دۆژمنێن گەلێ مەدبەرێ ونوکەدا بەردەوام بزاڤا دورست کرنا قەیران ودوبەرەکیێ دناڤرێزێن گەلێ کورد دا کریە وگەلەک بزاڤ کرینە ژبۆ ژناڤبرن وتێکدانا برایەتى وئێکرێزیا گەلێ کورد و وێ پێکڤە ژیانا ل کوردستانێ هەیى، بەلێ سوپاس بۆ یەزدانێ دلوڤان وب بزاڤ ودلسۆز وخەمخورێن ڤى ولاتى تا نوکە نەشیاینە دەرزەکێ بێخنە دناڤ برایەتى وئێکرێزیا ڤى وولاتیدا.
لێ موخابن نوکە ئاگرێ مە وەکو دبێژن، ژ دەهمانا مە بەر بوو مە، لێ ب ئانەهیا خۆدێ ئەڤە ژى دێ بوریت ودێ بیتە رابوریا دیرۆکێ. پشتى وەلاتێن هەرێمى زانى ئێدى نەتەوا کورد بەرەڤ سەربەخویێ پێنگاڤان دهاڤێژیت، ونەشێن رێگریێ لێ بکەن، ریفراندوم ب سەرکەوتى ب ریڤجوو و کوتایى پیهات هزر دهندێدا کر کێشەکا نافخوى چێکەن و ببیتە رێگر بۆگەهشتن ب ڤێ ئارمانجا ب سەدان سالە کورد خەباتێ بۆ دکەن،وموخابن د رێکا هندەک کەسان ل ناڤ پارت ولایەنین سیاسى کوو ب ساناهى هاتنە خاپاندن ودسەردابرن، خیانەتەکا مەزن ل گەلى کورد کر ب رادەست کرن و فروتنا شارى کەرکوکى و خەنجەرەکا مەزن ل پشتەڤە ل هیزین پولایینین پیشمەرگەدا،
پرسا سەرۆکایەتییا هەرێمێ یا بویە پرسا راگەهاندنا هەمى پارت ولایەنێن دژى پارتى کار دکەن وب رۆژانە مێزگەرد دهێنە گرێدان وهندەک رۆژنامەنڤێس وبناڤ سیاسەتمەدار بتنێ کارێ وان یێ بویە سەرۆک وپرسا سەرۆکایەتیێ و دەستهەلاتێن سەرۆکى،ول سەر هندێ را، وان پارت ولایەنان چ کاندید بۆ سەرۆکایەتییا هەرێمێ پێشکێش نەکرینە، چونکە مەبەستا وان تێک دانە نەک چارەسەرى، نها پاش دانیشتنا پەرلەمانى و ل بەر بارودوخیین سیاسى و هاتنا هیزیین عیراقى و داگیرکرنا هندک ناوچا و خییانەتا ناڤخویى، پەرلەمانا کوردستانى ب زورینە بریارا دواخستنا هەلبژاردنا پەرلەمانى دا بەلى جەنابى سەرۆکى قەبول نەکر خولا سەرۆکایەتیا ڤى بهیتە درێژ کرن و ب نامەیەکى داوا ل سەرۆکایەتییا پەرلەمانى کر کوو دەستهەلاتیین سەرۆکى بهینە دابەش کرن ل سەر هەرسى دەستهەلاتیین سەرۆکایەتییا پەرلەمانى و سەرۆکایەتییا ئەنجومەنى وەزیران و ئەنجومەنا دادوەرییدا، پاشان ب بەلاڤ کرنا گرتەیەکا ویدیویى پێشمەرگەبونا خوو دوبارە کرەڤە دووپاتا هندى کر کوو بەرزترین و مەزنترین پلە دەڤ سەرۆکى پێشمەرگایەتیە .
