ناڵێم: پارتی، دەڵێم: بارزانی نەمر بە هزر و بیری کوردایەتی و بە هەڵوێستە شۆڕشگێڕیەکانی و بە ئامانجی رزگارکردنی کورد لە چەوسانەوە و دەرهێنانی لە ژێر ستەمی نەتەوەیی و گەیاندنی بە مافی رەوای سەربەخۆیی، توانی لەیلا قاسم و زۆر دایک و کچی شۆڕگێڕی هاوشێوەی لەیلا قاسم درووست بکات و لەباتی ئەوەی لە ئارایشتگای جوانکاری قژە خاوەکانی(مێش) بکات، قژەکانی کردنە حەشارگەی نامە نهێنیەکانی شۆڕش و ئاڵوگۆڕخانەی زانیاریەکانی حزب لە نێوان سەرکردایەتی لە شاخ و رێکخستنە نهێنیەکان لە بەغدا، لە کاتی دەستگیر کردنیشی بەدەم وتنی سروودە دوژمن تۆقێنەکەی (ئەی رەقیب)و (پێشرەوی کورد پارتییە و سەرۆکمان بارزانییە) بەرەو پەتی سێدارە هەڵدەکشا و قاچ و پاپووچەکانی دەچوونە سەر سەری خاوەن پەتەکە.
ناڵێم: حزبەکانی تر، دەڵێم: هەڵوێستی خۆ بەدەستەوە دەرانەی بەرپرسە باڵاکانیان، جاشژنی وایان درووست کردوون لەباتی ئەوەی گۆڕخانەکانی بیابانی عەرعەر و کانی عەشقانی هەڵەبجە بکەنە سەنگەری بەگژدا چوونەوەى مووچەبڕانی خەڵکی کوردستان، کەچی وەک ئەوەی نە بایان دیبێ و نە باران شانەوشان لەگەڵ قووت و مووچەبڕانی خەڵکی کوردستان دەکەن، بوونە پارێزەری یەکپارچەیی خاکی عێراق و عێراقچێتی بە شانازی و کوردایەتی بە تاوان دەزانن، لە پەرلەمانی عێراق دژ بە پێشمەرگە و خواست و ئامانجە نەتەوەیی و نیشتیمانیەکانی خەڵکی کوردستان، لەگەڵ فراکسیۆنە شۆڤنیەکانی عەرەب دەست هەڵدەبڕن و دەست دادەگرن، داگیرکردنەوەی کەرکوک و سووکایەتی بە بەها پیرۆزەکانی کورد و شکاندنی شکۆی نەتەوەیی و ئاوارە کردنی کەرکوکیەکان و دەستدرێژی کردنە سەر دوزخورماتووییەکان، بە گەڕانەوە بۆ باوەشی نیشتیمان و پووچەڵ کردنەوەی پیلانی دابەشکردنی عێراق ناو دەبەن.