دگەل دەستپێکرنا خوەنیشاندانان ل باژارێن پشتگوههاڤێتیێن ناڤەراست و خوارویا ئیراقێ، هەموو کۆمبوون و سەرەدان ژ بۆ پێکئینانا حکومەتێ هاتن راوەستاندن، ب تایبەت سەرەدانان شاندێن کوردی ژ بۆ بەغدا ژ بەرکو ل سەر دەستەلاتدارێن ئیراقێ یا پێدڤی بوو فوکسا خوە بێخنە سەر گوهداریکرنا داخوازیێن خوەنیشاندەران، د دەمەکی دا ئەڤە ب تنێ گوتنە د واقعی دا ئەڤ تشتە ناهێت کرن.
د دەمەکی دا کو حەیدەر عەبادی پەهلەوانێ سزادانا هەرێمێ بوو ب تایبەت ژ لایێ داگیرکرنا دەڤەرێن کوردستانی و دورپێچا دوپلۆماسی و سزادانا خەلکێ هەرێمێ دۆر ژ هەمی پرەنسیپێن مروڤاتی و قانونی، لێ ئەڤ دەستکەفتە هەر زوو بوو نەمان ژ بەرکو سیاسەتا دروست و بهنفرەها سەرۆکوەزیرێن هەرێمێ هەر زوو ل سەر ئاستێ نێڤدەولەتی دەنگڤەدا و دورپێچا دوۆلۆماسی هاتە شکاندن و زەربێ دووێ ژی پشتی راگەهاندنا ئەنجامێن هەلبژارتنان ل عەبادی کەفت دەمێ نەبوویە کۆتلەیا ئێکەم و دووەم ل سەر ئاستێ ئێراقێ، دربا سیێ د نهادایە دەمێ کو ئەڤ خوەنیشاندانە دەستپیکرین ئەڤە ژی چ دەلیڤەیان د دەست عەبادی دا ناهێلیت بۆ هندێ کو ویلایەتا دووێ یا سەرۆکوەزیرێ وەرگریت، ل دەمێ کو یا پێدڤی بوو عەبادی کەرتێ ئابوری و خزمەتگوزاری ل ئیراقێ پێشئێخستبا و ژیانا وەلاتیان ب پارەیێ وان یێ نەفتێ خوشکر با، ئەو مژوولی هندێ بوو چەوا دەستەفتێن هەرێمێ ژناڤببەت، د دەمەکی دا ژ بیرا خو بربوو ژناڤبرنا خانیەکی کو ئاساسێ وێ یێ مۆکم بیت یا ب زەحمەتە. د نهادا جادەیا ئیراقی و پتریا کۆتلەیێن سیاسی یێن سەرکەفتی دژی عەبادی نە ئەڤە ژی دژی خواستێن وی نە.
ل دەمێ دانانا دورپێچا ل سەر هەرێمێ وی مەرج بۆ کۆمبوونا دگەل سەرۆکوەزیرێن هەرێمێ دانان، لێ دگەل بوورینا دەمکێ کورت، بێی مەرج کۆمبوونا دگەل نێچیرڤان بارزانی قەبیلکر، دەمێ سەرۆکوەزیرێن هەرێمێ نەخشەرێیا دانوستاندنێن دڤبەرا هەولێر و بەغدا پێشکێشی وی کرین پێشوازیا وێ نەخشەرێیێ ب باشی نەهاتە کرن و هزرا عەبادی بۆ هندێ د چوو قەبولکرنا ڤێ نەخشەرێیێ کێماتیە و خوسارەتیە ژ بۆ بەغدا د دەمەکی دا باشترین چارەبوو بۆ هەموو گەلێن ئیراقێ. پشتی تێکچوونا رەوشا ئیراقێ پشتی هەلبژارتنان تاکە رێیا عەبادی و دەستەلاتدارێن ئیراقی خوە و وەلاتێ خوە رزگاربکەن قەبولکرنا نەخشەرێیا هەرێمێ یە و داناستاندنن ل سەر بنەمایێ دەستوری کو هەردەم ئەڤە ئالایێ بلندێ هەرێمێ بوویە ژ بۆ دانوستاندنان. د نهادا عەبادی ڤەگەریا دەستپیکا وێ نەخشەرێیێ یا سەرۆکوەزیرێن هەرێمێ ل دەستپێکێ ژ بۆ دانوستاندنان ئامادەکری، ئێک ژ خالێن وێ نەخشەرێیێ ب رێڤەبرنا دەڤەرێن کوردستانی یە ب هەڤپشکی و ڤەگوهستنا پەترولا کەرکووکێ ب بووریێن هەرێمێ ژ بۆ بەندەرێن جیهان یێ تورکی کو ئەڤە نیڤەکا کێشەیێن نها یێن ئیراقێ چارەدکەت لەورا ژی عەیدەر عەبادی داخوازا کۆمبوون د دانوستاندنا دگەل سەرۆکوەزیرێن هەرێمێ کریە د رەوشا نها دا و دیتنا چارەیەکا بلەز ژ بۆ دوخێ نها.