی و نەشەفافیی و نەدادی و بەرتیلان کو دبیتەفاکتەرک سەرەکی بو ئاڤاکرنا دەسەلاتەک باش و رەشید.
- دانانا پلانێن ستراتیجی دسێکتەرێن سیاسی و ئابوری و سەربازی و پەروەردەی و گەشتیاری..