ئه‌ز نابێژم بانگه‌شه‌، به‌لكو دبێژم قه‌رقه‌شه‌یا هه‌لبژارتنان رۆژ بۆ رۆژێ دژوارتر و گه‌رمتر دبیت، هه‌رچه‌ند ژنوو ده‌ستپێكه‌ و هێشتا هه‌موو هێزێن پارت و كاندیان ب درووستى نه‌هاتینه‌ دیتن، لێ ئه‌وێ خه‌لك نها دبینیت، شێوازێ بانگه‌شێ یه‌، پارتى ل 16 نیسانێ ب فه‌رمى ل هه‌ولێرێ ده‌ست ب بانگه‌شه‌یا هه‌لبژراتنان كر و نێچیرڤان بارزانى جێگرێ سه‌رۆكێ پارتى هه‌روه‌كو چه‌وا د ده‌مێ قه‌یرانێ و چاره‌كرنا ئاریشه‌یان وه‌كو سه‌رۆكێ حكومه‌تا هه‌رێمێ ب بهێزێ ده‌ركه‌فت و ل هه‌مبه‌ر پلانێن پارتێن سیاسى یێن هه‌رێمێ راوه‌ستا، وه‌ها ژى د ئێكه‌م ده‌ركه‌فتنا خوه‌ دا ل هه‌ولێرێ ب هێز و پر گه‌ره‌نتى خوه‌ نیشا خه‌لكێ كوردستانێ دا، ڤان گۆتنا بێ به‌لگه‌ ناكه‌م دێ ل ڤێرێ بێژم پارتى و سه‌رۆكێ حكومه‌تا هه‌رێما كوردستانێ بۆچى گه‌ره‌نتینه‌:
دناڤاپارێزگه‌هێن هه‌رێما كوردستانێ ژبلى هه‌ولێرێ و دهۆكێ كو ل ژێر ده‌سته‌لاتا پارتى یه‌، ڤان زانیاریان ل دۆر پارێزگه‌ها سلێمانى و هه‌له‌بجه‌ بزانه‌ به‌رى بچییه‌ سه‌ر سندقێن ده‌نگدانێ:
ئه‌گه‌ر ده‌نگده‌ر و خه‌لكێ كوردستانێ بخوازیت د نه‌هـ مه‌هێن خواندنا قوتابخانه‌یان دا ب تنێ 3 مه‌هێن خواندنێ هه‌بن و سیسته‌مێ په‌روه‌رده‌ ئیفلیج ببیت و زارۆكێن وان ببن قوربانى ئاریشه‌یێن سیاسى و حه‌زێن پارتێن زۆنا ره‌نگاوره‌نگ، ئه‌گه‌ر ره‌وشا وه‌ها بخوازى نۆرماله‌ هزر د گهۆرینا پارتى ل دهۆك و هه‌ولێرێ ژى بكه‌.
ئه‌گه‌ر بخوازى ده‌رگه‌هێن نه‌خۆشخانه‌یان ژ بۆ حه‌زا هنده‌ك پارتێن سیاسى بهێته‌ گرتن و نه‌خوه‌شێن هه‌وه‌ ب ئه‌گه‌رێ ریڤیكا كۆره‌ ل به‌ر ده‌رێ نه‌خۆشخانێ گیانێ خوه‌ ژ ده‌ست بده‌ن وه‌كو ئه‌و نموونێن بۆرى كو ل سنورێ سلێمانى و هه‌له‌بجه‌ هاتیه‌ دیتن، وى ده‌مى نۆرماله‌ هزر د گهۆرینا پارتى بكه‌ و ئه‌و ره‌وشا نه‌ئارام یا كو پارتێن سلێمانى دروست كرین، ل دهۆك و هه‌ولێرێ ژى دروست بكه‌.
ئه‌ڤه‌ ره‌وشه‌كه‌ كو ل ژێر گڤاشتن و بریارا پارتێن سیاسى یێن سنورێ سلێمانیێ هاتبوو دروستكرن و مه‌ره‌م ژى ب تنێ پێ ئه‌و بوو ب گڤاشتنێن خه‌لكێ كوردستانێ كابینه‌یا نێچیرڤان بارزانى بهێته‌ ژناڤبرن، هه‌لبه‌ت ب سۆتنا باره‌گه‌هێن حزبى و حكومى ئه‌ڤ پلان ده‌ستپێكر، د قۆناغا دووڤدا هه‌موو وان پارتان نوونه‌رێن خوه‌ ژ حكومه‌تێ ڤه‌كێشان و وه‌ها حكومه‌تا هه‌رێمێ تاوانبار دكرن هه‌روه‌كو د سێ سالێن بۆرى ئه‌و د حكومه‌تێ نه‌بوون و دگۆهێ گاى نڤستى بوون، ڤێ پلانێ هه‌ر سه‌ر نه‌گرت و جاردن سیارى نه‌رازى بوونا ته‌خا مامۆستایان بوون و جار ب ته‌كبیر و جار ژى درۆشمێن روخاندنا حكومه‌تێ دناڤا خوه‌نیشانده‌ران دهاتنه‌ دیتن، لێ ڤێ یه‌كێ ژى نه‌شیا روویێ جوانێ مامۆستایێن نه‌رازى كرێت بكه‌ت.
كه‌واته‌ بۆچى نێچیرڤان بارزانى د ڤێ هه‌لبژارتنێ دا كارته‌كێ ب هێزه‌ و گه‌رنتییا سه‌ركه‌فتنا لیستا پارتى یه‌، چونكى د قۆناغێن بۆرى وه‌كو سه‌رۆكێ جڤاتا وه‌زیرێن هه‌رێمێ ژلایه‌كى ڤه‌ شیا ب سه‌ره‌دانێن خوه‌ یێن دوبلوماسى سه‌رۆكێن وه‌لاتێن زلهێز وه‌كو فره‌نسا و بریتانیا و راوێژكارا ئه‌لمانیا و گه‌له‌كێن دى رازى بكه‌ت گڤاشتنێ ل سه‌ر به‌غدایێ بكه‌ن ژ بۆى كو مافێ دستوریێ خه‌لكێ كوردستانێ دابین بكه‌ت، ژلایه‌كێ دى ڤى شیا ل هه‌مبه‌ر هه‌موو وان پلانێن ناڤخوه‌ راوه‌ستیت كو بزاڤ دكرن ل گه‌ل عه‌بادى رێك بكه‌ڤن ژ بۆ برسیكرنا خه‌لكێ كوردستانێ، هه‌لبه‌ت مه‌ره‌م پێ ئه‌و ب وێ پلانێ پتر ده‌نگێ نه‌رازى یێ خه‌لكێ كوردستانێ بۆ ده‌مێ هه‌لبژارتنان بكاربینن. لێ ئه‌و ژى سه‌رنه‌گرت