ئارمانجا نەیارا و دوژمنان ب دروست کرنا ئاریشان ب هەر رەنگەکێ هەبیت کەسایەتییا سەرۆکییە، چونکە ئەو دزانن سەرۆکى رێزەکا مەزن ل ناڤخۆ و ژدەرڤە یا هەی، وەکو قارەمان ل ناڤخۆ دهێتە نیاسین
مە ئەڤ سەرۆکە هەیە کو هەر ل دەمێ ژ دایک بوى دگەل خۆشى ونەخۆشیێن گەلێ خۆە ژیایە، وهەر ل ژیێ 14 سالیێدا چەکێ شەرەفێ هاڤێتیە ملێ خۆ ول رێزێن پێشیێ یێن پێشمەرگایەتیێ بوو، سەرۆک بارزانى ل شورەشا گولانێ پێشمەرگە و سەرکردە بوو وخەبات وتێکوشان دژى مەزنترین هێزا دیکتاتوریەتیێ کریە، ودیروک ژى شاهدێ ڤێ چەندێیە.
بارزانى ب کارێزمایا خۆە شیا پشتەڤانیا پرانیا ولاتێن جیهانێ بۆ کوردستانێ پەیدا بکەت، وهەر بارزانى بوو، شیایى پشتەڤانیا ئەمریکا وهەڤپەیمانییەکێ دژى تیرورستێن داعش پەیدا بکەت وهەر بارزانى بوو شیایى هێزێن پێشمەرگەى بنێریت ژبۆ هاریکاریا برایێن کورد ل کوبانێ ، وبدەهان هەلویست وجوامێریێن دیتر بۆ دیروکێ تومار کرینە.
نوکە ل شوینا هەمى پارت ولایەن رێزێ ل سەرۆک بارزانى بگرن ووەکو لێڤەگەرەک (مرجع).سەرەدەریێ دگەلدا بکەن، موخابن قولپ دهێنە گرێدانا ژبو ژنافبرنا ناڤ ودەنگ ودەستهەلاتێن وى. ویا ژبیر کرى کێم کەس هەنە سیما وسالوخەتێن وەکو یێن سەرۆکى هەبن، چونکە ئەم سەرۆکێن جیهانێ و یێن پارت ولایەنێن کوردستانى ژى دبینین، وپرسیار دکەین، سەرۆکێ کیژ وولات وپارت ولایەنێن سیاسى، تڤەنگا خۆ هەلگرتییە وچویە بەرسینگێ شەرى، سەرۆکێ کیژک پارت ولایەنى هەیە، کور وبرا وبرازاێن خۆە برینە ئەنیا شەرى، کیژ ژوان رۆژەکێ ژ رۆژان چویە دگەل پێشمەرگەى ل سەنگەرێن شەرى بەرەڤانى کریە یان هەر چ نەبیت سەرەدانا مالا شەهیدەکى یان بریندارەکى کربیت؟؟.،بخۆ گەلەک جاران گوتیە: (ئەز فێرخوازێ خواندنگەهەکا پیرۆزم، ودخواندنگەها شێخ عەبدولسەلام بارزانی دا ئەز یێ فێرى پێکڤە ژیان وقوربانی دانێ بویم ژ پێخەمەت سەربەخۆیا کوردستانێ، وژخواندنگەها شێخ ئەحمەدێ بارزانى فێرى رەوشت وبیرو باوەران بویمە وژ خواندنگەها مستەفا بارزانى فێرى ژیانا پێشمەرگایەتیێ وگیان بەخشینێ وکوردایەتیێ وخەبات و تێکوشانێ بویمە، خواندنگەها شورەشا ئەیلول وگولانێ ئەز فێرى پەیڤا کوردستان یان نەمان کریمە وژ دایکا شەهیدى فێرى خوراگرى وهەدارێ بویمە، بەلێ ئەز فەخروشانازیێ دبەم ئەز پێشمەرگە بم نەک سەرۆک، چونکە ل هەمى دەمان من پێشمەرگایەتى خۆش تر ڤیایە ژ سەرۆکایەتیێ).
ئەڤە یە سەرۆکێ مە، ل بەرهندى دبیژم سەرۆکێ پێشمەرگە ، پێشمەرگە هە سەرۆک