دوهی مه‌كگورك.. ئه‌ڤرۆ دوگلاس. سوبه ترامپ!
شێرزاد نایف
ڤێ جارێ و د ڤی كاودانێ گرنگ دا كو گوهۆرینێن هه‌لبژارتنان یێن به‌ر ب مه و ده‌ڤه‌رێ ڤه دهێن، ئه‌مریكا دخوازیت شوونتبلێن خوه بهێلیته كۆنترۆلا كاودانان دا و ته‌په د به‌رژه‌وه‌ندیا گولا وێ دابیت، پشتی كو هه‌ست كری چه‌نده‌كا دووركه‌فتنێ په‌یدابوویه و رۆسیا و ئیران و توركیا یێن زیانه‌كا پێشچاڤ دئێخنه د به‌لانسێ دا، ئه‌ڤه ده‌مه‌كه ب سه‌رڤه‌چووبی، به‌لێ ده‌م هات كو سه‌رده‌ریا خوه رابگه‌هینیت هه‌ڤده‌م ل گه‌ل لێدانا دربه‌كێ له‌شكری بۆ سووریێ، پشتی هینگی ئه‌و ره‌نگڤه‌دانێن مه دیتین ژ ڤێ ئه‌نجامی، وه دیار ئه‌م ژی وه‌كو هه‌رێمه‌ك گه‌فه‌كین ل سه‌ر هه‌میان، هۆیێ چاكیێ و دلسۆزیێ و جهێ گرنگیدانێ ینه، پشتی كو هه‌می ده‌ڤه‌ر و وه‌لاتێن ده‌وربه‌ر هاتینه تاقیكرن، كو یا ژخوه‌یه كه‌س ناهێته رایێ، یانژی دبیت تشته‌ك نه‌وه‌كو تشته‌كی بیت، ئه‌ڤ سه‌ره‌دانه‌یێن مه ل مانشێتی به‌حس لێ كری، ب له‌ز كه‌فتنه ل دووڤ ئێك. دوور نابینم پاتریۆس ژی بهێته سه‌ره‌دانه‌كا ب پربه‌رهه‌م، كو هه‌رێما مه ژی بلندتر لێبكه‌ن. ب راگه‌هاندنا پرۆژێ بالیۆزخانا تایبه‌ت ل هه‌ولێرێ دێ بارێ مه دهه‌می بیاڤه‌كی دا به‌رزكه‌ت، بۆ نموونه بیاڤێ ئابووری دێ سه‌قایه‌كێ گه‌رم ده‌تێ كو هه‌بوونا وان زامه‌نێ ئارامی و سه‌رقامێگریا ئه‌وله‌هی یه و ل دووڤدا ژی بارزانی دێ رۆلێ خوه ب گه‌رماتی بینیت، به‌نك دێ پربن، خه‌لكی دێ باوه‌ری هه‌بیت دراڤێ خوه وه‌به‌رهێنان بكه‌ن، ئه‌و بۆ ژی دێ پرۆژێن خوه ده‌نه كاری، نه‌مازه نێچیرڤان بارزانی ب خوه ژی پشته‌ڤانێ هندێ یه، كو ناڤوده‌نگیا وی ب ئه‌ندازیارێ ئاڤه‌دانیێ چوویه، دێ ئه‌و ژی پتر بیاڤێن كارێن مفادار و پربه‌رهه‌م ڤه‌كه‌ت، هه‌ر وه‌كو ئه‌زمۆنا ڤان چه‌ند سالێن بۆرین چه‌ند، ڤه‌ژاندن كه‌فتیه بیاڤێ وه‌به‌رهێنانێ و پێشڤه‌چوونێ. ئێدی كه‌س نه‌شێت ئێدی جۆرێن دۆرپێچێ بدانیت، هه‌كه بكه‌ت دێ ئه‌نجام ل سه‌ر لایه‌نێن زال یێ فشارێن ب هێز كه‌ڤنه سه‌ر و هه‌می ئه‌و توندوتیژی دێ بیته ملحه‌مه‌ك و نه‌رم بیت
